Unicode
ပိုင်ယွီက မလုပ်ရဲဘူးလေ။ ပိုင်ယွီက ဟောင်ရင့်ကို အပြစ်လုပ်မိမှာထက် ထန်းမော့ကို ၁၀၀ရာခိုင်နှုန်း ပိုကြောက်တယ်လေ။
ပိုင်ယွီက မလုပ်ရဲဘူး။ ဒါပေမဲ့ အခုဒီနေ့ ဒီနေရာမှာ ရှိနေတာက ပိုင်ယွီနဲ့ ချောင်လန်တို့ ၂ယောက်ထဲတင် မဟုတ်ဘူးလေ။
ချန်ယောင်းရန်နဲ့ နောက်လူ၃ ၄ ယောက်လောက်ကလွဲရင် အတန်းထဲကလူတွေအားလုံး ရှိနေကြတာလေ။ နဂိုကထဲက ထန်းမော့နဲ့ ဟောင်ရင်တို့က လူအာရုံစိုက်စရာဖြစ်နေခဲ့တာလေ။ အခုသူတို့၂ယောက်က တစ်ယောက်နဲ့တစ်ယောက် မျက်နှာချင်းဆိုင်ရတော့မယ်ဆိုတော့ အားလုံးက နည်းနည်းလေးမှ ဝင်မတားကြဘူးပေါ့။
အထူးသဖြင့် ချောင်လန်နဲ့ အရမ်းခင်တဲ့သူတွေပေါ့။ ချောင်လန်နဲ့ ထန်းမော့တို့က ပုံမန်ဆို သူတို့ကို အရမ်းခွေးစာကျွေးလွန်းလို့ သူတို့က အားလုံးထက်ပိုပြီး အခုအချိန်မှာ အရမ်းတက်ကြွနေကြတာပေါ့။
" သောက် သောက်!! "
ချောင်လန်က နောက်တစ်ခါထပ်ပြီး တားလိုက်ချင်နေတယ်။ ဒါပေမဲ့ ထန်းမော့က အရမ်းကိုတည်ငြိမ်နေတယ်လေ။
ဟောင်ရင်လှမ်းပေးတဲ့ ဘီယာပုလင်းကို ယူလိုက်ပြီး အဖုံးကို အရမ်းကျက်သရေရှိစွာ ဖွင့်လိုက်ပြီး မျက်ခုံးတစ်ဖက်ပင့်လိုက်ကာ ပြောလိုက်တယ်။ " ဘယ်လိုသောက်မှာလဲ "
သူ့တို့ဘေးက ကျောင်းသားကျောင်းသူအုပ်လိုက်ကြီးက ရုတ်တရက်ဆိုသလို ပွက်ပွက်ဆူလာကြတော့တာပေါ့။
ပိုင်ယွီက အစတုန်းက ဟောင်ရင့်စကားကို နားမထောင်ရဲဘူး။ ဒါပေမဲ့လဲ သူမက တစ်ခြားသူတွေထက်ပိုပြီး ဒီစိတ်လှုပ်ရှားစရာကောင်းတာကို ကြည့်ချင်နေခဲ့တာလေ။ အဲ့တာကြောင့် သူမက ထန်းမော့သဘောထားကို တွေ့လိုက်တော့ ချက်ချင်းကိုပဲ ချောင်လန့်ကိုလက်မောင်းကနေ ဆွဲလိုက်ပြီး အော်လိုက်တယ်။
" ဟောင်ရင် ရှုံးသွားပြန်ပြီ " ပိုင်ယွီက သက်ပြင်းချလိုက်တယ်။ " ထန်းမော့က အရမ်းကို ချောတာပဲ။ "
အစကထဲက အချစ်ဆိုတဲ့ filterကို ဖြတ်ပြီးမှ မြင်တဲ့ ချောင်လန်တစ်ယောက်ကတော့ သဘာဝကျစွာပဲ ထန်းမော့ကပိုပြီး ချောတယ်လို့ ခံစားမိတာပေါ့။
YOU ARE READING
ဗီလိန်ရဲ့ လမ်းပြကြယ်
Romanceဝတ္ထုစာအုပ်ထဲကို ဝိဉာဉ္ကူးပြောင်းလာတဲ့ ချောင်လန်တစ်ယောက် သူမရဲ့ နေရာက ဇာတ်လိုက် မင်းသားကို ကြိုက် မိသွားတဲ့ ဗီလိန်နေရာကဆိုတာ သိသွားတဲ့အချိန်မှာ သူမ ဘယ်လို ကံကြမ္မာကိုပြောင်းလဲမလဲ.... သူမရဲ့ ရှေ့ရေးတက်လမ်းအတွက် ဘယ်လို ပြင်ဆင်မှုတွေလုပ်မလဲ.... ပြီးတေ...