Unicode
ဝမ်ရိပေါ်က တုံ့ဆိုင်းမနေပဲ ခန်းမအတွင်းက မျက်နှာဖုံးကွယ်ထားသည့် အမျိုးသမီးတိုင်းကို ဖယ်ရှားခိုင်းစေခဲ့သည်။ ဒါက တရားခံအမျိုးသမီး ခန်းမထဲရှိနေနိုင်သည့်ဖြစ်နိုင်ချေသေးသေးလေးတစ်ခုကြောင့်ပင်။ ပြီးတော့ ဖုံးကွယ်ထားသည့်မျက်နှာကိုဖော်ပြလိုက်ခြင်းက တစ်ကိုယ်လုံးနှံ့နှံ့စပ်စပ်အစစ်ဆေးခံရပြီးအရှက်ကွဲတာထက်အများကြီး သင့်တော်သည်။
မည်သူမှမကံ့ကွက်ကြပေ။ ရွှယ်ရင်းရင်းအတွက်ကတော့ တကယ့်ကိုဂြိုလ်ဆိုးကြီးတစ်ခုကျရောက်လာခြင်းပင်။ အိမ်ရှေ့စံချန်စစ်ချိန်က ရွှယ်ရင်းရင်းရဲ့ရုပ်ပျက်ဆင်းပျက်မျက်နှာကိုမြင်ဖူးထားတာကြောင့် ရှောင်ကျန့်စကားကိုကြားသည့်အခါတွင်မျက်မှောင်တင်းတင်းတစ်ချက်ကြုပ်လိုက်သည်။
ဒါပေမယ့်သူ့သက်တော်စောင့်ကိုယုံကြည်စွာ မဖြစ်နိုင်လောက်ပါဘူးလေ ဟူသည့်စိတ်အခံဖြင့် အစေခံမိန်းကလေးတွေ၏ မျက်နှာကာကို ဖြုတ်ဖို့ရန်ခွင့်ပြုလိုက်သည်။
နောက်ဆုံးခန်းမအတွင်းက မိန်းမပျိုတွေအားလုံး သူတို့မျက်နှာကာကိုဖယ်ရှားပြီးသွားပြီဖြစ်ပေမယ့် ရွှယ်ရင်းရင်းတစ်ယောက်သာဝေ့လည်ကြောင်ပတ်လုပ်နေလေသည်။ ကြာတော့ လူတိုင်းသံသယဝင်လာပြီး အစောင့်တစ်ချို့၏ ဖမ်းဆီးချုပ်နှောင်ခြင်းကိုခံလိုက်ရကာ သူမမျက်နှာရှိ အနက်ရောင်ပုဝါစမှာ ဆွဲယူခြင်းခံလိုက်ရသည်။ လူတိုင်း၏ ထိတ်လန့်တကြားပင့်သက်ရှိုက်သံတစ်သံမှာထွက်ပေါ်လာသည်။
သူမမျက်နှာတွင်ရုပ်ပျက်ဆင်းပျက် ကန့်လန့်ဖြတ်အမာရွတ်ကြီးတစ်ခု ထင်ထင်ရှားရှားတည်ရှိနေ၏။ ယခင်က သူမနဲ့ အရင်းနှီးဆုံးဖြစ်ခဲ့သူ လီအိမ်တော်ရဲ့သမီးကြီး လီမော့ဟွာကိုယ်တိုင်တောင်မှ သူမကိုရွှယ်ရင်းရင်းမှန်းမမှတ်မိတော့သည်အထိ ကြီးကြီးမားမားပြောင်းလဲသွားခဲ့သည်။
သူမ မျက်နှာထက်ကအမာရွတ်ကြီးကိုကြည့်ရင်း လူတိုင်းက ရှောင်ကျန့်စကားကိုပိုမိုယုံကြည်လာကြသည်။ ရှောင်ကျန့်ကိုယ်တိုင်လည်း ရွှယ်ရင်းရင်းမျက်နှာကိုမြင်သည့်အခါတွင် ဝမ်းသာအားရ အသံထွက်လာသည်။
YOU ARE READING
system 091
Romancewang yibo 💞 xiao zhan [ကျေးဇူးပြုပြီးအုန်းသီးကိုလေးစားပါ] ^^^^^^^^^^^ ^^^^ [ေက်းဇူးျပဳၿပီးအုန္းသီးကိုေလးစားပါ]
