Unicode :
အခန်း [ ၉၈ ]
PR ဌာနနှင့် သက်ဆိုင်သည့် သတင်း ဖြစ်နေလျှင်တော့ သူတို့ဌာနက လူတွေ အသင့်ပြင်ထားလို့ရအောင် ပြောပြမည်ပင်။
စီအီးအို၏ အတွင်းရေးမှူး ဌာနသို့ သွားရာလမ်းတစ်လျှောက်လုံး ယဲ့ရှောင်ရှင်းမျက်နှာလေး ဆူပုပ်နေတော့သည်။
" ကဲ ဘာကိတ် .. ဟယ် .. မျက်နှာကြီးကလည်း .. ဘယ်သူ ဘာလုပ်လိုက်လို့တုံး "
ညီမဖြစ်သူကိုမြင်တာနှင့် ယဲ့ရွှမ်းရွှမ်း မေးလိုက်မိသည်။" ဒီနေ့ တို့ဌာနကို ရောက်လာတဲ့ မိန်းမပေါ့ "
ယဲ့ရှောင်ရှင်းက လုမန်ကို ညက်ညက်ဝါးနေသလို ဒေါသသံနှင့် အံကြိတ်ပြီး ပြောသည်။" တိုးတိုးဟဲ့ .. သူဌေး နားထဲကိုရောက်သွားရင် ငါလည်း မကယ်နိုင်ဘူး "
ယဲ့ရွှမ်းရွှမ်း ယဲ့ရှောင်ရှင်းကို ဆွဲခေါ်သွားလိုက်သည်။ယဲ့ရှောင်ရှင်းက အသံလေးတိတ်သွားပြီးမှ
" သူဌေး မရှိဘူးမို့လား "ယဲ့ရွှမ်းရွှမ်း မျက်မှောင်ကြုတ်ပစ်လိုက်ကာ
" ရုံးခန်းထဲမှာ ရှိတယ် .. အပြင်ထွက်လာလို့ နင် ပြောတာကို ကြားသွားရင် အလုပ်ထုတ်ခံထိလိမ့်မယ်နော်၊ ငါက အတွင်းရေးမှူးပေါက်စလေးဟဲ့၊ အဲ့လိုဖြစ်လာရင် နင့်ကို မကယ်နိုင်ဘူး "" အင်းပါ သိပါတယ် "
ယဲ့ရှောင်ရှင်းက သက်သာရာရသွားသလို ရင်ဘတ်လေးကို သပ်ချလိုက်ရင်း
" မရှိလို့ တော်သေးတာပေါ့ "" ဘာတွေဖြစ်လာလို့လဲ "
ယဲ့ရွှမ်းရွှမ်း အံဆွဲထဲက အာလူးကြော်ဘူးကို ထုတ်ရင်း မေးလိုက်သည်။ ကိုယ့်အထက်ကလူကြီး မမြင်သရွေ့ မု့န်ခိုးစားတာလောက်က ပြဿနာမရှိပါ။ယဲ့ရှောင်ရှင်းက အာလူးကြော်တစ်ချပ်ကို ယူ၍ ဆိုးဆိုးဆတ်ဆတ် ကိုက်ဝါးပစ်သည်။
" တို့ဌာနမှာ ဒီနေ့ ဝန်ထမ်းအသစ်ရောက်တယ် "" သိတယ်လေ လုမန်ဆိုတဲ့တစ်ယောက်မို့လား၊ ဟိုတစ်နေ့က သူ့အဖေပြဿနာလာရှာသွားတာ .. အလုပ်တောင်မလုပ်ရသေးဘူး သူက ကုမ္ပဏီမှာ ဟိုးလေးတကျော်ဖြစ်နေပြီလေ .. အခုဆို သူ့ကို မသိတဲ့သူ သိပ်မရှိဘူး "
ယဲ့ရွှမ်းရွှမ်းကလည်း အာလူးကြော်လေး ယူဝါးသည်။
YOU ARE READING
ထိုမှစခဲ့သော အချစ်များစွာသည်
RomanceTranslation of ❛ The Long-awaited Mr. Han『韩先生,情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...