system 091

(1.5)

Unicode

နောက်ဆုံးတွင် လေလံပွဲကျင်းပမည့် အချိန်ကိုရောက်ရှိလာသည်။ လေလံစင်မြင့်ထက်သို့အလွန်တရာလှပပြီး ဆွဲဆောင်အားပြင်းထန်သည့်မိန်းမပျိုလေးတစ်ဦးတတ်ရောက်လာ၏။

"ကြွရောက်လာကြသော ဂုဏ်သရေရှိလူကြီးမင်းများရှင့်.... မဟူရာလေလံအိမ်တော်ရဲ့(၅၂၄)ကြိမ်မြောက် လေလံပွဲကိုတတ်ရောက်လာကြတဲ့အပေါ် လွန်စွာဂုဏ်ယူမိပါတယ်....ကဲ....အခုလေလံပွဲကိုစကြရအောင်...."

မိန်းမပျိုလေးဟာ စကားကိုတိုတိုနှင့်လိုရင်းကိုသာပြောပြီး လေလံပွဲကိုစတင်ခဲ့လေသည်။ ထိုအခါလေလံစင်မြင့်ထက်သို့ ချောမောတဲ့ ယောက်ျားပျိုနှစ်ဦးဟာ ခုံတစ်ခုကိုသယ်ဆောင်လာပြီး ချထားခဲ့ပြီးနောက် ပြန်ထွက်သွားခဲ့သည်။

"ပထမဆုံးလေလံတင်မယ့်ပစ္စည်းကတော့ မှော်ဆေးလုံးတစ်ချို့ပဲဖြစ်ပါတယ်ရှင်....အားလုံးပဲ ကြားဖူးကြမယ်လို့ထင်ပါတယ်....ရှင်သန်ခြင်းဆေးလုံးက သေခါနီးလူတစ်ယောက် အသုံးပြုခဲ့ရင်ဒဏ်ရာဒဏ်ချက်အားလုံးကို အကောင်းတိုင်းပြန်ဖြစ်စေနိုင်ပြီး ခြေပြတ်လက်ပြတ်နေတဲ့လူတွေကိုတောင်ခြေလက်အသစ်တွေ ပြန်ထွက်စေနို​င်တယ်ဆိုတာလေ...."

စီစဉ်တင်ဆက်သူမိန်းမပျိုလေး၏ စကားက စင်အောက်ရှိကျင့်ကြံသူတွေကို လှုပ်လှုပ်ရှားရှားဖြစ်သွားစေပြီး သီးသန့်ခန်းတစ်ချို့တောင်စိတ်ဝင်စားလာကြသည်။

"လူကြီးမင်းတို့ထင်မှတ်ထားတဲ့အတိုင်းပါပဲ.....ပထမဆုံး လေလံတင်မယ့်မှော်ဆေးလုံးက ရှင်သန်ခြင်းဆေးလုံးပဲဖြစ်ပါတယ်....ဆေးလုံးသုံးလုံးပါရှိပြီး ပျမ်းမျှကြမ်းခင်းဈေးကတော့အလယ်အလတ်အဆင့်ဝိဉာဉ်ကျောက်တုံး သိန်းသုံးဆယ်ပါ....ဈေးစပေးလို့ရပါပြီ...."

"အလတ်အလတ်အဆင့်ဝိဉာဉ်ကျောက်တုံးသိန်းသုံးဆယ်...."

"သုံးဆယ့်သုံးသိန်း...."

"သိန်းလေးဆယ်...."

"လေးဆယ့်တစ်သိန်း...."

"လေးဆယ့်နှစ်သိန်း....."

"သိန်းငါးဆယ်ကွာ....."

မိန်းမပျိုလေးရဲ့ပြောကြားချက်အဆုံးမှာ အလုအယက် ဈေးပေးသံများ ပေါ်ပေါက်လာခဲ့သည်။ ပြောရရင်ရှင်သန်ခြင်းဆေးလုံးက အစွမ်းထက်သည်မှာ မှန်သော်လည်းပဲ ဘေးထွက်ဆိုးကျိုးကြီးကြီးမားမားတော့ရှိနေသည်။ ၎င်းက အသုံးပြုသူမှာသာမန်လူဖြစ်နေရင် ပေါက်ကွဲသေဆုံးနိုင်ပြီး ကျင့်ကြံသူအသုံးပြုခဲ့ရင် အမှန်တကယ်ပြန်လည်ရှင်သန်နိုင်ပေမယ့်လည်း သေလောက်တဲ့နာကျင်မှုနဲ့အတူ ကျင့်ကြံဆင့်တွေ အကုန်ဆုံးရှုံးရပေလိမ့်မည်။