(Unicode)
အခန်း ၁) လွတ်မြောက်ရမယ်
အလွန်ပူပြင်းသော မီးလျှံများကြားတွင်
လုမန်သည် ကြမ်းပြင်ပေါ်မှာ အားနည်းစွာ လဲလျောင်းရင်း ညီမဖြစ်သူကို ရင်ခွင်ပိုက်ထားသည့် ငယ်ချစ်ဦးအား ငေးကြည့်နေမိသည်။“ မိန်းမပျက်.. ”
လုမန် သူမရှေ့မှောက်ရှိ အရှက်မရှိသောစုံတွဲကို စူးစိုက်ကြည့်လိုက်သည်။“ မမ နင်ကထောင်ကျပြီးသွားပြီနော်။ ထောင်ကလွတ်လာရင်လည်း နင့်အနာဂတ်က ကောင်းတော့မှာမဟုတ်ဘူး။ နင့်အမေကလည်း သေသွားပြီ။ ဒီကမ္ဘာမှာ နင့်ကို ဂရုစိုက်တဲ့သူ တစ်ယောက်မှ မရှိတော့ဘူး။ ဒီတော့ နင်အသက်ရှင်နေတော့ကော ဘာထူးမှာလဲ ”
“ ငါထောင်ကျအောင် နင်တို့နှစ်ယောက်စလုံး ချောက်ချကြံစည်ခဲ့လို့ ငါ့အမေလည်း ဆုံးပါးသွားခဲ့ရပြီ။ အခု နင်တို့က ငါ့အသက်ကိုတောင် လိုချင်နေပြန်ပြီလား ”
လုမန်တစ်ကိုယ်လုံး အားနည်းနေကာ မျက်ဝန်းအစုံသည် ဒေါသဖြင့် ရဲရဲနီနေသည်။
“ ဒါတွေအားလုံး မင်းနဲ့ထိုက်လို့ရတာ ”
ဟဲကျိန့်ပိုင်က ပြောသည်။
“ မင်းအသက်ရှင်လျက်နဲ့ထွက်သွားရင် ဖြစ်ပျက်ခဲ့တာတွေကို အများသူငါသိအောင်ပြောပြမှာကျိန်းသေတယ်။ ဒါပေမယ့် ငါက အခု ငါတို့မှာရှိနေတာတွေကို ဖျက်ဆီးသွားခွင့် မပေးနိုင်ဘူး ”“ ငြိမ်းချမ်းစွာအနားယူပါတော့ မမ။ ဒီကိစ္စကို အဖေလည်း သိပါတယ်။ မင်္ဂလာရှိတဲ့ စျာပနပွဲအတွက်တောင် ပြင်ဆင်ထားပြီးပါပြီ။ ကျွန်မတို့လုမိသားစုအတွက် မမလုပ်ပေးခဲ့တာတွေကို အောက်မေ့ပြီး မမသေသွားပြီးတဲ့နောက်မှာ အဖေက မမကို အနိုင်အထက်ပြုတော့မှာ မဟုတ်ပါဘူး ” လုချီက ညင်သာစွာ ပြောသည်။
လုမန် သွေးအေးစွာ ရယ်မောပစ်လိုက်သည်။ မျက်ဝန်းအိမ်သည် စွေးစွေးနီလျက်။
ဒါဟာ သူမ၏ မွေးဖခင်ဖြစ်သည်။ သို့ပေမယ့် လုချီအတွက်နှင့် သူက ကိုယ့်သမီးအရင်းကိုတောင် ပြန်သတ်သည်။
အဖေ နှင့် ငယ်ချစ်ဦးသည်သာ သူမဘဝမှာ အရေးပါဆုံးသော ယောက်ျားတွေဖြစ်ခဲ့သည်။
YOU ARE READING
ထိုမှစခဲ့သော အချစ်များစွာသည်
RomanceTranslation of ❛ The Long-awaited Mr. Han『韩先生,情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...