ဗျူဟာခင်းတဲ့ အမကြီးဇွန်ဘီ (Myanmar Translation)

43

၃၄။ နေရာလွတ်စွမ်းအားရှင်

လင်းချင်းသည် အမြန်ဝင်လာကာ ဟွမ်ရှောင်းအား လက်စသတ်လိုက်ပြီးနောက် သူတို့နှစ်ယောက်ကို သူမ၏နယ်မြေထဲသို့ ခေါ်လာခြင်း ဖြစ်သည်။ အဘယ်ကြောင့်ဆိုသော် အဆင့်ငါးဇွန်ဘီခေါင်းဆောင်၏ ရင်းနှီးနေသည့်ခံစားချက်ကို ရလိုက်သောကြောင့်ပင်။

ထိုဇွန်ဘီခေါင်းဆောင်သည် သူမတို့ခုနက တွေ့ခဲ့သည့် အကောင်ဖြစ်သည်။ ထိုဇွန်ဘီခေါင်းဆောင်သည် ဒီနေရာတွင် လင်းချင်း၏အနံ့ကို ရလိုက်သဖြင့် လိုက်လာခြင်း ဖြစ်မည်။ အဆင့်ငါးဇွန်ဘီသည် လင်းချင်းထက် အနံ့ခံအာရုံပိုမိုထက်မြက်သဖြင့် သူမနယ်မြေထဲက ထွက်လိုက်သည်နှင့် အနံ့ရတာ ဖြစ်နိုင်သည်။

မြေပြင်ပေါ်တွင် လဲနေသည့် နေရာလွတ်စွမ်းအားရှင်ကိုကြည့်ရင်း လင်းချင်းသည် အခုဘာဖြစ်သွားသလဲကို တွေးနေသည်။

'ဘာဖြစ်လို့ ဒီလူရဲ့ နယ်မြေထဲကို မြင်နိုင်နေရတာလဲ? ဒါကငါရဲ့နောက်စွမ်းရည်များလား?'

ရုတ်တရပ် သူမသည် ဇွန်ဘီဖြစ်လာတည်းက သူမတွင် အရင်ကမရှိခဲ့သည့် စွမ်းအင်များ သိလိုက်ရသည်။ စိတ်ချင်းဆက်သွယ်ခြင်း၊ နေရာလွတ်၊ နယ်မြေထဲမှ ကိုယ်ပျောက်ခြင်း. . .ထို့အပြင် သူမ၏ကိုယ်သည်လည်း အရင်ကထက် ပိုပြီးတော့ သန်မာလာပြီဖြစ်သည်။ အခုတော့ သူမသည် အခြားသူများ၏ နယ်မြေထဲကိုပါ အာရုံခံနိုင်သည့် အစွမ်းတိုးတက်လာပြီ။ သို့သော်လည်း ဒီစွမ်းအင်များကို သူမလေ့ကျင့်ထားတာ မဟုတ်သလို အရမ်းတွင်တွင်ကျယ်ကျယ်လည်း သုံးလို့မရသေးပေ။

သူမ၏နယ်မြေသည် အလွန်ဆန်းကျယ်သည်။ သူမသည် လူများကို ခေါ်လာလို့ရသလို ကန်ရေသည်လည်း အကျိုးများစွာရှိပုံပေါ်သည်။ ထို့အပြင် သူမသေချာမသိသေးသော်လည်း သူမ၏နယ်မြေကို အခြားသူများကလည်း အသုံးပြုခဲ့ပုံရသည်။

စိတ်ချင်းဆက်သွယ်မှုတွင် သူမထက် အဆင့်နိမ့်သည့်ဇွန်ဘီများ၏ အတွေးများကို သူမချက်ချင်းဖတ်နိုင်သော်လည်း သူမထက် အဆင့်မြင့်ဇွန်ဘီများကို ဒီလိုလုပ်ရန် ခက်ခဲသည်။ လူသားများတွင်လည်း ဒီလိုပင်ဖြစ်ရာ သူမသည် သေချာသိရရန် သူတို့အနားသို့သွားဖို့ လိုအပ်ပုံရသည်။