(Unicode)
အခန်း ၄၆ ) ဟန်ကျိုးလီ မျက်ခုံးပင့်မိ，အကြွေးတောင်းရအောင် သူက လိုက်လာတာမို့လို့လား？
ထင်သည့်အတိုင်း ဆရာဝန်နှင့် သူနာပြုက ချက်ချင်း ငွေပေးချေမည်ကို နှစ်သက်သည်။ ဒါက ပိုစိတ်ချရသည်ကိုး။
ထို့ကြောင့် လုမန် မငြင်းဆိုနိုင်မီ ဟန်ကျိုးလီဆီမှ အကြွေးဝယ်ကတ်ကို သူနာပြုက အသော့ ယူသွားလေ၏။
“ ငွေပေးချေရအောင် ကျွန်မနဲ့လိုက်ခဲ့ပေးပါ ”
လုမန် ဟန်ကျိုးလီနောက်သို့ လိုက်ရုံသာတတ်နိုင်တော့သည်။
ထန်းကျိက မျက်မှောင်ကုတ်သည်။ သူ့မှာလည်း ဒီလောက်အများကြီး မပါလာ၍ ကူညီချင်လျှင်တောင် မကူညီနိုင်။
နောက်ဆုံးတွင် မိသားစုဝင်၏ လက်မှတ်နှင့် ဆေးရုံစရိတ်တွေကို ရှင်းပြီး ဆရာဝန်က ခွဲစိတ်ခန်းထဲသို့ ဝင်သွားတော့၏။
လုမန် ပြန်ရောက်လာသည့်အခါ ခွဲစိတ်ခန်းတံခါးအပေါ်တွင် ‘ ခွဲစိတ်မှုလုပ်ဆောင်နေဆဲ ’ ဟူသည့် မီးရောင်က လင်းလျက်ရှိသည်။
ရုတ်တရက် ထန်းကျိဖုန်းက အသံမြည်လာ၏။ သူရှိမှဖြစ်မည့် အရေးကြီးကိစ္စတစ်ခုခုရှိလာသည်ထင်။
လုမန်ကပဲ သူမမျက်နှာကို ပွတ်သပ်လိုက်ရင်း..
“ ထန်းကျိ အလုပ်ရှိရင် သွားတော့လေ ”
“ အေးပါ ငါ... ”
“ မဟုတ်ဘူး ဖြစ်တယ် နင် စိတ်ချပါ ငါမေမေထွက်လာတဲ့အထိစောင့်နေမှာမို့လို့။ စောစောက လူတွေအများကြီးပဲ လုချီကို ဓာတ်ပုံလိုက်ရိုက်ကြတာ။ နင်လည်း လုပ်စရာရှိတာသွားလုပ်လိုက်တော့။ သူများတွေကို အကျောမခံနဲ့ ”
ဒီတစ်ခါ ထန်းကျိက လုမန်အတွက် အားဖြစ်အောင် လုပ်ဖော်ကိုင်ဖက်တွေရော မိတ်ဆွေသူငယ်ချင်းတွေကိုပါ ခေါ်လာခဲ့တာဖြစ်သည်။ လုချီနှင့် မိဘတွေပါ ရောက်နေသည်ဆို၍။
စောစောက သူနှင့်ပါလာသော သတင်းထောက်တွေမှာ လုချီကို ရဲစခန်းတွင် မမိလိုက်သဖြင့် မိသားစုကိုများ မိမလားဆိုပြီး ဒီကို ချက်ချင်း လိုက်လာကြတာဖြစ်သည်။
YOU ARE READING
ထိုမှစခဲ့သော အချစ်များစွာသည်
RomanceTranslation of ❛ The Long-awaited Mr. Han『韩先生，情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...
