(Unicode)
အခန်း [ ၁၄၆ ]
အားလုံး အံ့သြသွားကြ၏။ ကျန့်ထျန်းမင်သည် သူဌေး၏ ကိုယ်ရေးလက်ထောက်ဖြစ်သည်။ သူက ဘာအတွက်ကြောင့် ဖိုင်တွေကို ကိုယ်တိုင် လာပို့ရတာလဲ..
အဲ့ဒီဖိုင်တွေထဲမှာရော ဘာရှိနေလို့လဲ၊ ဘာဖြစ်လို့ ဒီလောက်တောင် အရေးတကြီးဖြစ်နေရတာလဲ!
အရေးကြီးတဲ့ဖိုင်တွေကလည်း အများကြီးပါလား!
လုမန်ကြည့်နေစဥ် ကျန့်ထျန်းမင်က အားလုံး၏ အံ့သြစူးစမ်းလိုသော အကြည့်များအောက်တွင် သိုက်ယီးရန်စားပွဲဆီကို လျှောက်သွားပြီး လုမန်ဖိုင်တွေထက်များသော ဖိုင်တွေကို သိုက်ယီးရန်စားပွဲပေါ်သို့ စုတင်လိုက်သည်။
“ အတွင်းရေးမှူးရုံးက ရှောင်းကျန့်က ဒီနေ့ ခွင့်ယူသွားလို့ တို့တွေ လူအင်အားမလောက်ဘူးဖြစ်သွားတယ်၊ မန်နေဂျာဝူကို မေးကြည့်လိုက်တော့ မင်းက အသစ်တဲ့၊ PR ဌာနက အလုပ်တွေနဲ့ ရင်းနှီးအောင် လုပ်နေတုန်းပဲ အားလည်း အားနေတယ်လို့ သိရတယ်၊ ဒါကြောင့် ဒီနေ့ မင်းဆီက အကူအညီလေးယူမလို့။ ကျေးဇူးပြုပြီး ဒီဖိုင်တွေအားလုံးကို ကူရှင်းပေးစမ်းပါ ”
ကျန့်ထျန်းမင်ပင်လျှင် ထိုဖိုင်တွေအားလုံးကို ရွှေ့ရသည့်အတွက် ချွေးထွက်နေလေပြီ။
ဒီဖိုင်တွေအများကြီးကို ဘယ်ကနေ ရှာလာသလဲဆိုတာ ဘယ်သူ သိမတုံး..
ဒီနေ့ မနက်ပိုင်း ကုမ္ပဏီကို သူဌေးရောက်လာတော့ ကျန့်ထျန်းမင်ကို သိုက်ယီးရန်အတွက် အချိန်ပေးရပြီး အရေးမကြီး သေးဖွဲသော အလုပ်တွေရှာပေးဖို့ ခိုင်းလေသည်။
သူဌေး လုမန်အတွက် လက်စားချေဖို့ ကြိုးစားနေသည်မှန်း ကျန့်ထျန်းမင်လည်း ချက်ချင်း သဘောပေါက်လိုက်၏။
သို့ပါလျက် လုမန်က သူမဘာသာ ဖြေရှင်းနိုင်ပြီး သူဌေးကို ဝင်ရောက်စွက်ဖွက်ခြင်း မပြုဖို့ ပြောထားခဲ့ရာ သူဌေးက သူမအလုပ်ကို ကြားဝင်ခြင်း မပြုနိုင်သော်လည်း သိုက်ယီးရန်အလုပ်ကိုတော့ နှောင့်ယှက်နိုင်ပေသည်။
သူတို့ လုမန်ကို နိုင်စားနေတာကို သူဌေးက ခွင့်ပြုထားမယ်လို့များ ထင်နေကြသလား..
YOU ARE READING
ထိုမှစခဲ့သော အချစ်များစွာသည်
RomanceTranslation of ❛ The Long-awaited Mr. Han『韩先生，情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...
