system 091

(1.4)

Unicode

လရိပ်တည်းခိုဆောင်သည် အလွန်တရာအေးချမ်းတဲ့ပတ်ဝန်းကျင်နှင့် ခရီးသွားကျင့်ကြံသူတွေ အန္တရာယ်ကင်းကင်းတည်းခိုရန်အတွက်အဓိကဆောက်လုပ်ပေးထားခြင်းဖြစ်သည်။ အခုလောလောဆည်တွင် တည်းခိုခန်းပိုင်ရှင်အမျိုးသမီးဟာ ကောင်တာမှာထိုင်နေရင်း သူမအရှေ့ရှိယောက်ျားပျိုနှစ်ဦးအား ထူးဆန်းသည့်မျက်လုံးတစ်စုံဖြင့်အကဲခတ်နေလေသည်။

သူမအရှေ့ကယောက်ျားနှစ်ယောက်က တစ်ယောက်ကိုတစ်ယောက်မသိသလိုပြုမူနေကြသော်လည်းပဲ သူတို့နှစ်ယောက်ရဲ့လက်တစ်စုံဟာ သစ္စာဖောက်စွာတင်းတင်းကြပ်ကြပ် ဆုပ်ကိုင်ထားကြသည်။

ညာဘက်မှာရှိတဲ့အမျိုးသားဟာ အဖြူရောင်ကိုမှ အပြာရောင်ကွပ်ထားသည့် ဝတ်ရုံရှည်ကိုဝတ်ဆင်ထားပြီး မျက်နှာတစ်ဝက်အား အဖြူရောင်ပိတ်စတစ်ခုဖြင့် ဖုံးအုပ်ထားသည်။ ညှိ့အားပြင်းထန်သည့် မြစိမ်းရောင်မျက်ဝန်းတစ်စုံကိုသာ လှပစွာဖော်ပြထားသော်လည်းပဲ ငွေရောင်တောက်ပသည့်ဆံနွယ်ရှည်တွေကသူ့ကို လျှို့ဝှက်ဆန်းကျယ်မှုနှင့် နတ်ဒေဝါတစ်ပါးလိုခံစားသွားရစေသည်။

နောက်တစ်ယောက်ကတော့ တစ်ကိုယ်လုံးအနက်ရောင်ဝတ်ရုံရှည်ဖြင့် ဖုံးကွယ်ဝတ်ဆင်ထားတာကြောင့်ဘာမှမမြင်ရပေမယ့် ဝတ်ရုံအောက်ကစူးရှလွန်းသည့် ဓားထက်ထက်လိုမျိုး အကြည့်တစ်စုံကိုတော့ ခံစားမိနေပေသည်။ ဆိုင်ရှင်အမျိုးသမီးဟာ ကြည့်ရင်း၊ ကြည့်ရင်း တစ်စုံတစ်ခုကိုနားလည်သဘောပေါက်သွားသကဲ့သို့ အဓိပ္ပါယ်ပါပါပြုံးမိလိုက်လေသည်။

ဟ...ဟ...လက်စသက်တော့ အတွဲတွေကအချစ်စမ်းနေကြတာကိုး။

ဒီကမ္ဘာရဲ့ကျင့်ကြံရေးလောကမှာ လိင်တူအတွဲတွေအများကြီးရှိတာကြောင့် ယောက်ျားလေးချင်းကြိုက်သည့်ကိစ္စဟာ ထူးထူးဆန်းဆန်းမဟုတ်ဟု သတ်မှတ်ထားကြသည်။ ရှောင်ကျန့်ဟာ ဆိုင်ရှင်အမျိုးသမီး၏ ငါနားလည်ပါတယ်ဆိုတဲ့ အကြည့်ကြီးကြောင့် အလွန်အမင်းဆွံ့အ သွားရှာပြီးဘာပြောရမှန်းမသိဖြစ်သွားရလေသည်။

"အဟမ်း...တစ်ခန်းယူမယ်ဟုတ်...ရပြီ...ဒီမှာသော့...အခန်းနံပတ်က၅၆....ကောင်းကောင်းမွန်မွန်အနားယူကြပါ...."