ရေခဲတုံးအကိုကြီးကို ဆွဲဆောင်သော ဝံပုလွေညီငယ်လေး

(U+Z) Chapter (143-1)_ မိသားစု မျိုးရိုးသစ်ပင်ထဲ တရားဝင် ထည့်သွင်းခြင်း

Chapter (143-1)_ မိသားစု မျိုးရိုးသစ်ပင်ထဲ တရားဝင် ထည့်သွင်းခြင်း



ဘာ?

မိသားစု ...... မိသားစုသစ်ပင်ထဲမှာ သူ့နာမည်ကို ထည့်သွင်းမယ်..ဟုတ်လား

တပ်မှုးဟောင်းကြီး၏ စကားကိုကြားတော့ ရှုနင်က ဘယ်လောက်တောင် တည်ငြိမ်သလို နေပါစေ  အနည်းငယ်စိတ်ရှုပ်ထွေးနေသေးသည်။

အံ့သြကာ မျက်လုံးပြူးပြူးလေးနှင့် ကြည့်ခဲ့သည့် ရှုနင်ရဲ့ ဒီချစ်စရာကောင်းတဲ့အသွင်အပြင်လေးက စစ်ထူသားအဖစုံတွဲကို အရမ်းပျော်ရွှင် လာစေတယ်။ သူတို့နှစ်ယောက်က ရှုနင်ကို ချစ်ခင်မြတ်နိုးတဲ့
အကြည့်နဲ့ ကြည့်နေကြတယ်။

ကံကောင်းထောက်မစွာနဲ့ ရှုနင်က လက်ဖက်ရည် သောက်မနေလို့သာပေါ့။ မဟုတ်ရင် ပါးစပ်က အလန့်တကြား မှုတ်ထုတ်လိုက်မိလို့ သူ့ရှေ့က လူကြီး နှစ်ယောက်ကို   ရေတံခွန်လို လက်ဖက်ရည်တွေနဲ့ သေချာပက်ဖျန်းမိလိမ့်မည်၊ ထို့နောက် သူ့ရှေ့မှ လူနှစ် ဦး က ရယ်နိုင်တော့မည် မဟုတ်ပေ။

 

ရှုဟိန်သည်အမြော်အမြင်ကြီးမားသူတစ် ဦး ဖြစ်သော်လည်း သူ့အဖေရင်းနှင့် အဖိုးရင်းက ဤကဲ့သို့ပြုမူလိမ့်မည်ဟု သူ လုံးဝ မမျှော်လင့်ခဲ့မိပေ။ နောက်ဆုံးတော့ သူတို့ဟာ ယောကျာ်းနှစ်ယောက် ကြားက   ဆက်ဆံရေးကို လူသိရှင်ကြားကြေငြာဖို့ မဖြစ်နိုင်တော့သလို၊ သူတို့မှာ အဆင့်အတန်းတစ်ခုရယ်လို့ သတ်သတ်မှတ်မှတ် ရှိဖို့တောင်မှဖြစ်နိုင်ချေနည်း တယ်ဆိုတာ ပြနေတာပဲ။ စစ်ထူမိသားစုကြီးက မြို့တော်က အလွှမ်းမိုးနိုင်ဆုံး စစ်ဘက်က မိသားစုကြီးတစ်ခုဖြစ်လို့ သူတို့က ထုံးတမ်းစဉ်လာအပြင် ဂုဏ်သိက္ခာကိုလည်း ထိန်းရသေး တယ်။ ဒါကြောင့် ရှုဟိန်နဲ့ ရှုနင်တို့ အတွက် ခမ်းနားကြီးကျယ်တဲ့ လက်ထပ်မင်္ဂလာပွဲ ကို မလုပ်ပေးနိုင်လို့ ခပ်လျှိုလျှိုနဲ့ အနီရောင်တွေမပါပေမယ့် မင်္ဂလာအိပ်ခန်းကို လုပ်ပေးခဲ့ကာ အသိမှတ်ပြုပေးခဲ့သည်။

