Unicode:
အခန်း [ ၁၁၄ ]
လုမန်က ခပ်တုံးတုံးတစ်ခုကို တင်ပြလာခဲ့သည်ဆိုလျှင်တောင် သူက ရွေးချယ်ဦးမည်ပင်။
ထိုမျှမကသေး သူ အပြည့်အဝ ယုံကြည်သည်။ သူမမှာ သိုက်ယီးရန်ကို ရှုံးနိမ့်မည် မဟုတ်သော အရည်အချင်းတွေ ရှိနေသည်။
သို့သော် လုမန်က သူ့အတွေးတွေကို မသိပေ။ စီမံချက်ကို သူ လက်ခံပြီးဖြစ်လို့ ပြောင်းလဲမှာမဟုတ်ဘူးလို့ပဲ သေချာတွက်ထားခြင်းဖြစ်၏။
“ ကောင်းပြီလေ၊ လက်ခံတယ် ”
ဟန်ကျိုးလီ ခေါင်းညိတ်လိုက်သည်။
“ ဒါပေမဲ့ တစ်ခုတော့ရှိတယ် ”
ဟူသော လုမန်ရဲ့စကားမှာ
သိုက်ယီးရန်က ခပ်မဲ့မဲ့ပြုံးလေ၏။
“ ဘာလဲ အခုကတည်းက ကြောက်နေပြီလား၊ တစ်ခုဆိုတာက ဘာလဲ ”
သိုက်ယီးရန်ဝင့်ကြွားနေတာကို လုမန် လုံးဝ လျစ်လျူရှုထားလိုက်ကာ..
“ လောင်းကြေးတစ်ခုလောက်ထပ်ကြမယ်ဆိုရင် ဘယ့်နှယ်လဲ ”
“ လောင်းကြေး .. နင်က ဘာကို လောင်းကြေးထပ်ချင်တာလဲ ”
“ ကျွန်မတာဝန်ယူတဲ့ ပရောဂျက်ကို စမ်းသပ်ပွဲအနေနဲ့ယူပြီး ရှုံးတဲ့သူ ထွက်ကြေး၊ အစမ်းခန့်ကာလကျော်အောင် စောင့်နေစရာမလိုဘူး ”
ဟန်ကျိုးလီနှင့်လုမန်ကလွဲပြီး ကျန်တဲ့သူတွေအားလုံး ကြက်သေသေသွားကြသည်။
သိုက်ယီးရန်တောင်မှ ကြောင်တက်တက်ဖြစ်လို့..
လုမန်ဒီလောက်တောင်ယုံကြည်မှုရှိနေတာလား..
ရှုံးသွားမှာကို မကြောက်ဘူးလား..
သူမအနေနှင့်တော့ ပူပင်စရာရယ်လို့ မရှိပါ။ သူမသည် ဝန်ကြီးသမီးဖြစ်ပြီး ဟန်တုံးဖျင်ကိုယ်တိုင် ခေါ်လာခဲ့သူဖြစ်ရာ ဘာဖြစ်ဖြစ် အလုပ်ပြုတ်မှာတော့ မဟုတ်။
သို့သော် အခြေအနေချင်း မတူညီသည့် လုမန်က ခက်ခက်ခဲခဲရထားသည့်အလုပ်ကို လောင်းကြေးထပ်ချင်နေသည်တဲ့။
တုံးတာလား
တကယ်ပဲ အနိုင်ယူနိုင်မယ်လို့ ယုံကြည်မှုရှိနေတာလား
YOU ARE READING
ထိုမှစခဲ့သော အချစ်များစွာသည်
RomanceTranslation of ❛ The Long-awaited Mr. Han『韩先生，情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...
