(Unicode)
အခန်း [ ၁၂၆ ]
အရေးပေါ်ခန်းနားကို ရောက်သောအခါ လုမန် တုံ့ခနဲ ရပ်သွား၏။
“ သခင်လေးဟန် အပြန်လမ်းမှာ ဂရုစိုက်ပါ ”
ဟန်ကျိုးလီ မျက်ခုံးတွေ ပင့်တက်သွားသည်။
တွန့်တိုလှချေလား ဒီကောင်မလေး!!
“ မင်းက ဒီထိပဲ လိုက်ပို့မှာလား ”
သူမ မတုံ့ပြန်နိုင်ခင်မှာ လက်ကိုပါ လှမ်းဆွဲပြီး တင်းတင်းဆုပ်ထားလိုက်သည်။
လုမန် ဘယ်လိုရုန်းရုန်း မလွတ်ဘဲရှိနေ၏။
“ မဟုတ်ဘူး၊ ကျွန်မ ဒီတိုင်း ကြိုပြောတာပါ ”
“ အဟွန်း.. ဟုတ်လား ”
ယုံပါတယ်လို့ပြောမိရင် ဒါ လိမ်ညာတာပဲ..
ဒါပေမယ့် အသည်းမာသည့် လုမန်ကိုကြည့်ပြီး သူ ရင်နာလာသည်။
သူမကို အရင်သဘောကျမိတာ သူ့အမှား..
ဒီကောင်မလေး ဉာဏ်များတာကိုသိလိုက်သားနဲ့ သူ့ရင်ဘတ်ကြီး ပါသွားတာ..
သူ့ရယ်သံကြောင့် လုမန် အပြစ်ရှိသလို ခံစားရသည်။ သူ့ဆီကနေ ထွက်ပြေးချင်နေသော်ငြား သူ စိတ်ခုသွားမှာကိုတော့ ကြောက်၏။
“ သွားမယ် ”
သူကပဲ ပြောပြီး လက်ကနေ ဆွဲခေါ်သွားကာ လှေကားထစ်တွေအတိုင်း ဆင်းခဲ့ကြသည်။
ပြီးတော့ ကားပါကင်ဆီကို ဆက်လျှောက်၏။ လမ်းပေါ်မှာ မီးရောင်မှိန်မှိန်ပဲရှိသည်မို့ ရှေ့က လမ်းကိုပင် သဲသဲကွဲကွဲ မမြင်ရပေ။
“ လက်ကိုလွှတ်ပါ သခင်လေးဟန် ကျွန်မကိုယ့်ဘာသာလျှောက်နိုင်ပါတယ် ”
ထွက်ပြေးတာမျိုးလည်း မလုပ်ပါဘူး...
ဒါပေမယ့် ဟန်ကျိုးလီက သူမပြောလိုက်တာကို မကြားသည့်ပုံနှင့် တစ်ခွန်းမှမပြော။
“ သခင်လေးဟန် .. သခင်လေးဟန် .. သခင်လေးဟန် .. ”
လုမန်က သူမလက်ကို လိမ်ဖည်ဆွဲထုတ်ယူရင်း ပါးစပ်ကလည်း အော်သည်။
ဟန်ကျိုးလီ မျက်ဝန်းတွေ မှေးကျဥ်းသွား၏။ ကြာတော့ “ သခင်လေးဟန် ” ဆိုတာကြီးဟာ နားထဲမှာ ခါးလာ၏။
आप पढ़ रहे हैं
ထိုမှစခဲ့သော အချစ်များစွာသည်
रोमांसTranslation of ❛ The Long-awaited Mr. Han『韩先生，情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...