  စစ်ထူမိသားစုသည် ညစ်ပတ်စွန်းထင်းခြင်းမရှိစေရန် သူတို့၏ဂုဏ်သတင်းကိုအလွန်ဂရုစိုက်ခဲ့သည်။ ဒါပေမယ့် ...... ရှုဟိန်အတွက် ရည်ရွယ်ထားတဲ့ အခန်းကို "သတို့သမီးအခန်း" အဖြစ် အပြင်အဆင်ပြောင်းလဲပေးခဲ့သည်။  အနီရောင်တွေ ပါဝင်ခြင်းမရှိပေမဲ့ မင်္ဂလာ ဦး ညရဲ့ ကို ခပ်လျှိုလျှိုလေးလုပ်ကာ သဘောတူကြောင်း သူတို့ကို အချက်ကိုပြခဲ့တယ်။ ရှုဟိန်နှင့် အတူလိုက်ခဲ့သည့် ရှုနင်က ဒီသဘောကို နားလည်လိုက်လို့  စစ်ထူထုံးတို့လုပ်ခဲ့သမျှက  ပြည့်စုံသွားခဲ့သည်။

ထိုအရာနှင့်အတူ ရှုနင် သည် ယခု စစ်ထူ မိသားစု၏ မိသားစုဝင်တစ် ဦး ဖြစ်ခဲ့သည်။

ဤအရာသည် သူတစ်ခါမှ အိပ်မက်မမက်ဖူးသည့် ရိုးရှင်းသည့်အရာတစ်ခု ဖြစ်ရုံသာမဟုတ် ရှုဟိန်၏ ဖခင်ဘက်က မိသားစုအမည်ထဲ၌ပင် သူ့နာမည်ကို မှန်ကန်စွာ မှတ်တမ်းတင်ချင်နေသေးသည်။

ဒါက ဘယ်လို ဟာသမျိုးလဲ။

သူတို့က ရှုနင်ကို သူတို့ရဲ့ချွေးမအဖြစ် လက်ခံတာ ရှင်းနေတာပဲမဟုတ်လား။ ဒါက လက်ခံဖို့ခက်တယ်၊ တကယ်လို့ အပြင် လူတွေသာ သိသွားခဲ့ရင် စစ်ထူမိသားစုက သေချာပေါက် ဝေဖန်ခံရလိမ့်မယ်။



ရှုနင်က သနားစရာကောင်းအောင် လျှို့ဝှက် ထားပေမယ့် သူက အဆိုးထဲက အကောင်းဖြစ်တယ် ဆိုတာကို မပြောနိုင်တဲ့ လူ တစ်ယောက်တော့ မဟုတ်ပေ။ သူငြင်းဆန်တော့မည့် အချိန်တွင် ရှုဟိန်က ခေါင်းငြိမ့်ကာ လက်ခံလိုက်သည်။

 
"အစ်ကိုကြီး!"

"စိတ်မပူပါနဲ့"

ရှုနင်ဘာကို  စိတ်ပူတယ်ဆိုတာ ရှုဟိန် သိတယ်၊ နိုင်ငံရေးကိစ္စတွေထဲမှာ  ၀ င်မပါခဲ့ဘူးဆိုရင်တောင် စစ်ထူမိသားစုမှာ အခြား အိမ်တော်ခွဲက သားစဉ် မြေးဆက် တွေ ရှိသေးသည်။ သူတို့ အကျိုးအတွက်ကို ရှုဟိန်က စိတ်မ ၀ င်စားပါ၊ အဘိုးဆန္ဒရှိလျှင် ဘာကိုမှ စိတ်ပူစရာမလိုအပ်ပေ။ စစ်ထူချန်းမင် အမိန့်ပေးလိုက်ရင် ဘယ်ဆွေမျိုးမှ   ပြသနာ မရှာရဲတော့ပေ။

 
ရှုနင်က ခေါင်းမော့ပြီးတပ်မှူးဟောင်း အဖိုးဖြစ်သူကို့ကြည့်လိုက်သည်။ သူကကြင်နာစွာပြုံးပြီး ရှုနင်က သူတို့ဘက်ကိုတွေးပေးသည့် ီမြင်ကွင်းကို မြင်လိုက်တဲ့အခါ စစ်ထူထုံးရဲ့ဆုံးဖြတ်ချက်က ပိုခိုင်မာလာတယ်၊

