အခန်း [ ၇၂ ]
ရှချင်းဝေ တကယ်ကို မခံနိုင်တော့သဖြင့် ရယ်လက်စနဲ့ ထန်းကျိကို မောင်းထုတ်ရတော့သည်။
“ တော်ပြီ တော်ပြီ မန်မန် သူ့ကို ခေါ်သွားတော့၊ ကြာရင် ရယ်ရလွန်းလို့ ငါ့ဒဏ်ရာတွေပြန်ပွင့်တော့မယ် ”ထန်းကျိကပဲ လုမန်ကို အပြင်ခေါ်ထုတ်သွား၏။
“ ဒါက လျိုမူစန်းနဲ့ပတ်သက်ပြီး နင် စုံစမ်းခိုင်းထားတဲ့ဟာ .. ငါ့သူငယ်ချင်း ရဲတစ်ယောက် ရှာပေးတာလေ .. အမှုတွဲဖိုင်ကို ပေးလို့မရပေမယ့် အတွင်းက အချက်အလက်တွေတော့ ပြောပြလို့ရတယ်တဲ့ ”
လျိုမူစန်းသည် အကောင်သေးသေးဖြစ်လို့ အရှိန်အဝါမကြီးသလို သိပ်အရေးမပါသဖြင့် သူနှင့်ပတ်သက်သော အချက်အလက်တချို့ကို ဖော်ပြလိုက်လို့ ရနေသည်။“ ကျေးဇူးတင်တယ် သိလား နင်ငါ့ကိုကူညီတာတွေများနေပြီ ”
လုမန်က အမှုတွဲဖိုင်ကို ယူလိုက်ပေမည့် ချက်ချင်း မကြည့်ပေ။“ အံမာ .. အချင်းချင်းတွေပဲကို ဘာကိစ္စကျေးဇူးတွေဇွတ်တင်နေတာလဲ .. သြော် ဒါနဲ့ ပြောရဦးမယ်.. ငါသိသွားပြီ .. နင်အလုပ်လျှောက်တဲ့ကုမ္ပဏီတွေများပြီး ဘာလို့အလုပ်မရသေးတယ်ဆိုတဲ့အကြောင်းလေ ”
ဟုတ်ပါသည်။ တစ်ခုခုတော့ လွဲနေပြီလို့ လုမန် ခံစားမိနေတာကြာပါပြီ။
ဒါပေမယ့်လည်း ရုပ်ရှင်ရုပ်သံကုမ္ပဏီတွေ စီမံခန့်ခွဲရေးကုမ္ပဏီတွေနဲ့ ပတ်သက်သော အလုပ်တွေကိုပဲ သူမ လျှောက်နေခဲ့သည်။
ကိုယ်က မတော်ဘူးဆိုရင်တောင် ဘယ်ကုမ္ပဏီမှ မလိုချင်တာကတော့ မဖြစ်နိုင်။
ထို့ကြောင့် အကြောင်းစုံသိရဖို့ ထန်းကျိကို အကူအညီ တောင်းခဲ့ပါ၏။
သတင်းထောက်တစ်ယောက်အနေဖြင့် ထန်းကျိ၏ မျက်စိတွေ နားတွေသည် ဟန်ပြထားခြင်း မဟုတ်ပေ။
“ နင့်အဖေ အရူးကြီး လုပ်တာ ”
ပြောပြီး ထန်းကျိက အားနာသလို ပြုံးသည်။
“ နင့်အဖေ့ကို အဲ့လိုပြောလို့ စိတ်မဆိုးနဲ့နော် ”လုချီယွမ်ဘယ်လောက်ဆိုးဆိုး သူဟာ လုမန်၏ အဖေ သွေးသားရင်း ဖြစ်နေသေးသည်။
YOU ARE READING
ထိုမှစခဲ့သော အချစ်များစွာသည်
RomanceTranslation of ❛ The Long-awaited Mr. Han『韩先生,情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...