Unicode
ဝေထန်စီကခြောက်ကပ်နေသည့်အသံဖြင့်စတင်ဆိုလာ၏။
"မင်းကျောင်းမလာတဲ့နေ့ကငါတို့တွေတကယ်ဒုက္ခရောက်သွားကြတာ"
အက်ဒမ်၏မျက်တွင်းအောက်ခြေတွက်နက်ရှိုင်းသည့်အနက်ရောင်တွင်းနက်ကြီးနှစ်ခုမှာထင်ထင်ရှားရှားတည်ရှိနေသည်။
သူ့ရဲ့ချောမောတဲ့မျက်နှာလေးတောင်ဖုံးကွယ်သွားလုမတတ်ပင်ဖြစ်သည်။
"ကျွန်တော့်ကိုသေသေချာချာလေးအသေးစိတ်ရှင်းပြပေးကြပါလား"
လူတိုင်းဟာတစ်ယောက်မျက်နှာတ်ယောက်ကြည့်ပြီး'နင်ပြော'၊'ငါပြော'ဖြစ်နေချိန်၌ကော်ဖီဆိုင်တံခါးလေးမှာတစ်စုံတစ်ယောက်ရဲ့တွန်းဖွင့်ခြင်းကိုခံလိုက်ရသည်။
"အားးးးးးး"
"ချောလိုက်တာ....ချောလိုက်တာ"
မိန်းကလေးတစ်စုရဲ့ခပ်အုပ်အုပ်အော်သံတွေကြောင့်ရှောင်ကျန့်အပါအဝင်လူတိုင်း၏အကြည့်မှာတံခါးဝသို့ကျရောက်သွားကြသည်။
ထိုနေရာတွင်အရပ်မြင့်မြင့်ဖြင့်လူတစ်ယောက်ဟာဖြောင့်မတ်စွာမတ်တပ်ရပ်လျက်သားဖြင့်ဆိုင်အတွင်းဝေ့ဝဲကြည့်နေသည်။ထိုသူတွင်တောက်ပတဲ့ဇာမဏီကဲ့သို့အစိမ်းရောင်မျက်လုံးတစ်စုံရှိပြီးနတ်ဘုရားကဲ့သို့အနှိုင်းအဆမဲ့စွာချောမောလွန်းလှသည်။ထူးခြားသည့်အရှိန်အဝါနှင့်အတူလှပလွန်းသည့်ထိုသူကြောင့်ပိုင်မင်တို့အုပ်စုတစ်ခုလုံးပြောစရာစကားတွေအားလုံးကိုပါမေ့လျော့ကုန်သည်။
ညာဘက်လက်တွင်ချောကလက်ရေခဲမုန့်တစ်ခွက်ကိုင်လျက်သားဖြင့်ထိုကိုလူချောဟာအလွန်အေးတိအေးစက်နိုင်လှသည်။ထိုသူ၏အကြည့်မှာရှောင်ကျန့်တို့ဝိုင်းသို့ကျရောက်သွားသည်နှင့်ချက်ချင်းနူးညံ့လာကြောင်းလူတိုင်းအသေအချာတွေ့လိုက်ရသည်။
"သူလာနေပြီ....သူလာနေပြီ"
ချင်ဖေးဖေးမှာစိတ်လှုပ်ရှားလွန်းလို့သူ့ဘေးနားရှိပိုင်မင်အားဆွဲလှုပ်နေမိသည်။
အားလုံးရဲ့စိတ်ဝင်တစားအကြည့်အောက်မှာတင်ထိုလူချောလေးကရှောင်ကျန့်အနားခြေလှမ်းကျဲကြီးတွေနဲ့လျှောက်လာပြီးနောက်ကျောဘက်ကနေပွေ့ဖက်လိုက်သည်။
YOU ARE READING
system 091
Romancewang yibo 💞 xiao zhan [ကျေးဇူးပြုပြီးအုန်းသီးကိုလေးစားပါ] ^^^^^^^^^^^ ^^^^ [ေက်းဇူးျပဳၿပီးအုန္းသီးကိုေလးစားပါ]