Chapter (149-2)- ရှုနင်ရဲ့ ရှာလကာရည်လေး
အနက်ရောင် အနောက်တိုင်း ဝတ်စုံကို ဝတ်ဆင် ထားသည့် တစ်ရာ့ကိုးဆယ် စင်တီမီတာကျော်သော ရှုဟိန်၏ ပုံစံသည် မြင့်မြတ်ချောမောကာ နတ်ဘုရား တစ်ပါးရဲ့ အရှိန်ဝါကို ထုတ်လွှတ်လို့နေသည်။
ထင်းရှူးပင်ကဲ့သို့ ဖြောင့်မတ်စွာ မတ်တပ်ရပ်နေရုံနှင့် သူ၏ထွက်ပေါ်လာမှုက နေမင်းကြီးအလားထင် ရကာ သူ့အနားကို လူတွေ ကပ်မလာစေရန် ကြီးမားသော အရှိန်တို့ အလိုလျေက်ထွက်ပေါ်လျက်ရှိသည်၊
သူနှင့် အကြည့်ချင်းဆုံလိုက်မိရင် အနက်ဆုံးသော တွင်းနက်ကြီးကဲ့သို့ ခံစားရကာ ဆက်လက်ကြည့်ရဲ ဖို့ကို သတ္တိရှိရန်လိုအပ်သည်။ သူတို့အားလုံးက ရှုဟိန် နှင့် ရင်ဆိုင်ရချိန်တွင် ခေါင်းကိုငုံ့ထားကြကာ အမှားတစ်ခုခု လုပ်မိသလို မလုံမလဲစိတ်ကို ဖြစ်လာစေသည်။
ဒီလူက တချက်ကြည့်လိုက်ရုံနှင့် ရိုးရှင်းမည့်ပုံ မပေါ်ပေ။ ဘယ်သူမှ သွားရှုပ်လို့ရမည့် လူမျိုး မဟုတ်ပေ။ ရှန်းကျိုးသည် သူ့လုပ်ငန်းရဲ့ သဘောသဘာဝအရ ငွေကြေးချမ်းသာသည့် ရင်းနှီးမြှုပ်နှံသူများ၊ လုပ်ငန်းအုပ်စုကြီးများ၏ ခေါင်းဆောင်များနှင့် သူ မမြင်ဖူးသည့် လူဆိုလို့ မရှိဖူးပေ။ ဒါပေမယ့် အခု သူ မြင်ရသည့် လူရွယ်လောက် ဘယ်သူမှ ပြင်းထန်သော အရှိန်အဝါကို ထုတ်လွှတ်နိုင်ခြင်းမရှိပေ။
ထိုလူရွယ်သည် အလွန်နုပျိုပြီး အကြည့်တွေက အရမ်းထက်မြက်သည်၊ စူးရှသောအကြည့်တွေက ဓါးတစ်လက်ကဲ့သို့ အခြားသူများအား ဖိအားများစွာကို ပေးနေနိုင်သဖြင့် တကယ်ကိုထူးခြားသည့် လူရွယ်ဖြစ်သည်။
ရှုနင်က ရှုဟိန်ကို ရှန်းကျိုးဘက်ကို လက်ညှိုးထိုးကာ ပြောပြနေစဉ် ရှန်းကျိုးက သူ့အားနှုတ်ဆက်ရန် အလျင်အမြန် ထွက်လာဖို့ သူ၏ မသိစိတ်က တိုက်တွန်းချက်ကို အလိုလို လိုက်နာခဲ့မိသည်။
ရုပ်ရှင်ရိုက်ကွင်းမှ လူအုပ်စုကြီးသည် မူလက အတော်ပင်ရွှင်လန်းနေခဲ့ကြသော်လည်း ယခုတော့ ...... အံ့သြဖွယ်ကောင်းလောက်အောင် တိတ်ဆိတ်နေ ခဲ့သည်။ သူတို့ကလောလောဆယ်မှာ ရုပ်ရှင်ရိုက်နေတယ်၊ ဇာတ်လိုက် အမျိုးသားက ဝမ်းနည်းကြောင်းပြသနေတယ်၊ ဇာတ်လိုက် အမျိုးသမီးက ငိုနေချိန်မှာ အဲဒါက အတော်လေး ရင်ကိုထိစေမယ့် သနားစရာမြင်ကွင်းပါပဲ။ သူမရဲ့လှပတဲ့ ရွှေရင်အစုံက သိမ့်သိမ့်တုန်ကာ ကြည့်သူကို ပိုလို့တောင်လှုပ်ရှားစေနိုင်တယ်၊ သူမရဲ့မျက်လုံးတွေက ရွှမ်းလဲ့ပြီး စကားပြောနေ သလိုဖြစ်လို့ မြင်ရသူအဖို့ စွဲမက်စရာကောင်း လှတယ်၊ သူမ ငိုနေတာကို မြင်ရသူအဖို့ ရင်အစံကို နာကျင်စေပြီး ချက်ချင်း အငိုတိတ်အောင် ချော့မော့လာစေနိုင်သည်။
သရုပ်ဆောင်မင်းသားက သက်ပြင်း ချ၍ ခေါင်းကိုမြှင့်ကာ မျက်မှောင်ကြုတ်လိုက်မိသည်။ ငိုနေသည့် အလှလေးကို နှစ်သိမ့်ပေးရန် သူ့လက်ကို ဆန့်ထုတ်လိုက်သော်လည်း အနည်းငယ် တုံ့ဆိုင်းသွားပြီးနောက် လက်ကိုပြန်ချလိုက်နိုင်သည်၊ သူက ထိုမိန်းကလေးကို ချစ်လို့မရနိုင်ပေ။ သူတို့မိသားစုနှစ်ခုကြား ရန်ငြိုးကို မေ့ပစ်လို့မရပေ။
မင်းသားက လက်သီးကို တင်းတင်းဆုပ်ကာ သက်ပြင်း ချပြီးနောက် ကျောခိုင်းကာ ထွက်ခွာသွားခဲ့သည်။
တစ်ကြိမ်တည်းနဲ့ သူတို့ နှစ်ယောက် သရုပ်ဆောင်တာ အမှားယွင်းမရှိ အောင်မြင်စွာ ပြီးသွားသောကြောင့် သူတို့နှစ်ယောက်က ကျွမ်းကျင်တဲ့သရုပ်ဆောင်တွေဆိုတာ သေချာသည်။
ရိုက်ကွင်းက တာဝန်ခံများနှင့် ခေါင်းဆောင် မင်းသား၊ မင်းသမီးများက အလုပ်ပြီးတာနဲ့ ချက်ချင်း ရှုနင်ကို ဖော်ရွေစွာနှုတ်ဆက်ကြသည်၊ သူတို့သည် အလွန်စိတ်အားထက်သန်နေကြပြီး သူတို့ရိုက်ကူးရေး ကို ရှုနင် စိတ်တိုင်းမကျမှာကို စိုးရိမ်နေကြ သည်။
ထုံးစံအတိုင်း ရှုနင်က ရှုဟိန်ကို သူတို့နဲ့မိတ်ဆက် ပေးမှာ မဟုတ်ဘူး၊ သူက ရှုဟိန်ကို လမ်းလျှောက်ဖို့ ခေါ်ပြီး သူတို့က နောက် တစ်နေရာက ရိုက်ကူးရေးကို အတူတူကြည့်ကြတယ်။ ရှုဟိန်သည်ရုပ်ရှင်ဇာတ်ကား အနည်းငယ်ထက် ပိုမကြည့်ခဲ့ဖူးပါ၊ သူ့ဘ ၀ သည် ခဏတာ အနားစရာ အချိန်မရှိပဲ အလုပ်တွေနဲ့ ပြည့်နေသည်။ ရှုနင်က သူ့ဘဝထဲကို ဝင်လာပြီးနောက် ရှုနင်နဲ့ အတူနေချိန်ရဖို့ အလုပ်မှန်သမျှကို အချိန်တိုတွင်း ပြီးဖို့ သိမ်းကျုံးလုပ်ကာ ပိုကြိုးစားခဲ့သည်။
ချင်းမင်သည် သူ ဝယ်လာခဲ့သော ကော်ဖီနှင့်အတူ ရောက်လာသည်။ သူက ရှုနင်ရဲ့လက်ထဲကို တိုက်ရိုက် ပို့ချင်ပေမယ့် ရှုဟိန်က သူ့လက်ကိုဆန့်လိုက်ပြီး လှမ်းယူကာ ရှုနင်ကို ပေးလိုက်သည်။
" ည အိပ်မပျော်ပဲ နေမယ်။ သိပ်မသောက်နဲ့..."
