Unicode
အခန်း ၃၃ ) ကလေးကို တာဝန်ပိုတွေပေးမိတာကျွန်မပါ
“ မစားရသေးဘူး ”
ရှချင်းဝေ ခေါင်းခါလိုက်သည်။လုမန်က ရှချင်းဝေအတွက် ဟင်းချိုခပ်ထည့်ပေးလိုက်ကာ ငါးဟင်းချိုလေး သောက်စေပြီးမှ ဆန်ပြုတ် နှင့် တခြားအရန်ဟင်းပွဲတွေထုတ်ယူလိုက်သည်။
လုမန်ယူလာတဲ့မနက်စာရဲ့မွှေးရနံ့တွေကြောင့် ဘေးခုတင်ကလူနာပင် ဗိုက်ဆာသွားသည်။
“ အနံ့လေးကတော့ မွှေးနေတာပဲ! ဆေးရုံစာတွေထက်ပိုစားကောင်းလောက်မယ် ထင်တယ် ”သူမတို့လက်ရှိအခြေအနေအရ တစ်ယောက်စာ အခန်းကို မတတ်နိုင်၍ ရှချင်းဝေက နှစ်ယောက်နေ အခန်းမှာ ဆေးရုံတက်ရတာ ဖြစ်သည်။
ပြီးတော့ ဆေးရုံခန်းတစ်ခုထဲမှာ တိုးတိုးဖော်လေးရှိနေတော့ ပိုအဆင်ပြေကာ ရှချင်းဝေ တစ်ခုခုဖြစ်လို့ လုမန်အနားမှာရှိမနေခဲ့ရင် အနည်းဆုံးတော့ ကျန်တဲ့တစ်ယောက်က သူမအဆင်ပြေမပြေ ကြည့်ပြီး အချင်းချင်း ဖေးမပေးလို့ရပေသည်။
လုမန် မေးလိုက်သည်။
“ အန်တီချိုင် မနက်စာစားပြီးပြီလားဟင် ”“ ပြီးပြီကွဲ့ ”
အန်တီချိုင်က ကတိုက်ကရိုက် ပြန်ဖြေသည်။ အစားကောင်းတွေကို သူမ မက်ပေမယ့် တောင်းစားရမှာတော့ ရှက်ရွံ့အားနာသည်။သို့သော် လုမန်က ငါးဟင်းချိုတစ်ပွဲခပ်ထည့်လိုက်ကာ
“ ဒါဖြင့်ရင် ဟင်းချိုလေး သောက်ပါဦးလား
အန်တီ ကျွန်မ ဒီမနက်ကမှ ချက်လာခဲ့တာပါ ”“ ဟာ... ဘယ်ဟုတ်မလဲ ”
အန်တီချိုင်က လက်ကာပြသည်။ မျက်နှာတွေလည်း နီတွတ်နေပါသည်။“ ရတယ် အန်တီ သောက်လိုက်ပါ။ ကျွန်မမှာ အများကြီးရှိပါသေးတယ်။ အန်တီကြိုက်ရင် ထပ်ထည့်ပေးပါဦးမယ် ”
လုမန်က ပြုံးပြရင်း အန်တီချိုင်လက်ထဲပန်းကန်ထည့်ပေးလိုက်သည်။အစကတော့ ဒီတစ်ခွက်ကို သူမအတွက် ရည်ရွယ်ပြီး ထည့်လာခဲ့တာပါ။ ကိုယ်တိုင်က မနက်စာမစားရသေးတဲ့အပြင် ရှချင်းဝေနှင့်အတူ စားချင်ခဲ့သည်။
YOU ARE READING
ထိုမှစခဲ့သော အချစ်များစွာသည်
RomanceTranslation of ❛ The Long-awaited Mr. Han『韩先生,情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...