 "စိတ်မပူပါနဲ့၊ အိမ်တော်ထဲက လူတွေပဲ ဒါကို သိလိမ့်မယ်၊  တကယ်လို့ အပြင်လူတွေက ဒါကို သိသွားခဲ့ရင်လည်း ငါက မင်းကို ငါ့မြေးလေးအဖြစ် အသိမှတ်ပြုထားတယ်လို့ ပြောလို့ရတယ်။   မင်းသာ မင်းရဲ့အဖေကို ရှုဟိန်ကို ပျိုးထောင်ခွင့်ပေးခဲ့ရင် ဘာကြောင့် ငါတို့က မင်းကို ပျိုးထောင်ခွင့်ပေးလို့ မရနိုင်မှာလဲ  မဟုတ်ဘူးလား။ "

 အကောင်းဆုံးဆိုတဲ့ လာဘ်ကောင်လေး နင်နင်ကို သူတို့ မိသားစုထဲ ထည့်လိုက်ရင် သူတို့မြေး ရှုဟိန်က သူတို့အတွက် မျိုးဆက်လေးတွေကို အဌားကိုယ်ဝန်ဖြင့် မွေးဖွားပေးမည် ဆိုသည့် အချက်ကို ရင်ထဲ အသာထားပြီး အခု တိတ်တခိုးလေး ပျော်ရွှင်နေကြသည်။

 

ရှုနင်: "...... " ဒါဆို ဒီလိုမျိုးလည်း လုပ်လို့ရတယ်လား...
 

တပ်မှုးဟောင်းကြီးက  ဤတိုးတက် ပြောင်းလဲမှု များအား ကျေနပ်အားရမှုပြနေသကဲ့သို့ တည်ငြိမ်စွာ ခေါင်းညိတ်လိုက်သည်။

ရှုဟိန်က ရှုနင် ၏လက်ကို ဆွဲယူ၍ သူ့ကို အသာဖြစ်ညှစ်အားပေးလိုက်သည်၊

 "မကြောက်ပါနဲ့၊ ငါတို့နာမည်ကို မိသားစု မျိုးရိုး စဉ်ဆက် သစ်ပင်မှာ ထည့်ထားရုံပဲ"

ဟားဟား၊ ငါ့ နာမည်ထည့်တာက တော်တော်ကြီးတဲ့ ကိစ္စမဟုတ်ဘူးလား၊   ရှုနင်က သူ့ကိုတိတ်တဆိတ်ငေးကြည့်ဖို့တောင် မလုပ်ရဲဘူး၊ ဒါကြောင့် သူက အကိုကြီးလက်ထဲက သသူ့လက်ကို တိတ်ဆိတ်စွာ ဆွဲထုတ်လိုက်သည်။

မိသားစုမျိုးရိုးစဉ်ဆက်သစ်ပင်တွင် မိမိ နာမည်ထည့်ခြင်း အတွက် စစ်ထူမိသားစုဝင်များ အားလုံးကို အကြောင်းကြားရလိမ့်မည်၊ သို့မှသာလျှင် ဤအရာကို လေးနက်သောကိစ္စအဖြစ် သဘောထား လိမ့်မည်။ ယနေ့သည် တနင်္ဂနွေနေ့ ဖြစ်၍ ညဉ့်အချိန် ဖြစ်နေပြီ။ ဒါကြောင့် ရှုနင်က သူတို့မှာအခြား အစီစဉ်များ ရှိသည်ဟု ထင်ခဲ့ပေမယ့် သူ ခေါင်းညိတ်ကာ သဘောတူ လိုက်ပြီးနောက် စစ်ထူ သားအဖနှစ်ယောက်က သူတို့ဖုန်းတွေကို တကယ်ပင် ရွှင်မြူးစွာခေါ်ဆိုမည်ဟု သူ လုံးဝမမျှော်လင့်ခဲ့မိပေ။

