(Unicode)
အခန်း [ ၁၅၆ ]
“ လုမန် ”
သိုက်ယီးရန်က သူမကို ဆွဲတားလိုက်ကာပြုံး၍
“ နင့်ရဲ့အဆိုပြုလွှာက ဘာလဲ၊ အရွေးခံရမယ်လို့ ယုံကြည်မှုရှိလား ”“ ကျွန်မ လိုရမည်ရဆိုပြီး နှစ်ခု ပြင်ထားတာပါ၊ ကွန်ပျူတာထဲကတစ်ခုကတော့ အားအရဆုံး လက်အခံနိုင်ဆုံး တစ်ခုပါ၊ နောက်တစ်ခုကတော့ ခုနကအပ်လိုက်တဲ့လက်ဦးမူကြမ်းပေါ့၊ ကျွန်မ အားရကျေနပ်တဲ့အဆိုပြုလွှာက ပြန်ယူလို့မှမရတော့တာ .. ရှိပါစေတော့ သူတောင်းစားဘဝ ချေးမများရတဲ့၊ တခြားတစ်ခုကိုပဲ ကျွန်မ သုံးရတော့မှာပေါ့လေ ”
လုမန်က စိတ်ညစ်နေသည့်ပုံလေးနှင့်ပြော၏။ စောစောက အပ်လိုက်သည့် အဆိုပြုလွှာနှင့်ပတ်သက်ပြီး အားရကျေနပ်ခြင်းမရှိသည်မှာ သိသာထင်ရှားသည်။သိုက်ယီးရန်မျက်ဝန်းတွေ ဝင်းခနဲ လက်သွား၏။
“ အဲ့ဒီတော့ နင်ပြောတာက နင့်ရဲ့ကွန်ပျူတာထဲမှာပါသွားတဲ့ဥစ္စာက ခုနကနင်အပ်လိုက်တဲ့ဥစ္စာနဲ့ မတူဘူးလို့ပေါ့ ဟုတ်လား ”လုမန်က ဟုတ်၏ မဟုတ်၏ ပြောဆိုခြင်း မရှိ။ သို့သော်လည်း သိုက်ယီးရန်ကတော့ သူမ၏ နှုတ်ဆိတ်နေမှုကို သဘောတူလက်ခံခြင်းဟုပဲ ယူဆလိုက်သည်။
သူမက ချက်ချင်းပင် စိတ်သက်သာရာရစွာ သက်ပြင်းချလိုက်၏။
လုမန်ကို သိုက်ယီးရန် ဆွဲထားစဥ် ယဲ့ရှောင်ရှင်းသည် ဗိုင်းရပ်စ်ပါရှိသည့် Pen Drive ကို ယူသွားရန် ကြိုးစားရှာသည်။
သို့သော်လည်း လုမန်က စကားပြောပြီးတာနှင့် သူမဘက်ကိုလှည့်ပြီး Pen Drive ကို ဆွဲယူသွားသည်။
ယဲ့ရှောင်ရှင်း ပါးစပ်ဟောင်းလောင်းလေးဖြစ်သွားလျက်
“ လုမန် .. ဒီ Pen Drive က နင့်ဟာမှမဟုတ်တာ .. နင် ဘာဖြစ်လို့ ယူတာလဲ ”“ အဲ့ဒါဆို ရှင့်ဟာလား ”
လုမန်က မျက်ဝန်းတွေကိုမှေးကျဥ်းပြီး မေး၏။“ မဟုတ်ပါဘူး ”
ယဲ့ရှောင်ရှင်းက ပျာပျာသလဲ ငြင်းသည်။“ မဟုတ်ရင် ဘာဖြစ်လို့ ကျွန်မ ဒါ ယူတာကို ရှင် လိုက်ပြောနေတာလဲ ”
လုမန်က ပက်ခနဲ ပြန်မေးပြီး Pen Drive ကို အိတ်ထဲထည့်လိုက်၏။
KAMU SEDANG MEMBACA
ထိုမှစခဲ့သော အချစ်များစွာသည်
RomansaTranslation of ❛ The Long-awaited Mr. Han『韩先生,情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...