system 091

(5.15)

Unicode

နဂါးနက်ကြီး၏စိတ်ဝိဥာဥ်မှာအားနည်းသထက်အားနည်းလာသည်။ဒေါသကြီးသထက်ကြီးလာသည့်နဂါးနက်ကြီးသည်ရှောင်ကျန့်ကိုစူးစူးရဲရဲစိုက်ကြည့်ကာသူ့ရဲ့ဧရာမပါးစပ်ကြီးအားဖွင့်ဟလာ၏။

နဂါးနက်ကြီး၏ပါးစပ်အရှေ့၌အဖျက်စွမ်းအားပြင်းထန်သည့်အနက်ရောင်အလုံးကြီးတစ်ခုမှာတဖြည်းဖြည်းစုစည်းလာသည်။၎င်းအနက်​ရောင်အလုံးကြီးမှာနဂါး၏ဦးခေါင်းထက်တောင်ပိုမိုကြီးမားလာသေးသည်။ထို့နောက်ထိုအဖျက်စွမ်းအားအပြည့်ဖြင့်အနက်ရောင်စွမ်းအင်လုံးကြီးအားရှောင်ကျန့်ဆီပစ်လွှတ်လိုက်သည်။

အနက်ရောင်စွမ်းအင်လုံးကြီး၏အဖျက်စွမ်းအားမှာလွန်စွာကြောက်မက်ဖွယ်ကောင်းလှသည်။ဖြတ်သန်းသွားရာတစ်လျှောက်တွင်လေဟာနယ်အက်ကွဲကြောင်းတွေကြီးမားစွာဖြစ်တည်လာသည်။သို့ပေမယ့်လည်းထိုလေဟာနယ်အက်ကွဲကြောင်းတွေမှာတစ်စက္ကန့်အကြာလေးမှာတင်ပြန်လည်ကောင်းမွန်သွားသည်။ပြောစရာမလိုအောင်ပင်ဤသည်မှာ'ချင်း'မျိုးရိုးအမွှာနှစ်ယောက်၏လက်ချက်ဖြစ်သည်။

ဧရာမအနက်ရောင်စွမ်းအင်လုံးကြီးမှာရှောင်ကျန့်အရှေ့သို့လျှင်မြန်စွာရောက်ရှိလာသည်။နဂါးဦးခေါင်းထက်တောင်ကြီးမားသည့်ထိုအနက်ရောင်အလုံးကြီးနှင့်ယှဥ်ရင်ရှောင်ကျန့်ရဲ့သေးငယ်လှသောခန္ဓာကိုယ်လေးမှာဖုန်မှုန့်တစ်ခုထက်တောင်သေးငယ်သွားသေးသည်။

ဒါပေမယ့်ရှောင်ကျန့်ရဲ့လှပတဲ့မျက်နှာလေးဟာတော့လွန်စွာတည်ငြိမ်နေသည်။သူ့ရဲ့အနုပညာမြောက်လက်ချောင်းလေးတွေမှာအပေါ်သို့မြောက်တတ်လာပြီးအနက်ရောင်အဖျက်စွမ်းအားတွေနဲ့စွမ်းအင်လုံးကြီးကိုတားဆီးလိုက်သည်။ရှောင်ကျန့်ရဲ့လက်ဖဝါးပြင်လေးမှာလွန်စွာနူးညံ့ပြီးပုံမှန်ယောက်ျားတစ်ယောက်ရဲ့လက်ဖဝါးထက်အနည်းငယ်ပိုသေးငယ်သည်။

သူ့ရဲ့လက်ဖဝါးလေးတွေမှာမည်သည့်အားအင်မှရှိဟန်မရသော်လည်းပဲအံ့ဩဖို့ကောင်းစွာပင်ဧရာမအနက်ရောင်စွမ်းအင်လုံးကြီးကိုအသာအယာထိတွေ့တားဆီးလိုက်လေသည်။ရှောင်ကျန့်ရဲ့ရှည်လျားလှပပြီးအိပ်မက်ဆန်လှတဲ့ပင်လယ်ပြာရောင်ဆံနွယ်ရှည်တွေမှာပြင်းထန်သည့်အဟုန်ကြောင့်လွင့်မြောနေသည်။