"အကိုကြီး...ဒီမှာရှိနေတာ ကျွန်တော်က ဘယ်လိုလုပ် အိပ်လို့ ပျော်နိုင်မှာလဲ"
ရှုဟိန်: "..... "
(အမှန်တရားကို ဖွင့်ချလိုက်သော နင်နင်.. ဆွံ့အသွားသော ဟိန်ဟိန်)
ချင်းမင်: "...... "
ရှုနင်က မျက်ခုံးပင့်လိုက်ပြီး "အင်း.... ကျွန်တော်ပြောတာ မှားနေလို့လား"
အခြေအနေကိုနားလည်ပြီးနောက် ချင်းမင်သည် တိုက်ပွဲဇုံမှ သူ့ကိုယ်သူ ဖယ်ရှားရန်ခြေလှမ်းများစွာ ဆုတ်လိုက်ရသည်။
ဒီခေါင်းစဉ်က အရမ်းရယ်စရာ ကောင်းလွန်းတယ်၊ အဲဒါကို မင်းကြားလိုက်ရင် မျက်နှာသာရလိမ့်မယ်။ ချင်းမင်၏နှလုံးသည် ဒရမ်ကဲ့သို့ခုန်နေသည်။ အရင်တုန်းက သူက ကလပ်မှာ ဝမ်ချုံးကို သွားကြည့်စဉ် ရှုနင်ကိုလူနှစ်ယောက် ခေါ်ဖို့တောင် အကြံပေးခဲ့ဖူးတယ်၊ သခင်လေးရှုဟိန်က ဒါကို မသိခဲ့ဘူး ဟုတ်တယ်မဟုတ်လား။ ဟဲ...ဟဲ...
သူသာ သိရင် ငါ သေလိမ့်မယ်။ ချင်းမင်က ရှုဟိန်က ရှုနင်အတွက် ဘယ်လိုအဓိပ္ပါယ်မျိုးရှိတယ်ဆိုတာ သူ နားလည်တယ်၊ သူ အလုပ် ကောင်းကောင်းလုပ် ခဲ့ရုံလေးပါ။ ဒါကို ရှုဟိန် မသိရင်တော့ အကောင်းဆုံးပေါ့။ တ ကယ်လို့ သိသွားရင်လည်း သူ့သူဌေးက သူ့ကို ကာကွယ်ပေးလိမ့်မယ်။
ချင်းမင် ခန့်မှန်းတာ မှန်ပါတယ်။ ရှုနင်က အရည်ချင်းရှိသူကို အရမ်းတန်ဖိုးထားတယ်။
မမျှော်လင့်ဘဲ၊ ဇာတ်ပို့ ခေါင်းဆောင် အမျိုးသမီး သည် အလွန်လုံ့လဝီရိယ ရှိစွာနှင့် သူမ က ရေခဲမုန့်အချို့ကို ယူလာသည်။ သူမသည် ထိုနေရာတွင် ရပ်မနေဘဲ သူမ၏မျက်လုံးထဲ၌ ပရောပရည် အမူယာဖြင့် တောက်ပစွာပြုံးနေသည်။ ရှု မိသားစုမှ သခင်လေးနှစ် ဦး သည် ချောမောသည့်အပြင် နှစ်ယောက်စလုံး မြင့်မြတ်ကြသည်။ သူတို့ထဲက တစ်ယောက်က ကြင်နာတတ်တဲ့ အရိပ်ငွေ့ ရှိနေပြီး နောက်တစ်ယောက်က လွှမ်းမိုးနိုင်သည့် အရိပ်ငွေ့ကို ထုတ်လွှတ်နေတယ်၊ ဒါပေမယ့် ဘာပဲဖြစ်ဖြစ် သူတို့က အရမ်းကြည်နူးစရာကောင်းပြီး နှစ်ယောက်လုံးကို သူမက ကြိုက်နေတုန်းပဲ။
ခေါင်းဆောင်ဇာတ်ပို့အမျိုးသမီးသည် ဆွဲဆောင်မှုရှိကာ သူမအမူယာက နည်းနည်း အရိုင်းဆန်ပြီး ညှို့ငင်စွမ်းရှိသည်။
