system 091

(7.7)

Unicode

ရှောင်ကျန့်ဟာ တိုက်တိုက်ဆိုင်ဆိုင်တွေ့ခဲ့ရသည့် အမျိုးသားဇာတ်လိုက် ဖင်းဂူဖေးကိုသူ့စိတ်ထဲကထုတ်လိုက်ပြီး အုန်းသီးလမ်းညွှန်တဲ့အတိုင်း ဇာတ်လိုက်မရှိရာဆီဦးတည်သည်။အနောက်မှာကျန်ရစ်ခဲ့သည့် ဖင်းဂူဖေးဟာ သူ့မေးစေ့ကိုစိတ်ဝင်တစားပွတ်သပ်လိုက်ရင်း ရှောင်ကျန့်နောက်ခိုးကြောင်ခိုးဝှက်လိုက်လာသည်။

[host....အမျိုးသားဇာတ်လိုက်က hostနောက်လိုက်လာတယ်]

'ငါသိတယ်'

ရှောင်ကျန့်ကသူ့မျက်ဝန်းတွေကိုအနည်းငယ်မျှမှေးကျဥ်းလိုက်သော်လည်း သတိမထားမိသလိုမျိုး ရှေ့ဆက်သွားနေလိုက်သည်။

'အုန်းသီး....ဖင်းဂူဖေးကဘာကြောင့်ကွမ်ကျိုးကိုရောက်နေတာလဲ မင်းသိလား'

[အမ်း....သိပြီhost....သူကနောက်ထပ်အမျိုးသားဇာတ်လိုက်တစ်ယောက်ဖြစ်တဲ့ ဝမ်နဥ်းနဲ့အတူ တိုင်းပြည်တစ်ခုကိုသံတမန်ရေးရာကိစ္စရပ်တွေအတွက် သက်တော်စောင့်အနေနဲ့လိုက်ပါသွားတာပါ....အခုတာဝန်ပြီးမြောက်သွားတော့ မြို့တော်ဆီပြန်လာရင်းကွမ်ကျိုးက ဖြတ်သွားဖြတ်လာသဘောမျိုးပါပဲhost]

ဝမ်နဥ်း?

ရှောင်ကျန့် အံတင်းတင်းတစ်ချက်ကြိတ်လိုက်သည်။အမျိုးသားဇာတ်လိုက်တွေထဲတွင်ရှောင်ကျန့်ကြည့်မရဆုံးတစ်ယောက်ကိုရည်ညွှန်းရရင် ထိုဝမ်နဥ်းဆိုသည့်တစ်ယောက်ပင်ဖြစ်သည်။ထိုသူက ဝမ်ဧကရာဇ်နှင့်အမေတစ်ယောက်တည်းကမွေးဖွားကြီးပြင်းလာခဲ့သည့်ညီအရင်းခေါက်ခေါက်ဖြစ်သည်။

မူလဝမ်ဧကရာဇ်က သူ့ညီကိုအရမ်းသံယောဇဥ်ရှိသည်။ဒါကြောင့်လည်း သူသတ်ဖြတ်ခဲ့သည့်ဖအေတူမအေကွဲမောင်နှမတွေထဲတွင် ဝမ်နဥ်းတစ်ယောက်တည်းကိုသာ အသက်ရှင်ခွင့်ပေးခဲ့သည့်အပြင် ငြိမ်းချမ်းရေးသံတမန်တစ်ဦးအဖြစ် 'ပင်းဝမ်'ဘွဲ့ကိုပေးအပ်ထားခဲ့သည်။သို့ပေမယ့်လည်း ဇာတ်လိုက်မနှင့်တွေ့ဆုံသွားသည့်အခါတွင် ထိုဝမ်နဥ်းဆိုသည့်ငနွားမှာ မစိတ်မွှန်လျက် ပြောသမျှစုံလုံးကန်းယုံရင်း ကိုယ့်အကိုရင်းကိုလုပ်ကြံသတ်ဖြတ်ဖို့ရန်ထိပ်ဆုံးကဦးဆောင်ခဲ့၏။