Unicode
မြို့တော်ဝန်က အမူအရာမဲ့သည့်မျက်နှာဖြင့်ဝမ်ရိပေါ်ကိုတစ်လှည့် ရှောင်ကျန့်ကိုတစ်လှည့်ကြည့်ရင်း မျက်မှောင်ကြုပ်လိုက်သည်။
"မင်းတို့ ဘာလိုချင်တာလဲ"
"ဝိဥာဥ်ဆင့်ခေါ်မီးအိမ်"
"မဖြစ်နိုင်ဘူး!"
မြို့တော်ဝန်၏လေသံမှာသိသိသာသာတင်းမာသွားသည်။
"မင်းတို့လိုချင်တာ တစ်ခြားအရာတွေဆိုရင်တောင်ငါပေးနိုင်သေးတယ်....ဒါပေမယ့် ဝိဥာဥ်ဆင့်ခေါ်မီးအိမ်ကတော့ လုံးဝမဖြစ်နိုင်ဘူး...."
"အဆင်ပြေပါတယ်...."
ဝမ်ရိပေါ်က စိတ်မဝင်စားသလို သူ့လက်ကိုဝှေ့ယမ်းလိုက်သည်။ ပတ်ဝန်းကျင်လေဟာနယ်တစ်ခုလုံး အေးခဲသွားပြီး မြို့တော်ဝန်အနားတွင် ထူးဆန်းသည့်နက်ရွှေရောင်မီးတောက်တစ်ချို့စတင်တောက်လောင်လာ၏။
"ခင်ဗျားက ပေးချင်စိတ်မရှိမှတော့ တိုက်ခိုက်ကြတာပေါ့"
ဝုန်း!!!
ပြင်းထန်ကျယ်လောင်သည့်ပေါက်ကွဲသံကြီးက မြို့တော်ဝန်အိမ်တော်ရှိရာတွင်ပေါ်ပေါက်လာပြီး အမည်မဲ့မြို့တွင်းက လူတိုင်းကိုအာရုံစိုက်သွားစေသည်။
"ဘာဖြစ်တာလဲ"
"မြို့တော်ဝန်အိမ်မှာ တစ်ခုခုဖြစ်နေတယ်ထင်တယ်...."
"ကြည့်ရတာ ကြီးကြီးမားမားတိုက်ခိုက်နေသလိုပဲ"
မြို့တော်ဝန်အိမ်တော်၏ ခေါင်မိုးမှာပေါက်ထွက်သွားပြီး မြို့တော်အထက်တွင် မြို့တော်ဝန်နှင့် တစ်ခြားသောကျင့်ကြံသူတစ်ယောက်တိုက်ခိုက်နေကြသည်ကို မြို့နေလူအများစု မြင်တွေ့လိုက်ရသည်။ တည်းခိုခန်းတစ်ခုထဲကထွက်လာသည့် ရှောင်မိသားစုကြီးဟာ မြို့တော်ဝန်နှင့်တိုက်ခိုက်နေသူမှာ သူတို့နဲ့လမ်းကြုံလိုက်စီးခဲ့သည့်စွမ်းအားမြင့်ကျင့်ကြံသူဖြစ်နေကြောင်းသိလိုက်ကြသည်။ ရှောင်မောင်နှမနှစ်ယောက်ဟာ တစ်ယောက်မျက်နှာတစ်ယောက်ကြည့်လိုက်မိကြ၏။ သူတို့မျက်လုံးအတွင်း၌ ဖုံးကွယ်မရသည့်အံ့အားသင့်မှုကိုအလွယ်တကူမြင်တွေ့နိုင်သည်။
YOU ARE READING
system 091
Romancewang yibo 💞 xiao zhan [ကျေးဇူးပြုပြီးအုန်းသီးကိုလေးစားပါ] ^^^^^^^^^^^ ^^^^ [ေက်းဇူးျပဳၿပီးအုန္းသီးကိုေလးစားပါ]