ရေခဲတုံးအကိုကြီးကို ဆွဲဆောင်သော ဝံပုလွေညီငယ်လေး

ရေခဲအကိုကြီးကို ရေးနေတာ mayking မှ ဟုတ်ရဲ့လားဟင်

ထေ့ရိတဲ့အပြောအဆို လက်မခံပါ

"ရေခဲတုံးအစ်ကိုကြီးကို ဆွဲဆောင်တဲ့ ဝံပုလွေညီငယ်လေး" နဲ့ ဝက်ဝံလေး ကို ဘာသာပြန်ရင်း ဘာသာပြန်သူ ကိုယ်တိုင် အရမ်းကို အူယားပြီး ရယ်ချင်လာမိအောင် နင်နင်တို့ ကဲသဲကြတာ၊ ဝက်ဝံလေးနဲ့ကျိုးကျီတို့ရဲ့ အခန်းလေးတွေ ပါလာခဲ့တယ်။

ကျွန်တော်က အရင်ကတည်းက ပင်ကိုယ်ရေးပဲ ဖြစ်ဖြစ်၊ ဘာသာပြန်ပဲဖြစ်ဖြစ် Note ရေးတယ်ဆိုတာ ရှားပါတယ်။ ကျွန်တော် လောလောဆယ် ဘာသာပြန်နေတာတွေက အရမ်းများလို့ အလုအယက် ဘာသာပြန်နေရတယ်။ ဒါကြောင့် ဘာမှ သိပ်မပြောဖြစ်ပဲ သုတ်သုတ်ဘာသာပြန်၊ သုတ်သုတ် တင်ပေး..အဲ့လိုပဲ လုပ်ခဲ့တယ်။

ဒါကြောင့် စာဖတ်သူတချို့က ဖတ်ရုံဖတ်ပြီး Vote တောင်မပေးကြတာ အများကြီးပါ။ မတင်ဖြစ်ရင်သာ လာလာတောင်းဆိုကြပြီး ဖတ်ပြီးရင် အဖက်မလုပ်၊ အသိမှတ်မပြု၊ လှည့်တောင် မကြည့်ကြတာကို ကျွန်တော် ဘာမှ မပြောခဲ့ပါဘူး။

အခုရက်ပိုင်း ရေခဲတုံးနဲ့ ဝက်ဝံလေးက ချစ်စရာ၊ စနောက်ချင်စရာဖြစ်လို့ ကျွန်တော်လည်း ဘာသာပြန်ရင်း ကိုယ့်အမြင်ကို စာဖတ်သူတွေနဲ့ မျှဝေ ချင်လို့၊ ခင်မင်မှုနဲ့စနောက်ချင်လို့ Note တိုတိုလေးကို ထည့်ခဲ့တယ်။ ဒါပေမယ့် ရေခဲတုံးအကိုကြီးက အခန်းပေါင်း (102) ခန်းထဲမှာ Note ထည့်တာ 10 ခန်းတောင် မရှိလောက်သေးပါဘူး။

စာဖတ်သူတချို့က ဘာသာပြန်သူရဲ့ Note တွေကို မဖတ်ချင်ကြဘူး၊ ဇာတ်လမ်းကြီးပဲ ဖတ်ချင်တယ်ဆိုတာ နားလည်ပါတယ်။

((ရေခဲအကိုကြီးကို ရေးနေတာ mayking မှ ဟုတ်ရဲ့လားဟင် အရင်က mayking ဆို A/N တွေ မထည့်ပဲ ဇာတ်လမ်းထဲကို ဆွဲဆွဲခေါ်သွားတာ အခု mayking ကျ A/N တွေနဲ့ ဇာတ်လမ်းထဲကနေ အပြင်ကို ဆွဲဆွဲခေါ်နေတယ် အရမ်းကြိုက်တဲ့ novel လေးမို့ အရမ်းနာကျင်ရတာပဲ ) ) ဆိုပြီး လာပြောတာကို ခံခဲ့ရပါတယ်။

ကျွန်တော် ကိုယ်တိုင်ကလည်း သူများ ဘာသာပြန်တာကို အမြဲဖတ်ပါတယ်။ Note အရှည်ကြီးတွေ၊ ဇာတ်လမ်းတဝက် Note တဝက်ရေးတာတွေကိုတောင် ဖတ်ဖူးပါတယ်။ ဒါပေမယ့် ကျွန်တော်က သူများ အချိန်ကုန်၊ ငွေကုန်၊ အာရုံနောက်ခံ၊ အပင်ပန်းခံပြီး သာသာပြန်ပေးတာကို ငွေမပေးပဲ အလကား သွားဖတ်နေတာပဲ ဆိုတဲ့ အသိနဲ့ အသာလေးပဲ ကိုယ်မဖတ်ချင်တဲ့ Note ကို ကျော်ချခဲ့တယ် ။

*****အဓိက ကိုယ်က သူများရဲ့ ကြိုးစားအားထုတ်မှုကို ငွေမပေးပဲ အလကား သွားဖတ်နေတယ်ဆိုတဲ့ အသိကြောင့်ပါ။ ပြီးတော့ ဖတ်ပြီးတိုင်း အမြဲ Vote ပေးခဲ့တယ်။ သူတို့ရဲ့အားထုတ်မှုကို အားပေး အသိမှတ်ပြုတဲ့အနေနဲ့၊ ကျေးဇူးတင်တဲ့ အနေနဲ့ပါ။ ****
မှတ်ချက်- ကိုယ့်စာကို တောက်လျှောက်ဖတ်ပြီး အမြဲအားပေးနေတဲ့ follower တွေက ဘာ အပြစ်မှ လာမပြောကြဘူး။ အမြဲလိုလိုလည်း vote ပေးကြတာ သိပါတယ်။။


ကိုယ့်စာကိုတောက်လျှောက်ဖတ်နေတဲ့ follower တွေက ကိုယ်က ဘယ်လိုလူလဲ၊ ဘယ်လိုအရေးသားမျိုးနဲ့ ရေးတတ်သလဲဆိုတာ သိကြပါတယ်။ တစုံတခု အဆင်မပြေတာ၊ ကိုယ်ဘာသာပြန်လို့လွဲသွားတာ၊ မှားရေးမိတာကို လာပြောတိုင်း ကျွန်တော်က အဆင်ပြေအောင် ချက်ချင်း ပြန်ပြင်ပေးခဲ့တယ်။ ဘာသာပြန်မှားခဲ့ရင်လည်း ပြန်ပြင်ပြီးကျေးဇူး တင်စကားပြောခဲ့ပါတယ်။

ပြောချင်တာက... တခုခု အဆင်မပြေရင် ရိုးရိုးသားသား လာပြောလို့ရပါတယ်။ ဒါပေမယ့် ထေ့ရိတဲ့ အပြောအဆိုကို ကျွန်တော် လက်မခံပါဘူး။  

တစ်ခုထပ်ပြောလိုက်ပါ့မယ်...

Note လေးတွေကို ထည့်တာက စာဖတ်သူတွေကို ခင်ခင်မင်မင် စနောက်ချင်တဲ့ သဘောပါ။ ပြောစရာလူမရှိလို့ စာလာဖတ်သူကို လေပေါ Attention ရှာ Promotion လုပ်နေတာ မဟုတ်ဘူးဆိုတာ ပြောလိုက်ချင်တယ်။

** အပြုသဘောနဲ့ ဝေဖန်ပေးသူတိုင်းကို  ကျေးဇူးတင်ပါတယ်။




**************-*********