Unicode
အိုး....ကျင့်ကြံသူတွေလည်းဘအတင်းတုတ်တတ်တာပဲလား။ အနည်းဆုံးတော့သူတို့ရှေ့မှာရှိနေတဲ့လူကိုသတိထားအုံးလေ။
ရှောင်ကျန့်သည် သူ့ရင်ထဲရှိကျင့်ကြံသူတွေရဲ့ကြီးမြတ်ခန့်ညားတဲ့ပုံရိပ်မှာ အစိတ်စိတ်အမွှာမွှာကွဲကြေသွားသလိုခံစားလိုက်ရသည်။နောက်ဆုံးမှာတော့ ကျင့်ကြံသူတွေဆိုတာလည်း လူသားတွေမဟုတ်ပါလား။ သူတို့လည်းအတင်းတုပ်ချင်စိတ်ရှိကြသည်။
ဇာတ်လိုက်လီဟူရီသည် ချောင်းအနည်းငယ်ဟမ့်လိုက်ရင်း ဆူညံ့နေသောလူအုပ်ကြီးကို သူ့ဆီအာရုံစိုက်စေလိုက်သည်။
"ကျွန်တော်အရင်ဆုံး ကျင့်ကြံသူရောင်းရင်းတို့ ကြားထားတဲ့သတင်းက အမှန်ဆိုတာကို လာအတည်ပြုပေးတာပါ....ကြားခဲ့ကြတဲ့အတိုင်းပါပဲ.....တကယ်လို့နတ်သားရဲဥကို ပေးအပ်နိုင်ခဲ့ရင် ဆရာသခင်ရဲ့တပည့်ဖြစ်နိုင်မယ့်အပြင် နောက်ထပ် ကိုယ်ရင်းနှီးတဲ့လူနှစ်ယောက်ကိုပါအတွင်းစည်းတပည့်အဖြစ်တိုက်ရိုက်ထည့်သွင်းပေးပါ့မယ်"
လီဟူရီရဲ့စကားကြောင့် ဘေးပတ်ပတ်လည်ရှိကျင့်ကြံသူတွေဆီမှ အံ့အားသင့်တကြီးအသံတွေထွက်ပေါ်လာသည်။ အတော်များများက ဝမ်းသာသွားကြ၏။ ကိုယ့်ကိုယ်ကိုယုံကြည်မှုမရှိသည့်လူအများစုဟာ နတ်သားရဲဥကိုရတဲ့သူက သူတို့ကိုယ်တိုင်မဟုတ်ရင် သူတို့နဲ့ရင်းနှီးကျွမ်းဝင်တဲ့မိတ်ဆွေတစ်ယောက်ဖြစ်ပါစေလို့ ကြိတ်ဆုတောင်းနေကြသည်။
"ဟုတ်ပြီ.....ကျင့်ကြံသူရောင်းရင်းတို့အနေနဲ့ တောထဲဝင်တဲ့အခါ သတိကြီးကြီးထားဖို့ ကျုပ်သတိပေးလိုက်ပါရစေ"
ဇာတ်လိုက်လီဟူရီ၏ ဖော်ရွေသည့်စကားအဆုံး၌ကျင့်ကြံသူအုပ်စုလိုက်ကြီး တောအုပ်ထဲသို့တစ်ဟုန်ထိုးပြေးဝင်သွားကြသည်။ ရှောင်ကျန့် အနည်းငယ်မှင်သက်နေ၏။ အနောက်ဘက်လှည့်ကြည့်ရင်း ဝမ်ရိပေါ်ကိုလှည့်မေးလိုက်မိသည်။
"သူပြောတာ တကယ်ကြီးဒီလောက်ပဲလား"
"ဟမ်"
"ဒီစကားလေးပြောတာကိုကြားရဖို့အတွက်နဲ့ အကုန်လုံးက ဒီမှာအချိန်ကုန်ခံပြီး မတ်တပ်ရပ်စောင့်နေကြတာပေါ့လေ"
ВИ ЧИТАЄТЕ
system 091
Романтикаwang yibo 💞 xiao zhan [ကျေးဇူးပြုပြီးအုန်းသီးကိုလေးစားပါ] ^^^^^^^^^^^ ^^^^ [ေက်းဇူးျပဳၿပီးအုန္းသီးကိုေလးစားပါ]
