Unicode
အခန်း ၁၉ ) သမီးကလည်း အဖေ့သမီးပါကိုယ်တိုင်က အထင်လွဲခံနေရသည့်တိုင် လုမန်ကို ဂရုတစိုက်ရှိရှာသော ဇနီးသည်နှင့် သမီးငယ်ကို ကြည့်ရင်း လုချီယွမ်မှာ စိတ်မကောင်းဖြစ်မှုတို့ချက်ချင်းကွယ်ပျောက်သွားသည်။ ထိုနေရာတွင် ဒေါသတို့အစားဝင်လာလျက်။
“ ကြည့်စမ်း မင်းအမေနဲ့ညီမက မင်းအပေါ်မှာ ဘယ်လောက်တောင်ဂရုတစိုက်ရှိလိုက်သလဲ. . ဒါတောင် မင်းက ကိုယ့်ညီမလေးကို ဒုက္ခရောက်အောင်လုပ်တယ်! ဘယ်လောက်တောင်ယုတ်မာရိုင်းစိုင်းလိုက်သလဲ!! ”
လုချီယွမ်က လုမန်ကို လက်ညှိုးငေါက်ငေါက်ထိုးပြီး ပြစ်တင်ကြိမ်းမောင်းသည်။လုမန်နှုတ်ခမ်းတွေတုန်နေ၏။
“ အဖေ. . . ”“ ငါ့ကိုအဖေလို့မခေါ်နဲ့!! ငါ လုချီယွမ်မှာ ဒီလိုယုတ်မာရိုင်းစိုင်းတဲ့သမီးမျိုးမရှိဘူး ”
လုချီယွမ်က လက်ကို စိတ်ဆိုးမာန်ဆိုး ဝှေ့ယမ်းပစ်သည်။ လုမန်က နံစော်နေသည့် အမှိုက်ပုံတစ်ခုလို . . အနားကပ်မိရင် မသတီသလို . .“ သမီးဘာလုပ်ခဲ့မိလို့လဲ အဖေ . . အိမ်ထဲဝင်လာကတည်းက သမီးမှာ စကားလေးတစ်ခွန်းတောင် မပြောရသေးပါဘူး အဖေက ထရိုက်တာလေ . . အဖေစိတ်ဆိုးအောင်လုပ်မိတယ်ဆိုရင်လည်း စကားနဲ့ပြောလို့ရပါတယ် အဖေရယ် ဘာလို့ လက်ပါရတာလဲ ”
လုမန်က ပါးတစ်ခြမ်းကိုအုပ်၍ ငိုကာမေးသည်။ရှချင်းယန် အကြည့်လွှဲသွားသည်။
ဒီနေ့ လုမန်က တစ်ခုခု ထူးဆန်းနေသည်။အရင်ကဆို ရှချင်းယန်ထိလျှင် မကြိုက်။ အထိလည်း မခံ။ လက်နှင့်ပုတ်ထုတ်တတ်သည်။
ထို့ကြောင့် ဒီလိုဖြစ်လိုက်တိုင်းမှာ လုချီယွမ်က ဒေါသပိုထွက်၍ လုမန်ကို ပိုမုန်းသွားသည်။
တခြားတစ်ဖက်တွင်မူ လုမန်က တပ်မခေါက်ဘဲ လုချီယွမ်နှင့်ပါ စကားများပစ်သည်။
ဒါကြောင့်ပဲ သူတို့ချင်း အနေဝေးပြီး အေးစက်စိမ်းကားလာကြတာ . . ။
ခုတော့ လုမန်က သူမကို တွန်းမပစ်သည့်အပြင် မျက်နှာမြင်တာနှင့် ထွက်သွားဖို့လည်း မပြော။ လုချီယွမ်နှင့်တောင် စကားများခြင်း မရှိပါ။
VOUS LISEZ
ထိုမှစခဲ့သော အချစ်များစွာသည်
Roman d'amourTranslation of ❛ The Long-awaited Mr. Han『韩先生,情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...