Unicode :
အခန်း [ ၉၉ ]
အဲ့ဒါသာ ကြည့်တော့!
သူမ ကြင်ကြင်နာနာမရှိတာတောင် ကုမ္ပဏီမှာ သတင်းတွေထွက်ရင် သူမအတွက် မကောင်းမှန်းသိလို့ သူ့မှာတော့ ဟိုလိုလေးကောင်းမလား ဒီလိုလေးကောင်းမလားနဲ့ အကောင်းဆုံးဖြစ်ဖို့တွေ စဥ်းစားပြီး ဒေါင်ချာစိုင်းနေရတုန်း..
နောက်ပြီး လုပ်ဖော်ကိုင်ဖက်တွေကပါ ဝိုင်းကြဥ်နေကြပြီဆိုတော့ နောက်ဆိုရင် အနိုင်ကျင့်ခံရတာတွေ ရှိလာမှာလည်း စိုးရသေးတာ..
ဒီလိုခိုးကြောင်ခိုးဝှက်တွေ လုပ်ပေးနေရတာက လုမန်စိတ်ကို သူ သိနေလို့။
ပြီးတော့ သူနှင့် ပတ်သက်သည့် သူမ၏ အမြင်တွေ သဘောထားတွေသည် လုံးလုံးလျားလျား ပြောင်းလဲခြင်း မရှိသေးသည့်အတွက် သူသာ မိုက်မိုက်ကန်းကန်းတွေ ဆက်လုပ်နေလိုက်လျှင် ပိုဝေးသွားဖို့ပဲ ရှိနေသည်။
“ ဟုတ်ကဲ့ ”
ကျန့်ထျန်းမင်က ပြောပြီး ခဏလောက် စောင့်နေသေးသည်။ ဟန်ကျိုးလီ ဘာမှမပြောတော့ဘူးဆိုမှ ထွက်သွားလေ၏။
ယဲ့ရှောင်ရှင်း အတွင်းရေးမှူးဌာနကနေ ပြန်တော့မည့်အချိန်မှာ ဝူလီကျဲကို မန်နေဂျာဝူ ဖုန်းဆက်ပြောနေတာကို ကြားလိုက်ရ၏။
“ မန်နေဂျာဝူ .. ခင်ဗျားအကြံပြုထားတဲ့ ကိစ္စကို သူဌေးက စဥ်းစားပြီး သဘောတူလိုက်ပါပြီ .. လုမန်တင်ပြတဲ့ ပလန်က သူဌေးလိုချင်တာနဲ့ ကိုက်ညီမှုရှိနေမယ်ဆိုရင် စမ်းသပ်ကာလကို အောင်ပြီလို့ မှတ်ယူနိုင်ပါပြီ၊ လုမန်ကိုလည်း ဒီအကြောင်းလေးပြောပြပြီး သူဌေးရဲ့ရုံးခန်းကို လာခဲ့ဖို့ ပြောလိုက်ပါ၊ သူဌေးက သူ့မှာ ဒီလိုအခွင့်အရေးပေးရလောက်အောင် အရည်အချင်း တကယ်ရှိမရှိကို ကိုယ်တိုင် တွေ့ကြည့်ချင်တယ်တဲ့ ”
“ ကောင်းပါပြီဗျာ.. ”
ဝူလီကျဲ ဝမ်းသာသွားသည်။
ဟိုတစ်နေ့က ဆေးရုံမှာ ဖြစ်ခဲ့သည့် ကိစ္စကြောင့် လုမန်အတွက် သူ့မှာ တာဝန်ရှိသည်ထင်သဖြင့် ထိုသို့ အကြံပြုပေးလိုက်တာဖြစ်သည်။
ဒါပေမဲ့ သူဌေးကို တကယ် လက်ခံမယ်လို့တော့ မထင်ထားဘူး!
ဝူလီကျဲ ရုံးခန်းတံခါးကိုဖွင့်ပြီး လုမန်ကို လှမ်းခေါ်လိုက်သည်။
“ လုမန် ခဏလာခဲ့ပါဦး ”
YOU ARE READING
ထိုမှစခဲ့သော အချစ်များစွာသည်
RomanceTranslation of ❛ The Long-awaited Mr. Han『韩先生，情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...