သူမက လက်ရှိဇာတ်ကားထဲက ခေါင်းဆောင် မင်းသမီး " ရုပ်ရှင်ဘုရင်မ" နှင့်ပခုံးချင်း အမြဲယှဉ်နေလ့ရှိသည်။ သူမသည် အကယ်ဒမီ ဆုပေးပွဲတွင် ဆန်ကာတင်စာရင်းမှာ အကြိမ်ကြိမ် အမည်စာရင်းတင်သွင်းခြင်းကိုခံရသော်လည်း တစ်ခါမှ မရခဲ့ပေ။ ဒါတွေက ခြေချော်လက်ချော်ဖြစ်လို့ သူမ ဆုနဲ့လွဲရသည်ဟု ထင်ကာ ရှုနင်က အစပိုင်းက သူမကို သနားခဲ့သေးသည်။
ဒါတွေက ရှုဟိန်ကို သူမက ဆွဲဆောင်ဖို့ မလုပ်ခင်က ရှုနင်ရဲ့ အမြင်ဖြစ်သည်။ သူမက ရှုဟိန်ကို ဆွဲဆောင်ဖို့အထိ ရဲတင်းလိမ့်မည်ဟု ရှုနင် မထင်ခဲ့မိပေ။
ရှုှုနင် ကပြုံးပြီး ရှုဟိန်ရဲ့လက်ကိုဆွဲပြီး ပြောလိုက်သည်။
"အစ်ကိုကြီး ..ကျွန်တော် လမ်းမလျှောက်နိုင်တော့ဘူး"
ဇာတ်ပို့ခေါင်းဆောင်မင်းသမီးက အနည်းငယ်အံ့သြ သွားသည်။
"...... "
ရှုဟိန်သည် အလွန်ပါးနပ် လိမ္မာသောသူဖြစ်သဖြင့် သူသည် ရှုနင်ကို မင်းသမီးလေးကဲ့သို့မချီထားပေ။ သူသည်ကော်ဖီခွက်ကို အနီးက အမှိုက်ပုံးထဲသို့ ပစ်ချလိုက်ပြီး ချက်ချင်း ဆောင့်ကြောင့်ထိုင်ပေး လိုက်သည်။
ရှုနင်က ကျေနပ်စွာပြုံးလိုက်ရင်း ဒီလို မိန်းမတစ်ယောက်က မြူဆွယ်ဖျားယောင်းသဖြင့် ရှုဟိန်က စိတ်ပြောင်းသွားမှာမဟုတ်ဘူးဆိုတာ သိပေမယ့် အခြားသူတစ် ဦး က သူ့အကိုကြီးကို တပ်မက်သည့် စိတ်နှင့် ကြည့်နေပုံက သူ့ရင်ကို မနှစ်မြို့ဖွယ် ခံစားချက် ဖြစ်နေစေတုန်းပဲလို့ ခံစားရတယ်။
ရှုနင်သည် ရှုဟိန် ၏ကျောပြင်ပေါ်သို့တက်လိုက်ပြီး သူ့ခန္ဓာကိုယ်မှ ထူးခြားသော အကိုကြီး၏ ကိုယ်သင်း ရနံ့ကို ခံစားလိုက်ရသဖြင့် တင်းမာနေသည့် စိတ်တွေ သက်တောင့်သက်သာဖြစ်သွားတော့ သည်။
ကားသုံးစီးက ရုပ်ရှင်မြို့တော်မှ အတန်းလိုက် ှထွက်ခွာသွားသော်လည်း ချင်းမင်နှင့် သူ၏လက်ထောက် များစွာတို့သည် နောက်တွင် ကျန်နေခဲ့ကြသေးသည်
သူတို့က ရှန်းကျိုး နဲ့ဆွေးနွေးစရာတွေရှိနေခဲ့တယ်။
ရှုနင်က အပြန်လမ်းတွင် ဒါရိုက်တာရှန်းကျိုးဆီက စာကိုလက်ခံရရှိလိုက်သည်။ သူက ခေါင်းဆောင် ဇာတ်ပို့မင်းသမီး (ဒုတိယ သရုပ်ဆောင်မင်းသမီး) ကို ပြောင်းလိုသလားဟုမေးသည်။ သူမရဲ့ လုပ်ပုံက ရှုနင်ကို နည်းနည်းစိတ် အနှောင့်အယှက်ဖြစ်စေ လိမ့်မယ်၊ ဒါပေမယ့် သူတို့က သူမကို တခြားသူတွေကို ချည်းကပ်ပြီး ဆွဆောင်တာနဲ့ ပတ်သတ်ပြီး သတိပေးထားတာ မရှိဘူး။ ဒါကြောင့် သူမကို ဒီပြစ်ချက်နဲ့ အပြစ်ပေးရအောင် စည်းမျဉ်းလည်း စာချုပ်ထဲမှာ ထည့်မထားဘူး။