ရှုနင်၏မျက်နှာ အနည်းငယ်ဖျော့တော့ကာ လန့်နေသည်ကို မြင်လိုက်သောအခါ ရှုဟိန် ရင်ထဲ တော်တော်နာကျင်သွားသည်။

"အခု လာမယ့်သူတွေက ငါတို့ရဲ့ စီနီယာတွေ လူကြီးပိုင်းတွေပါ၊ ကျန်တဲ့မိသားစု ၀ င်တွေ၊ အငယ်တွေ၊ ဘေးက မိသားစုခွဲတွေ ပါ ၀ င်ခွင့် မရကြဘူး"

ချက်ချင်းပင် စစ်ထူမိသားစုဝင်က စီနီယာတွေကသာ ဒီပွဲကို တက်ရောက်ခွင့်ရပြီး ကျန်သည့် အငယ် ဂျူနီယာတွေက တက်ရောက်ဖို့  ဘာကြောင့် အရည်အချင်း မပြည့်ဝကြတာလဲ ဆိုတာကို ရှုနင်  မည်မျှထူးဆန်းနေပါစေ...သူက လိမ္မာသူတစ် ဦး အဖြစ် မှတ် ယူ၍   ဘာမှ ဖွင့် မမေးခဲ့ပေ။

 သူသည် အသက်ကြီးသူများ ကို လိုအပ်သော အစီအစဉ်များကို စီစဉ်ခွင့်ပြုလိုက်သည်။ တကယ်တော့ ရှုနင် သည် ဤအရာအတွက် အတော်လေးပျော်ရွှင်နေပြီး သူသည် စစ်ထူ  သားအဖစုံတွဲ ယခင်ထက် ပို၍ လေးစားလာခဲ့သည်၊ ယခုအခါ သူတို့အပေါ်  ပို၍ ရိုးသားလာနိုင်လေပြီ။

 
သူတို့က လက်ထပ်ဖို့နိုင်ငံရပ်ခြားကိုသွားရင်တောင်မှ မိသားစုမျိုးရိုးသစ်ပင်ထဲကို စာရင်းသွင်း ဝင်ရောက်နိုင်တာကမှ တရားဝင်တယ် မဟုတ်လား။ နောင်တွင် သူသည် ရှုဟိန် ၏ဇနီးသည် နေရာတွင် အမြဲ ရှိနေမှာဖြစ်ပြီး မိသားစုထဲမှာ သူ့အတွက် နာမည်ကောင်းရရုံသာမက တကယ် စနစ်တကျလည်း ဖြစ်လာလိမ့်မည်။ ဤအချက်ကိုစဉ်းစားရင်း ရှုနင်သည် အနည်းငယ် စိတ်လှုပ်ရှားကာ မျက်နှာက့်နီမြန်းသွားသည်။

ရှုဟိန်က နင်နင်ရဲ့အမူအရာကိုကြည့်ပြီး တော်တော်သနားသွားတယ်။ စစ်ထူသားအဖစုံတွဲ ကြည့်နေသည့်ကြားက သူက ရှုနင် ၏မျက်နှာကိုနမ်းရန် ခေါင်းကိုငုံ့လိုက်သည်။

ရှုနင်၏ခေါင်းသည် ယခုထက် ပိုငုံ့သွားမိကာ စစ်ထူထုံးနှင့် အဖိုးတို့ကို ရှက်လို့နေသည်။

 
ညနေဆယ်နာရီတွင် သူတို့သည် ဒူးထောက် ဆုတောင်းခြင်း၊ အမွှေးနံ့သာ ထွန်းညှိကာ  ဘိုးဘေးတို့ကို ကန်တော့ပြီး ရှုနင်၏အမည်ကို မိသားစုသစ်ပင်ထဲသို့တရားဝင်ထည့်သွင်းခဲ့သည်။ ဒီကိစ္စကို လူသိရှင်ကြားမပြဘဲ အရာအားလုံးကို အရမ်းရိုးရှင်းစွာ လုပ်ဆောင်ခဲ့တယ်။ သူတို့၏အသက်ကြီးသူ အားလုံး အယောက် သုံးဆယ်ကျော်ရောက်လာကြသည်။ ဒီဖြစ်ရပ်ကို ထိတ်လန့်နေသူ၊ မကြည်ဖြူသူနှင့်   အထင်အမြင်သေးသူများလည်း ပါဝင်ခဲ့သည်။ ဒါပေမယ့်အိမ်ထောင် ဦး စီးဖြစ်တဲ့ တပ်မှူးဟောင်း ကိုယ်တိုင်ပြောပြီးကတည်းက သူတို့က အဲဒါကိုပဲ လက်ခံနိုင်ရုံသာ တတ်နိုင်တော့သည်။

