system 091

(6.14)

Unicode

ဟေးလစ်ခ်၏ပြောပြချက်အရ ရှောင်ကျန့်မှာ၁၆နှစ်အတောအတွင်းပြောင်းလဲမှုအတော်များများကိုသိလိုက်ရသည်။

သူချောက်ထဲခုန်ချပြီးပျောက်သွားတုန်းက လူတိုင်းမှာသူသေသွားပြီဟုသတ်မှတ်ခဲ့ကြတာဖြစ်သည်။ ထိုနေရာတွင်ပြင်းထန်သည့်တိုက်ပွဲတစ်ရပ်ဖြစ်ခဲ့ကြောင်း ရည်ညွှန်းနေပြီး werewolfမျိုးနွယ်ဝင်တွေရဲ့ခြေရာလက်ရာအပြည့်ကြောင့် vampireမျိုးနွယ်စုတစ်ခုလုံးဒေါသပေါက်ကွဲခဲ့ကြသည်။

အထူးသဖြင့် မူလလုမင်ယွင်၏အဖေ vampireအကြီးအကဲဖြစ်သည်။သူ့ရဲ့တစ်ဦးတည်းသောသားလေးကwerewolfမျိုးနွယ်ဝင်တွေလက်ထဲမှာသေဆုံးခဲ့ရတာကိုလက်မခံနိုင်ပဲ ဇာတ်လိုက်အယ်ဗင်ကိုတောင်ပြဿနာသွားရှာသေးသည်။အကြောင်းကတော့အယ်ဗင်ဆီသာသူ့သားကိုအလုပ်လုပ်ဖို့ရန်ခွင့်မပြုခဲ့ရင် ဒီလိုကိစ္စရပ်တွေဖြစ်လာမှာမဟုတ်ဟူ၍။

၎င်းနောက်werewolfမျိုနွယ်ထိသွားရောက်သောင်းကျန်းပြန်တာကြောင့်တစ်ခြားvampireအကြီးအကဲတွေမှာမနည်းချော့မော့ပြီးသွားဆွဲခေါ်ရပြန်သေးသည်။

အယ်ဗင်ကိုယ်တိုင်ကလည်းဘာကြောင့်ရယ်မသိတအားတွေဒေါသပေါက်ကွဲလာပြီးwerewolfတွေကိုပြင်းပြင်းထန်ထန်တိုက်ခိုက်ခဲ့သည်။

ဒါပေမယ့်ရှောင်ကျန်ကတော့အယ်ဗင်ဒေါသထွက်ရသည့်အကြောင်းအရင်းကိုသူသိသည်ဟုထင်သည်။

သူတိုက်ခိုက်မခံခဲ့ရစဥ်က လင်သုန့်တို့အဖွဲ့ကိုကယ်တင်ရန်အတွက် အယ်ဗင်နှင့်အပေးအယူလုပ်ခဲ့ရသည်။အရသာရှိတဲ့သွေးအိတ်တွေသောက်ဖို့ရန်အခွင့်အရေးရလာချိန်၌werewolfတွေလက်ချက်ဖြင့်တစ်စစီပျက်စီးသွားလေရာအစားအသောက်မက်သူအယ်ဗင်ခမျာဘယ်လောက်တောင်ဒေါပွပြီးပေါက်ကွဲသွားလိမ့်မလဲဆိုတာအလွယ်တကူခန့်မှန်းနိုင်သည်။

ပြီးတော့ရှောင်ကျန့်အနေနဲ့ရှော့ခ် ရစရာကိစ္စတစ်ရပ်ကိုလည်းသိရှိလိုက်ရသည်။

အမှန်တော့ဟေးလစ်ခ်၏သွေးဆင့်ကဲပြောင်းလဲခြင်းမှာ၁၅နှစ်မျှကြာမြင့်ခဲ့သည်။

၁၅နှစ်!!!!

ဆိုလိုတာကဟေးလစ်ခ်၏သွေးဆင့်ကဲပြောင်းလဲခြင်းမှာလွန်ခဲ့တဲ့တစ်နှစ်လောက်ကမှပြီးမြောက်ခဲ့တာဖြစ်သည်။