Unicode
Omega တွေကထိခိုက်လွယ်ပြီး Alpha၊ Beta တွေကဲ့သို့ကြမ်းတမ်းသည့်အလုပ်ကို အမှန်တကယ်လုပ်ကိုင်နိုင်သူရှားပါးသည်။ မူလ ရှဲ့ယန်က အသက် ၁၇နှစ်သာရှိသေးပြီး အထက်တန်းဒုတိယနှစ်ကျောင်းသားတစ်ဦးသာဖြစ်သည်။ မူလကိုယ်မှာ Omega တစ်ဦးဖြစ်တာကြောင့် Omega အများစုနည်းတူအချက်အပြုတ်အတန်းကိုစာရင်းသွင်းထား၏။
"ရှဲ့ယန်....ဘာတွေကြောင်နေတာလဲ"
ရှောင်ကျန့်ဘေးက ခပ်ချောချောကောင်လေးတစ်ယောက်က သူ့ပုခုံးကိုပုတ်ရင်းပြောသည်။ ရှောင်ကျန့်ထိုလူငယ်ကိုအကဲခတ်လိုက်သည်။ သူ့နာမည်က ဟယ်စုန့်နန် လို့ခေါ်ပြီး မူလရှဲ့ယန်၏တစ်ဦးတည်းသောသူငယ်ချင်းကောင်းတစ်ယောက်ဖြစ်သည်။ အကယ်၍ ဟယ်စုန့်နန်သာ မတော်တဆမှုတစ်ခုကြောင့်စောစီးစွာသေဆုံးသွား၍မဟုတ်ပါက ရှဲ့ယန်ခံစားခဲ့ရသည့်အခြေအနေဆိုးမှ မဖြစ်မနေဆွဲထုတ်ကူညီပေလိမ့်မည်။
ဟယ်စုန့်နန်က Beta တစ်ဦးဖြစ်ပေမယ့် ငယ်ရွယ်တတ်ကြွသည့် လူငယ်တစ်ဦးအဖြစ်သတ်မှတ်နိုင်သည်။ သူက မူလရှဲ့ယန်ကိုတအားတွယ်တာပြီး အချက်အပြုတ် classကိုတောင် တုံ့ဆိုင်းခြင်းမရှိပဲ ရှဲ့ယန်နဲ့အတူ စာရင်းပေးခဲ့လေသည်။
ရှောင်ကျန့်က ဟယ်စုန့်နန်ကိုပြုံးရုံပြုံးပြလိုက်ပြီး ခေါင်းခါပြလိုက်သည်။ ဟယ်စုန့်နန် က ရှောင်ကျန့်ကိုကြည့်ပြီး အနည်းငယ်ကြောင်သွားဟန်ပေါ်၏။ သူက ရူးကြောင်ကြောင်အပြုံးမျိုးဖြင့်အနားကပ်ရင်းတီးတိုးပြောသည်။
"အရင်တုန်းက မင်းပြုံးရင်ဒီလောက်လှမှန်းမသိခဲ့ဘူး"
ရှောင်ကျန့် : "....."
ရှောင်ကျန့်ဘာပြောရမှန်းမသိဖြစ်သွားသည်။ ထိုအချိန်တွင် မီးဖိုရှေ့တွင်ရပ်နေသည့်နည်းပြဆရာမ ထံမှ အသံထွက်လာသည်။
"ဆရာမ ချက်ပြခဲ့တဲ့လုပ်ပုံလုပ်နည်းအဆင့်ဆင့်ကို သေသေချာချာကြည့်ထားကြတယ်မဟုတ်လား....ကဲ....အခုမင်းတို့အလှည့်ပဲ"
အခန်းထဲက Omega၊ Beta ကျောင်းသား၊ကျောင်းသူတွေဟာ ချက်ချင်းအလုပ်များကုန်ကြသည်။ ဟင်းတစ်ပွဲချက်ရာ၌ နှစ်ယောက်တစ်ဖွဲ့လုပ်ကိုင်ရတာကြောင့် ရှောင်ကျန့်နဲ့ ဟယ်စုန့်နန်က တစ်ဖွဲ့တည်းသွားကျသည်။ ဟယ်စုန့်နန်က အနည်းငယ်စိတ်လှုပ်ရှားနေပုံဖြင့် ရှောင်ကျန့်ကိုပြောသည်။
ESTÁS LEYENDO
system 091
Romancewang yibo 💞 xiao zhan [ကျေးဇူးပြုပြီးအုန်းသီးကိုလေးစားပါ] ^^^^^^^^^^^ ^^^^ [ေက်းဇူးျပဳၿပီးအုန္းသီးကိုေလးစားပါ]
