( Unicode )
အခန်း [ ၁၉၁ ]
မမျှော်လင့်စွာဖြင့် ဉာဏ်ထက်သော အမျိုးသမီးငယ်လေးပင်လျှင် ဤအခိုက်အတန့်တွင် မည်သို့တုံ့ပြန်ရမည်ကို မသိတော့ချေ။ စကားတစ်ခွန်းမျှ မဆိုတော့ဘဲ သူမ မျက်နှာကို သူ့ပခုံးတွေပေါ်မှာအပ်လိုက်ကာ အသက်ရှူရှိုက်လိုက်၏။
အတန်ကြာတော့ လုမန် သူ့ကို တွန်းလိုက်ကာ
“ ရပြီ ဒါဖြင့်ရင်.. ”ဟန်ကျိုးလီက အံကြိတ်သည်။ သူမလည်တိုင်ကို စုပ်ယူပြီးနောက် တင်ပါးကို ဖျတ်ခနဲ ရိုက်ကာ..
“ ဘာဖြစ်လို့ အတင်းတွေ နှင်ထုတ်နေတာလဲ ”လုမန် ငြိမ်နေလိုက်ပေမည့် မျက်နှာသည် ရှက်စိတ်ကြောင့် နီမြန်းနေသည်။ ရိုးသားစွာ ဝန်ခံရလျှင် အချစ်ရေးတွင် သူမ အတွေ့အကြုံမရှိပေ။
ဟဲကျိန့်ပိုင်နဲ့ ငယ်ရည်းစားတွေဖြစ်ခဲ့သည်ဆိုသော်လည်း ဒါမျိုးတွေကို ဘယ်တုန်းကများ လေ့လာခဲ့ဖူးလို့လဲ..
ဟဲကျိန့်ပိုင်သည် သူမဘဝမှာ ပထမဆုံးပတ်သက်ဖူးသော ယောက်ျားသား ဖြစ်သည်။ လုမိသားစုအတွင်း မွန်းကျပ်သည့်ဘဝမှာ အသက်ရှူချောင်ဖို့နှင့် ရှင်သန်ဖို့တစ်နေရာရှာဖွေသလိုမျိုး သူ့ကိုတော့ သူမရဲ့ကွန်းခိုရာသဖွယ် သဘောထားခဲ့သည်။
ငယ်ငယ်လေးကတည်းက သိခဲ့သည့် ဆက်ဆံရေးမှာ သဘာဝအလျောက် လွယ်လွယ်ကူကူ ချစ်သူတွေဖြစ်သွားခဲ့၏။
သို့သော်လည်း ချစ်သူများကြားမှ ရင်းနှီးမှုမျိုးတော့ မရှိခဲ့ဖူးချေ။
ဒါသည် သူမက ဟဲကျိန့်ပိုင်နှင့် လက်ပွန်းတတီးနေထိုင်ဖို့ ငြင်းဆန်ခဲ့တာကြောင့်ဖြစ်နိုင်ပါသည်။ မသိစိတ်၏စေ့ဆော်မှုအရ သူမတို့နှစ်ဦးကြားမှာ တစ်ခုခု လစ်ဟာနေသည်မှန်းလည်း သိခဲ့၏။
မတိုင်ခင်က ဘယ်သူနှင့်မျှ မတွဲခဲ့ဖူးတာကြောင့် ထိုခံစားချက်တွေကို မခွဲခြားတတ်ခဲ့ပေ။
ဟန်ကျိုးလီနှင့် တွဲပြီးသည့်နောက်မှသာ သိရှိခဲ့ရသည်။ အနှီယောက်ျားသည် သူမကို ဆွဲဆောင်နိုင်သည်။ သူနှင့် နီးကပ်စွာ ရှိနေချိန်တိုင်းမှာ သူမနှလုံးသားက မြင်းတစ်ကောင်လို ကဆုန်စိုင်း၏။ သူ့ရင်ခွင်ထဲမှာဆိုလျှင် တစ်ကိုယ်လုံး မီးတောက်သလို ပူလောင်မှုကို ခံစားရပြီး ကတုန်ကယင်တွေဖြစ်သည်။ ထိုအခါမှ ချစ်မိနေပြီဆိုသော ခံစားချက်ကို နားလည်သွားကာ ဟဲကျိန့်ပိုင်နှင့်တုန်းက လုံးဝ မချစ်တတ်ခဲ့မှန်း သိခဲ့ရ၏။
YOU ARE READING
ထိုမှစခဲ့သော အချစ်များစွာသည်
RomanceTranslation of ❛ The Long-awaited Mr. Han『韩先生,情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...