  ဒါပေမယ့် ...... သူ့ရဲ့တစ် ဦး တည်းသောသားကို ယောက်ျားတစ်ယောက်နဲ့လက်ထပ်ဖို့ဆိုတာက  တစ်ဖက်မိသားစုအတွက်  အရမ်းအကျိုးရှိခဲ့တာပဲ မဟုတ်ဘူး။

ဘာကြောင့်လဲဆိုတော့ ရှုဟိန်ကဲ့သို့ထူးချွန်သူတစ် ဦး သည် သူ၏မွေးစားအဖေ၏သားကို တကယ်ချစ်မိသည်ကို မည်သူက ယုံမည်နည်း။

ရှုနင်ကို ကြည့်လိုက်ရင် နူးညံ့သိမ်မွေ့ပြီး သာမန်ထက် အနည်းငယ်ပိုချောမောရုံပဲ မဟုတ်လား။

ဘက်စုံထူးချွန်သော စစ်ထူမိသားစုထဲက လူငယ်တွေနဲ့ယှဉ်ရင် ရှုှုနင်ရဲ့ပုံစံက အစေခံသာသာလောက်ပဲ ရှိတယ် မဟုတ်လား။   ဒါပေမယ့် တကယ့် အခမ်းအနားကို စိစဉ်လုပ်ကိုင်သည့်အခါ ရှုနင်ကို စစ်ထူမိသားစုထဲက စီနီယာတွေအားလုံး မြင်လိုက်မှ ရှုနင်က သူတို့ တွေးထားသလို မဟုတ်ဘူးဆိုတာ  သိလိုက်သည်။

 
 သူ့မှာ ထူးခြားတဲ့အရာ တစ်ခုရှိမှာသေချာတယ် ...... မဟုတ်ရင် စစ်ထူချန်းမင် တပ်မှုးဟောင်း အိမ်ထောင်ဦးစီးကြီးက ရှုနင်ကို မိသားစုမျိုးရိုး သစ်ပင်ထဲ သွပ်သွင်းခွင့်ပြုမည် မဟုတ်ဟု အားလုံး တပြိုင်တည်း တွေးလိုက်မိသည်။

 

တကယ်တော့ ရှုနင် ဘယ်လောက် လက်စောင်း ထက်တယ် ဆိုတာ ဘယ်သူမှ မသိပေ။. သူ့ကို ထိန်းနိုင်တာဆိုလို့ ရှုဟိန် တစ်ယောက်တည်း ရှိသည်။ အထက်တန်းကျောင်း မတက်ရခင်ကတည်းက မုန့်ဖိုးနှင့် ကိုယ်ပိုင်လုပ်ငန်းကို စတင်ခဲ့ပြီး ကောလိပ်တက်ချိန်မှာသူ့လုပ်ငန်းတွေက အရှိန်ဟုန်နှင့် ကြီးထွားလို့နေလေပြီ။

ဒီအကြောင်းရာအားလုံးကို အစီရင်ခံစာထဲကနေ စစ်ထူသားအဖက သိထားပြီးဖြစ်သည်။ အချင်းနှင့်ရော အဆင်းနှင့်ပါ ပြည့်စုံသည့် ချွေးမလေးကို သူတို့ မိသားစု မျိုးရိုးသစ်ပင်ထဲ မထည့်လို့ ရမလား။



