system 091

(7.17)

Unicode

ရှောင်ကျန့်၏ ဖျားနာမှုက နန်းတော်တစ်ခုလုံးအပြင် တစ်တိုင်းပြည်လုံးကိုပါသက်ရောက်သွားခဲ့သည်။ ပြည်သူပြည်သားတိုင်းက စိုးရိမ်ပူပန်မှုအပြည့်နဲ့အတူ ဧကရီ့ထံသို့ ဆုတောင်းမေတ္တာတွေအများကြီးပေးပို့ကြသည်။ ညီလာခံကအမတ်မင်းတွေတောင်မှ ဧကရီဖြစ်သူကိုစိုးရိမ်လာတာကြောင့် ဧကရာဇ်၏ ညီလာခံပျက်ကွက်မှုကို မည်သူမှအပြစ်မဆိုကြပေ။

တိုင်းပြည်တစ်ခုလုံးက ဧကရာဇ်နှင့်ဧကရီ၏ ကြိုးပမ်းမှုကြောင့် မိုးခေါင်ရေရှားသည့်ပြဿနာကိုဖြေရှင်းပြီးပြီဖြစ်သလို စိုက်ပျိုးရေးနှင့်လက်မှုလုပ်ငန်းတိုင်းဟာကောင်းမွန်စွာလည်ပတ်နေပြီး လူတိုင်းချောင်ချောင်လည်လည်ဖြင့် နေထိုင်နိုင်ကြသည်။ ဒါကြောင့်ကြီးကြီးမားမားပြဿနာ ရပ်ကြီးတစ်ခုရှိမနေသ၍ ယုံကြည်ရသည့်အမတ်မင်းတွေကိုယ်တိုင်ကိုင်တွယ်စီမံနိုင်၍ လက်လွှဲခြင်းခံထားရ၏။

ရှောင်းအမတ်ကြီးက ဧကရီ၏ဖျားနာမှုသတင်းကြီးကြောင့် ရှောင်းမေမေနဲ့အတူ အပြေးအလွှားရောက်ရှိလာခဲ့သည်။

အခုမှရောက်ဆို လွန်ခဲ့တဲ့သုံး​နှစ်ကျော်လုံး လင်မယားနှစ်ယောက် ကမ္ဘာပတ်ရင်း ပျော်ရွှင်ကျေနပ်နေခဲ့ကြသည်မဟုတ်ပါလား။ ရှောင်ကျန့်ရဲ့ ဖျားနာမှုသတင်းကြောင့်သာမဟုတ်ရင် ပေါ်ကိုလာဦးမှာမဟုတ်တာသေချာသည်။

"ဧကရီက အပြင်းအထန်ဖျားနာနေတယ်ဆိုလို့.....အခုဘာကြောင့်များအရမ်းတွေသာယာနေတယ်လို့ ကျွန်တော်မျိုး ခံစားနေရတာပါလဲ"

အမှန်ပင် ရှောင်ကျန့်က ရှောင်းအမတ်ကြီးပြောသလိုမျိုးအရမ်းအရမ်းကိုသာယာနေ၏။သူ့ဘေးနားတွင်တစ်ချိန်လုံးကပ်နေသည့်ဝမ်ရိပေါ်က သူ့အတွက် မုန့်မျိုးစုံသူကိုယ်တိုင်လုပ်ကျွေးသည်။ သူထ ရမှာပျင်းရိနေရင် ပွေ့ချီသွားသည်။

သူစားရမှာပျင်းရင် သူ့ကိုတကူးတက ခွံ့ကျွေးသည်။ သူ့ရဲ့အဖျားမှာပျောက်ကွယ်သွားပြီဖြစ်သော်လည်းပဲ ဒီတစ်လလုံးစိတ်ကြိုက်နားခွင့်ရထားသည့်ရှောင်ကျန့်ဟာ ဒူးလေးနှံ့ရင်း ဝမ်အင်ပါယာ၏ ပြည့်ရှင် ဧကရာဇ်မင်းကြီးကို တောက်တိုမယ်ရ တစ်ယောက်ကဲ့သို့ ခိုင်းစားနေလေသည်။