အခန်း [ ၁၀၇ ]
ဂရုမစိုက်သလိုပြောလိုက်တာကို နားထောင်ပြီး ဟန်ကျိုးလီ ပြုံးတုံ့တုံ့ဖြစ်သွားသည်။
ဒီကောင်မလေး ဘယ်တော့မှ အရှုံးဘက်က ကျန်ခဲ့ရတယ်လို့ကိုမရှိဘူး..
နာရီကို ကြည့်လိုက်ပြီး သိုက်ယီးရန်ကို သွားပို့သော ကျန့်ထျန်းမင်ကို ရုံးခန်းထဲဝင်လာခဲ့ဖို့ ခေါ်သည်။
ထို့ကြောင့် အလုပ်အကြောင်းပြောကြတော့မည် ထင်လိုက်ကာ လုမန် စိတ်ကို ပြင်ဆင်လိုက်၏။
သို့သော် မထင်မှတ်ထားသည့် ဟန်ကျိုးလီ၏ နောက်ဆက်တွဲစကားက ဤကဲ့သို့။
" နေ့လယ်တောင်ရောက်နေပြီ၊ နှစ်ယောက်စားဖို့တစ်ခုခုမှာလိုက်ပါ၊ ငါ ဒီမှာပဲ လုမန်နဲ့စားလိုက်တော့မယ် "
လုမန် တအံ့တဩဖြစ်သွားရကာ..
" ကျွန်မ နေ့လယ်စာစားပြီးမှ ပြန်လာခဲ့ပါမယ်၊ ဘာပဲဖြစ်ဖြစ် အတူတူပဲကို "
" စားစရာမှာတာက ကြာဦးမှာလေ၊ အရင်ဆုံး စကားပြောကြတာပေါ့ "
" ကျွန်မ... "
" လုမန် "
ငြင်းဖို့ ပြင်ဆင်လိုက်သည့် စကားတွေက ကျန့်ထျန်းမင်ကြောင့် ပြတ်တောက်သွားရ၏။
" သူဌေးက နေ့လယ်စာကို အချိန်မီစားဖို့ သတိရတယ်ဆိုတာရှားတယ်၊ ဒါကြောင့် မင်း မငြင်းလိုက်ပါနဲ့၊ မင်းပြန်သွားရင် အလုပ်တွေဆက်သွားတာနဲ့ သူ နေ့လယ်စာစားတော့မှာမဟုတ်ဘူး "
ဟန်ကျိုးလီ နေ့လယ်စာ စားခြင်း မစားခြင်းက ဘာဖြစ်လို့ သူမတာဝန်ကြီး ဖြစ်သွားရတာလဲ..
မသိရင် ကိုယ်ကပဲ အရေးပါအရာရောက်နေသလိုလို..
ဒါကို ကျန့်ထျန်းမင်က အလေးအနက်ထားပြောလာတော့ လုမန် ခေါင်းညိတ်လိုက်၏။
ကျန့်ထျန်းမင်က အရင်က သူ့အမှားတွေအတွက် ကျေရာကျေကြောင်း လုပ်ပေးနိုင်ခဲ့ပြီဆိုပြီး သဘောခွေ့နှစ်ခြိုက်စွာနဲ့ စားစရာတွေ သွားမှာတော့သည်။
" ဟန်... "
အရင်ကလို သခင်လေးဟန်ဟု ခေါ်မလို့ပင်။ သို့သော် လက်ရှိမှာ မသင့်လျော်သဖြင့်..
" သူဌေး "
YOU ARE READING
ထိုမှစခဲ့သော အချစ်များစွာသည်
RomanceTranslation of ❛ The Long-awaited Mr. Han『韩先生，情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...