ထို့အပြင် စာချုပ် ရပ်စဲကြေးများသည် သူမအတွက် အဆင်ပြေစွာနေနိုင်ရန် ခဏတာလုံလောက် သော်လည်း ရှုနင် သည် သနားစရာကောင်းသော အမျိုးသမီးတစ် ဦး ကို လက်တုန့်မပြန်ချင်လို့ မလဲပဲ ဆက်လက်ရိုက်ကူးရန်သာ ပြောခဲ့သည်။
ရာသီဥတုက ရုတ်တရက်ပြောင်းလဲသွားပြီး မိုး စတင်ရွာသွန်းလာသည်။ ရှုနင်က မျက်မှောင်ကြုတ်လိုက်သောအခါ ရှုဟိန်က သူ့လက်ကိုတစ်ဖန်ဆုပ်ကိုင်လိုက်ပြီး ရှုနင် တကိုယ်လုံးကို သူ့ပေါင် ပေါ် တင်လိုက်သည် -
"ငါ ဘယ်သူနဲ့မှ မချစ်ပါဘူး ၊ ဒါပေမယ့် မင်း သဝန်တိုနေတဲ့အခါ မင်းရဲ့ပုံစံလေးက တကယ်ကို စွဲမက်စရာကောင်းတယ်"
သူပြောလိုက်ပြီးနောက် ရှုဟိန်သည် ရှုနင်၏မေးစေ့ လေးကို ပင့်မကာ အကြည်ချင်းဆုံစေ လိုက်သည်။
အကိုကြီး၏မျက်လုံးများအတွင်း၌ ပြင်းပြသော မီးတောက်တစ်ခုကကြောက်မက်ဖွယ်ကောင်းသော ဆွဲဆောင်မှုဖြင့် ဖြစ်ပေါ်လာခဲ့သည်။
ရှုနင်က တံတွေးကိုမျိုချ လိုက်မိသည်၊ သူ၏အစ်ကိုကြီးသည် အမှန်တကယ်စွဲမက်ဖွယ် ကောင်းသော သူဖြစ်သည်။ သူ့ရှေ့မှာ ရှိနေရင် အကိုကြီး၏ ဆွဲဆောင်မှုကို သူက ခုခံအားလုံးဝမရှိဘူး၊ သူက ကားပေါ်မှာ လုပ်ချင်တာ မဖြစ်နိုင်ဘူး မဟုတ်လား။ မလုပ်နိုင်ဘူး၊ မိုးရွာနေတယ်၊ ဒီအချိန် သွားနေတဲ့ ကားက ထဲမှာ ချစ်တင်းနှောနေတာက ထူးဆန်းတယ်။
ရှုနင်က ကားထဲ မလုပ်ချင်တာကို ရှုဟိန် သတိပြုမိလို့ ရနင် အတွက် ခက်ခဲအောင် မလုပ်ချင်တော့ပေ။ သူက ရှုနင်၏ကိုယ်လေးကို ပွတ်သပ်ပေးနေသည့် လက်တွေကို ဆွဲထုတ်ကာ နင်နင်ရဲ့အဝတ်တွေကိုပဲ ဆန့်အောင် ပြန်ပြင်ပေးလိုက်သည်။ ပြီးမှ နင်နင်ကို စိတ်ကြိုက်နမ်းတော့သည်။
ကားသည်မြေအောက်ကားပါကင်ထဲသို့ ဝင်သွားပြီး ဒီနေရာက ချင်းမင် စီစဉ်ပေးသောနေရာဖြစ် သည်။ L City သည် အလွန် မတိုးတက်သောကြောင့် ကြယ်သုံးပွင့် စားသောက်ဆိုင်သည်သာ အဆင့်အမြင့်ဆုံးဖြစ်သည်။
