Unicode
ဇိုင်းခန့်မှန်းမိသွားသည့်အကြောင်းအရင်းမှာလည်းမကောင်းဆိုးဝါးနေထိုင်ရာပတ်ဝန်းကျင်၌ပိုမိုနီးကပ်လာတာနဲ့အမျှများပြားလာသောမကောင်းဆိုးဝါးအငွေ့အသက်တွေကြောင့်ဖြစ်သည်။
ဇိုင်းအတွက်၎င်းကိုမြင်ရုံနှင့်တင်အခြေအနေတွေကိုခန့်မှန်းနိုင်ဖို့ရန်ခက်ခဲခြင်းမရှိပေ။
"အရမ်းကောင်းတယ်.....မင်းသိတာအရမ်းများနေရင်သေမှာမကြောက်ဘူးလား"
မကောင်းဆိုးဝါးကသူ့ရဲ့သွေးနီရောင်မျက်လုံးအိမ်ကြီးဖြင့်ရှောင်ကျန့်ကိုကြောက်မက်ဖွယ်ကောင်းစွာစိုက်ကြည့်ရင်းပြောသည်။
ရှောင်ကျန့်ကမည်သည့်အမူအရာမှမပြပေမယ့်ဇိုင်းရဲ့ချောမောတဲ့မျက်နှာမှာလွန်စွာတင်းမာသွားသည်။
သူ့အသည်းလေးကိုသူ့အရှေ့မှာဒီလိုပြောရဲတာနည်းတဲ့သတ္တိတော့မဟုတ်ဘူး......
မကောင်းဆိုးဝါးကသူမည်သည့်အရာအားသွားဆွမိလိုက်မှန်းမသိခဲ့ချေ။
ချက်ချင်းပင်မူလကလင်းထင်းနေသောဆေးရုံခန်းအတွင်း၌အလင်းပြောက်လေးတစ်ခုတောင်ရှာမတွေ့နိုင်လောက်သည်အထိမှောင်မဲသွားသည်။
ပွင့်ဟနေသောပြတင်းပေါက်တွေနဲ့တံခါးမှာအရှိန်ပြင်းစွာဝုန်းကနဲစောင့်ပိတ်သွားသည်။
ချင်းထန်၏မိခင်ဖြစ်သူမှာကြုံခဲ့ရသည့်အဖြစ်အပျက်တွေကြောင့်ကြောင်အမ်းအမ်းဖြစ်နေသည်။
မည်းနက်နေသည့်အမှောင်ထုထဲ၌အရာအားလုံးကိုပိုင်စိုးနိုင်သည့်မကောင်းဆိုးဝါးဝိဥာဥ်မှာဦးစွာဖြင့်စိတ်နဲ့ကိုယ်နဲ့မကပ်ဖြစ်နေသည့်အမျိုးသမီးကြီးအားစတင်တိုက်ခိုက်လာသည်။
သူ့ရဲ့လျို့ဝှက်ချက်တွေပေါ်ကုန်မှတော့သိုသိုသိပ်သိပ်လှုပ်ရှားနေစရာမလိုတော့ပေ။
သို့ပေမယ့်ချင်းထန်မိခင်၏ဝမ်းဗိုက်ထဲသို့မကောင်းဆိုးဝါးရဲ့လက်သည်းဖောက်ထွက်သွားတော့မည့်အချိန်၌သွယ်လျကြီးမားသည့်လက်ကြီးတစ်ဖက်ဟာမကောင်းဆိုးဝါးရဲ့လက်ကောက်ဝတ်ကိုလာရောက်ဆုပ်ကိုင်၍တားဆီးလာ၏။
YOU ARE READING
system 091
Romancewang yibo 💞 xiao zhan [ကျေးဇူးပြုပြီးအုန်းသီးကိုလေးစားပါ] ^^^^^^^^^^^ ^^^^ [ေက်းဇူးျပဳၿပီးအုန္းသီးကိုေလးစားပါ]
