Unicode
အခန်း ၉ ) ခု ငုံ့ကြည့်လိုက်မှ ဟန်ကျိုးလီရဲ့လက်တွေက . . ဘာအထာလဲ!
ဟန်ကျိုးလီ ရောက်နေတယ် ကြားလို့လည်း ဒါရိုက်တာက နေ့လယ်ပိုင်းမှာ အထူးတလည် လာတွေ့သွားသေးသည်။
သူ့မေးခွန်းကြောင့် လုမန် လန့်သွားရပြန်သည်။ ဘာလို့ ရုတ်တရက်ကြီး ဒါတွေ ထမေးတာလဲ။
“ လုချီက ဒါရိုက်တာကြီးရဲ့ရုပ်ရှင်အသစ်မှာ ခေါင်းဆောင်မင်းသမီးဖြစ်ချင်တာလေ၊ အဲဒါကြောင့် ဒါရိုက်တာကြီးကို သူ့အခန်းမှာ တွေ့ဖို့ သူက သဘောတူလိုက်တာ၊ သူ့ဆီက ဘာလိုချင်တယ်ဆိုတာကိုလည်း လုချီက သိလိုက်သားနဲ့လေ၊ ဒါပေမယ့် ဟိုရောက်မှ ကျွန်မကို သူ့နေရာ အစားဝင်ခိုင်းရော . . ကျွန်မကမှ မလုပ်ချင်ဘဲ ငြင်းတာပေါ့၊ အဲ့မှာ စကားတွေများနေကြတုန်း လုချီက မီးအိမ်ကြီးကောက်ပြီး ကျွန်မကို သတိလစ်အောင် ထုထည့်လိုက်တာ ဒါရိုက်တာကြီးကိုပါ ခိုက်မိသွားခဲ့တယ် ဆိုပါတော့ ”
ဖြစ်ခဲ့တာတွေကို လုမန် အကျဥ်းချုပ် ပြောပြလိုက်သည်။
“ သြော် အဲဒီလိုကိုး ”
ဟန်ကျိုးလီက ခေါင်းညိတ်သည်။
သူမဖြေရှင်းချက်ကို နားထောင်ပြီးသည်တွင်တောင် သူ့မျက်လုံးထဲတွင် သံသယရိပ်တစ်ခုမှ မထင်သွားသည့်အတွက် လုမန် အံ့အားသင့်သွားသည်။
သူမကို သူ တကယ် ယုံသည်။
“ ကျွန်မပြောတာကို ရှင်ယုံတယ်လား ”
လုမန် တအံ့တသြ မေးကြည့်လိုက်သည်။
“ အင်းလေ ဘာလို့မယုံရမှာလဲ ”
သူမကို ယုံဖို့ သင့်တာမို့ သူမမေးခွန်းက အဓိပ္ပာယ်မရှိ ဟု ဟန်ကျိုးလီ ထင်သည်။
“ ဘာလို့လဲ ”
ထိုအခိုက်မှာ သူဖက်ထားသေးတုန်း ဆိုတာကို လုမန် မေ့သွားပြီး သူယုံကြည်သည့်အတွက် ရင်ထဲထိသွားသည်။
နှစ်ယောက်လုံးက ဒီနေ့မှ တွေ့ဖူးသည့် သူစိမ်းတွေ ဖြစ်ကာ အခြေအနေကို ဂဃနဏ မသိသော်လည်း သူက သူမကို ယုံကြည်ပေးသည်။
ဟိုအရင် ဒီလိုတွေ ဖြစ်ပျက်ခဲ့ချိန်မှာ အဖေအရင်းကတောင် သူမကို ယုံကြည်ခဲ့ခြင်းမရှိပေ။
ВИ ЧИТАЄТЕ
ထိုမှစခဲ့သော အချစ်များစွာသည်
РомантикаTranslation of ❛ The Long-awaited Mr. Han『韩先生，情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...