ရှုဟိန်က ရှုနင်ကို စားသောက်ဆိုင်ထဲကို ခေါ်သွားတဲ့အခါ သူက ရွှီကျင်းလို့ခေါ်တဲ့ သူ့ရဲ့ အရင်းနှီးဆုံး သူငယ်ချင်းတစ်ယောက်နှင့် ဆုံတွေ့ခဲ့သည်။
ရွှီကျင်းက ဒီနေရာကို မိတ်ဆွေတွေနဲ့ ထမင်းလာစားတာဖြစ်ပြီး အခု ပြန်ထွက်လာတော့ သူ့နောက်မှာ လူတွေအများကြီး ရှိနေတယ်။ ရှုဟိန်ကိုမြင်သောအခါ သူက ရပ်တန့်ကာ နူတ်ဆက်လိုက်သည်။
ရွှီကျင်းက ရှုနင်ကို စိမ်ပြေနပြေကြည့်လိုက်ပြီး မေးလိုက်သည်။
"ဒါဆို ဒါကရှုမိသားစုရဲ့ ဒုတိယမြောက် သခင်လေး လား။ မင်း အကြောင်းတွေကို ငါ အများကြီး ကြားဖူးတယ်၊ ဒါပေမယ့် ငါတို့ အခုမှ ပထမဆုံး စတွေ့ရတာပဲ၊ ငါ့နာမည်က ရွှီကျင်း... မင်း အစ်ကိုရဲ့သူငယ်ချင်း၊ ဒါကြောင့် ငါ့ကို အကိုရွှီလို့ ခေါ်နိုင်တယ်။ "
ရှုနင်ရဲ့မျက်သားတွေက ပြူးကျယ်သွားခဲ့ပေမယ့် သူက ရွှီကျင်းကို အပြုံးလေးနဲ့နှုတ်ဆက်လိုက်တယ်။ ဒါပေမယ့် သူက ရှုဟိန်ရဲ့ လက်ကို ဆုပ်ကိုင် ထားတုန်း ဆိုတာကို သူ မေ့သွားတယ်။
ရှုဟိန်က ခေါင်းကိုငုံ့လိုက်ပြီး ရှုနင်ကိုကြည့်ကာ သေချာစဉ်းစားကြည့်လိုက်သည်။ အစောပိုင်းတွင် သူ၏ညီငယ်လေးသည် ရွှီကျင်းကို မြင်သည်နှင့် အလွန်စိတ်ပူပန်သွားပြီးသူ၏လက်ကို အားဖြင့် ဆုပ်ကိုင်လိုက်မိသည်၊
ဒါကို ဘာကို သက်သေပြနေစသလဲ...
ရွှီကျင်းက ဟိုးအရင်တုန်းက ပေါင်းပင်တွေကို နူတ်ပစ်ဖို့ (တရားမဝင် သားသမီးတွေကို ရှင်းပစ်ရန် ) သူ့ကိုပြောခဲ့ဖူးတယ်။
သူ တစ်ခုခု လုပ်နိုင်ခဲ့သလား။
မဟုတ်ဘူး၊ မဖြစ်နိုင်ဘူး၊
ရှုဟိန်က သူ့သူငယ်ချင်းအပေါ်မှာ ယုံကြည်မှု ရှိခဲ့တယ်။ ထိုအချိန်တွင် သူက ရှုနင်ကို မထိဖို့ ရွှီကျင်းကိုသတိပေးထားပြီး ဖြစ်၍ ရွှီကျင်းရဲ့ စရိုက်အရ သူက ရှုနင်ကို ထိဖို့ လုပ်တော့မည် မဟုတ်ပေ။
ဒါဆို ......ရှုနင်က ဘာကြောင့် ရွှီကျင်းကို ကြောက်နေတာလဲ...
***********-*****************
YOU ARE READING
ရေခဲတုံးအကိုကြီးကို ဆွဲဆောင်သော ဝံပုလွေညီငယ်လေး
RomantikaMyanmar Translator _ May King Start date _ August 12, 2020 End date _ October 25, 2021 (completed)
