system 091

(7.3)

Unicode

ရှောင်းအမတ်ကြီး၏တစ်ဦးတည်းသောသမီးကို အင်ပါယာ၏ဧကရီအဖြစ်တင်မြှောက်မည့် သတင်းကြီးဟာ တိုင်းပြည်တစ်ခုလုံးနျူးကလီးယားဗုံးပေါက်ကွဲသလိုမျိုးပျံ့နှံ့သွားသည်။

ဝမ်အင်ပါယာ၏လက်အောက်ခံတိုင်းပြည်မြောက်များစွာဟာ အမျိုးမျိုးသောတန်ဖိုးကြီးလက်ဆောင်ပစ္စည်းတွေကိုစုစည်းကြသည်။ဧကရာဇ်မင်းက မိန်းမတွေကိုစိတ်မဝင်စားတုန်းကတစ်စက်ကလေးမှလှည့်မကြည့်သလောက် သဘောကျသွားတဲ့မိန်းကလေးတစ်ယောက်ရှိလာပြန်တော့လည်း ဧကရီအဖြစ်ချက်ချင်းတင်မြှောက်လိုက်တာပါလား။

အင်ပါယာတစ်ခုလုံးကိုလက်ဖဝါးတစ်ဖက်တည်းနဲ့အုပ်ကိုင်ခြယ်လှယ်ထားတဲ့ဧကရာဇ်အတွက် ဧကရီတစ်ပါးတင်မြှောက်ဖို့ရန်တစ်ခြားရာထူးကြီးအမတ်မင်းတွေ၏ခွင့်ပြုမိန့်မလိုအပ်ပေ။

ရှောင်းအမတ်ကြီး၏သမီး ရှောင်းမေဟာတစ်ခါမှာအိမ်တော်တွင်းကနေ အပြင်ထွက်ခြင်းမရှိခဲ့တာကြောင့် သူမ၏မျက်နှာမှာမည်သို့ရှိမှန်းပင်မသိကြပေ။ပြောကြတာတော့ရှောင်းအမတ်ကြီး၏ သမီးဟာအမြဲတမ်းသူမမျက်နှာနှင့်လည်ပင်းတစ်ဝိုက်ကို မျက်နှာကာတစ်ခုဖြင့်ဖုံးအုပ်ထားတတ်သည်တဲ့။

ပြည်သူလူထုအနေနဲ့ရုတ်တရတ်ကြီးအသစ်ရရှိလာသည့်ဧကရီ၏အကြောင်းဘာဆိုဘာမှမသိပေမယ့်ဧကရာဇ်ကိုယ်တိုင်ရွေးချယ်ခဲ့မှတော့အကောင်းဆုံးသာဖြစ်မှန်းသူတို့ယုံကြည်ကြသည်။ပြည်သူတွေအားလုံးနီးပါးစိတ်ရင်းအမှန်ဖြင့်ပျော်ရွှင်ပေးခဲ့ကြသည်။

ဝမ်ဧကရာဇ်ဟာသွေးအေးရက်စက်သည်မှာမှန်သော်လည်းပဲသူနန်းတတ်စဥ်ကာလတစ်လျှောက်လုံးတိုင်းပြည်အတွင်းတစ်ခါမှငတ်မွတ်ခေါင်းပါးတာမျိုးမရှိခဲ့ဖူးပေ။ပြည်သူတိုင်းဟာဝဝလင်လင်စားသုံးနိုင်ကြပြီးကောင်းကောင်းမွန်မွန်ဝတ်စားနိုင်ကြ၏။ဒါကြောင့်လည်းဧကရာဇ်မင်းအပေါ်ပြည်သူတိုင်းက လေးစားချစ်ခင်ကြသည်။

"အမတ်မင်း!!....အမတ်မင်း!!....သခင်မလေးသောင်းကျန်းနေပြန်ပြီ...."

အစေခံတစ်ယောက်ဟာရွှယ်အမတ်ကြီးနားနေသည့်အိပ်ဆောင်အပြင်ဘက်ကနေအလောတကြီးလျှောက်တင်လာသည်။ရွှယ်အမတ်ကြီးဟာသူ့နဖူးကြောတွေကိုပွတ်လိုက်ရင်းယခုရက်ပိုင်းအတွင်းသမီးဖြစ်သူရွှယ်ရင်းရင်း၏အမျိုးမျိုးသောင်းကျန်းဖျက်စီးမှုကြောင့်အတော်လေးခေါင်းကိုက်လာ၏။