 တပ်မှူးဟောင်းကြီးက အသက်ကြီးလာပြီ။ မကြာခင် စစ်ထူထုံးက မိသားစု အကြီးကဲနေရာကို ဆက်ခံလိမ့်မည်။  ရှုဟိန်က နင်နင်ကိုပဲ စိုက်ကြည့်နေသည်။ တကယ်လို့ စစ်ထူမိသားစုက ရှုဟိန်ကို စစ်ထူမိသားစုရဲ့  အမွေစားအမွေခံလုပ်ဖို့ စဉ်းစားနေတယ်ဆိုရင် အဲဒါကို စဉ်းစားစရာတောင် မလိုဘူး။

ရှုဟိန်က စစ်ထူထုံး၏သားအရင်းဖြစ်ပေမယ့် သူ့ကို စီးပွားရေးလုပ်ငန်းရှင်မိသားစုထဲမှာ မွေးဖွားခဲ့ပြီး ကြီးပြင်းလာတာဖြစ်လို့  သူသည်နိုင်ငံရေး လောကထဲကို ကောင်းမွန်စွာ တိုးဝင်နိုင်မည် မဟုတ်ပေ။ ပြီးတော့ စစ်ထူထုံးက အရွယ်ရှိသေး သည်။  ဒါကြောင့်သူက အနည်းဆုံးဆယ်စုနှစ် တစ်ခုထက် ပိုနေသွားနိုင်တယ်၊ဘာမှ ပြဿနာမရှိဘူး။ ဒီနေရာမှာ ဘယ်သူကမှ လူမိုက် မဟုတ်ဘူး၊ ကလေးရှိတဲ့သူတွေအားလုံးက စိတ်ကူးတွေကို စဉ်းစားနေကြပြီ၊ ကလေးမရှိတဲ့သူတွေလည်း အလုပ်ကြိုးစားဖို့ စီစဉ်နေကြတယ်။ သူတို့ ကလေးတွေကို စစ်ထူထုံးနောက်ပိုင်း နေရာကို ဆက်ခံဖို့  တိတ်တိတ်လေး စိတ်ကူးယဉ်နေကြသည်။

ရှုဟိန်က ယောကျာ်းတစ်ယောက်ဖြစ်သည့် ရှုနင်နှင့် လက်ထပ်လိုက်တော့မည်ဆိုတော့ သေချာပေါက် စစ်ထူထုံး၏ မြေးအရင်းက ရှိမလာနိုင်တော့ဘူးလို့ သူတို့အားလုံး သေချာပေါက်တွက်နေကြသည်။


လူတိုင်းက သူတို့လုပ်ရမည့် အရာတွေအတွက် အဆင်သင့်ဖြစ်နေကြပေမယ့် ဘာအရိပ်အယောင်မှ မပြဘဲ သူတို့က အဆင်ပြေ သက်တောင့်သက်သာ ခံစားနေကြရသည်။



ရှုနင်ကိုကြည့်တဲ့ သူတို့မျက်လုံးတွေက ပန်းလေးတွေ ကို မြင်ရလို့ ကြည်နူးနေသလို သူတို့က အရမ်းကျေနပ် နေကြတယ်၊ သူတို့ရဲ့ ဆုတောင်းတွေ ပြုပေးကြပြီး လက်ဆောင်ပို့ပေးမယ်လို့ ပြောလာကြသည်။

 သူတို့ပြသခဲ့သည့် စိတ်အားထက်သန်မှု ပမာဏက မှန်ကန်သေည်မို့နွေ ဦး လေပြေကဲ့သို့ ခံစားနေရသည်။ ရှုနင်က သူ၏ရင်ဘတ်သည်နွေးထွေးနေသည် ဟု ခံစားခဲ့ရသည်။ ဒါပေမယ့် သူက အရင်ဘဝက ဆယ်စုနှစ်များစွာနေထိုင်ခဲ့သော လူသားတစ် ဦး ဖြစ်လို့ စစ်ထူမိသားစုထဲက လူတွေ ဘယ်လိုတွေးနေသည်ကို  သူသည် အတွေးအနည်းငယ်ဖြင့် နားလည်နိုင်သည်။



*****-*****