system 091

(1.21) [Return]

Unicode

ရှောင်ကျန့်နိုးလာသည်။ သူ့ခန္ဓာကိုယ်တစ်ခုလုံး အရမ်းကိုလန်းဆန်းတတ်ကြွနေပြီး မမြင်နိုင်သည့်စွမ်းအားကြီးတစ်ရပ်ကိန်းအောင်းနေသလိုခံစားရ၏။ ဖြစ်နိုင်ရင်အခုချက်ချင်းလက်ငင်း တောင်ကြီးတစ်ခုလုံးကိုလက်သီးတစ်ချက်နဲ့ပေါက်ကွဲထွက်သွားအောင် လုပ်နိုင်သည်ဟု ထင်ယောင်ထင်မှားဖြစ်လာသည်အထိပင်။

သူရောက်နေတဲ့နေရာက အမ်......အရင်က ပြောင်ပြောင် ပြောင်ပြောင်ပစ္စည်းတွေရှိတဲ့အခန်းထဲကိုပါပဲ။ ဒါပေမယ့် သူ့စကားကိုလန့်သွားဟန်ပေါ်ကာ အနှီးပြောင်ပြောင်လက်လက်နဲ့ တန်ဖိုးကြီးရတနာတွေကိုတော့အခန်းထဲတွင် ဖယ်ထုတ်ခြင်းခံထားရသည်။ ထိုအစား ရိုးရိုးရှင်းရှင်းနှင့်တန်ဖိုးကြီး သဘာဝရတနာတွေဖြင့်အစားထိုးခြင်းခံထားရသည်။ ကြည့်ရတာ ဝမ်ရိပေါ်က သူ့အပေါ်ကြွားလုံးထုတ်ဖို့အခွင့်အရေးကိုလက်မလျော့သေးဘူးထင်၏။

အခန်းကိုလှည့်ပတ်ကြည့်လိုက်တော့ ဝမ်ရိပေါ်အပါအဝင် မည်သည့်သက်ရှိသက်မဲ့ကိုမှ မတွေ့ရပေ။ သူ့ကို အခန်းထဲတစ်ယောက်တည်းပြစ်သွားတာပေါ့လေ။

သူမကျေနပ်ပေမယ့်လည်း နှာခေါင်းတစ်ချက်သာရှုံ့ရုံရှုံ့လိုက်သည်။ သူနားလည်သည်။ ဝမ်ရိပေါ်နဲ့သူက ဘာမှပတ်သတ်မှုမရှိသေးတဲ့သူစိမ်းသာသာလူတွေဆိုတာကိုလေ။ ဘယ်သူကမှ သူစိမ်းတစ်ယောက်အတွက် တကူးတက အသေးစိတ်အာရုံစိုက်မနေဘူး။ ဒါပေမယ့် သူအိပ်မပျော်သွားခင်က ဝမ်ရိပေါ်ရဲ့အပြုအမူကိုဘယ်လိုရှင်းပြရမလဲ။ သူ့အတွက် နှလုံးသားထဲကိုလက်ဖြင့်ကိုယ်တိုင်ဖောက်ထုတ်၍ နှလုံးသွေးအဆီအနှစ် နှစ်ဆယ်ကျော်ကို လိုလိုလားလားပေးအပ်ခဲ့သည်။

ကံကောင်းတာတစ်ခုက ဝမ်ရိပေါ်ကိုယ်တိုင် ၎င်းကိုအသေအချာထိန်းချုပ်၍ သူ့ခန္ဓာကိုယ်တစ်ခုလုံးကိုစိတ်တိုင်းကျ နူးနူးညံ့ညံ့သန့်စင်စေ၍ပင်။ မဟုတ်ရင် သွေးအဆီအနှစ်တစ်စက်နဲ့တင် သူ့ဝိဥာဥ်ရောခန္ဓာကိုယ်ပါ အစအနဖော်မရအောင်ပေါက်ကွဲပျက်ဆီးသွားလိမ့်မယ်။

ရှောင်ကျန့်ပိုပြီးတောင်စိတ်ရှုပ်ထွေးသွားသေးသည်။ ဝမ်ရိပေါ်ရဲ့ သူ့ကိုမမှတ်မိရင်တောင် ဦးစားပေး၊ ကာကွယ်တတ်သည့်အပြုအမူပေါ် နှစ်သိမ့်ကြည်နူးရသော်လည်းပဲ သူက မြေခွေးလေးလို့ပြောခဲ့ရင် ယုံကြည်ပါမလား။