ဗျူဟာခင်းတဲ့ အမကြီးဇွန်ဘီ (Myanmar Translation)

157

၁၅၇။ ချင်းမရှိဘဲ

ဟိုတယ်ကိုသွားသည့်လမ်းတွင် လင်းချင်းနှင့် ချူးလီလီသည် ရုတ်တရက် ရပ်သွားကြသည်။ သူတို့ရပ်သွားသည့်အခါ ကျွင်းကျွင်းသည် နားမလည်နိုင် ဖြစ်သွားသည်။

လင်းချင်းသည် နေကာမျက်မှန်ကို ချွတ်လိုက်သည့်အခါ မျက်လုံးများက တောက်ပစွာ ထွက်လာသည်။ သူမသည် ထွက်သွားဖို့လုပ်နေသည့် ချူးလီလီ၏လက်ကိုဆွဲလိုက်ကာ ကျွင်းကျွင်းကို သူမဘက်သို့ တွန်းပို့လိုက်သည်။

"ငါ. . .သွား. . .နင်. . .သူနဲ့"
သူမသည် စကားအနည်းငယ်ပြောသည်။

ချူးလီလီသည် ရုတ်တရက်ပေါ်လာသည့် အဆင့်မြင့်ဇွန်ဘီနှင့် လင်းချင်းနေကြောင်းကို သိကာ သူမကိုတော့ ကျွင်းကျွင်းနှင့် တုံတုံကို ကာကွယ်ပေးစေချင်ကြောင်းကို နားလည်ပေ။ ချူးလီလီနှင့် လင်းချင်းတို့ ရပ်လိုက်ခြင်းသည် လင်းဖန်တို့ရှိရာ အဆောက်အဦးဘက်သို့ အဆင့်မြင့်ဇွန်ဘီတစ်ကောင်က လာနေကြောင်းကို သိလိုက်သောကြောင့် ဖြစ်သည်။ ချူးလီလီသည် ထိုဇွန်ဘီနှင့် ကစားဖို့ကို စိတ်ဝင်စားသောကြောင့် သွားချင်သည်။ ပြီးတော့လည်း အမြူတေကို ထုတ်ယူဖို့က ကောင်းလေသည်။

သို့သော်လည်း လင်းချင်းက သူမကိုတားကာ နေခိုင်းသည်။ ထို့ကြောင့် သူမက သိပ်မပျော်သော်လည်း ကျွင်းကျွင်းနှင့် တုံတုံတို့ကို ကာကွယ်ပေးထားဖြစ်လေရာ ရွေးစရာ မရှိတော့ပေ။ ချူးလီလီသည် အင်အားကြီးသော်လည်း လင်းချင်းကို နာခံသည်။ သူမသည် လင်းချင်းပြောသမျှ လုပ်ပေးမည့် သူမျိုး ဖြစ်သည်။ ထို့အပြင် သူမသည် တကယ်လည်း အဆင့်၄ သို့မဟုတ် အဆင့်၅ ဇွန်ဘီအမြူတေကို အရမ်းကြီးစိတ်ဝင်စားတာလည်း မဟုတ်သောကြောင့်ပင်။

လင်းချင်းသည် သူတို့ကို စောင့်မနေစေဘဲ ဟိုတကယ်ဘက်ကို လက်ညိုးထိုးကာ

"နင်. . .သွား. . .ဟို"
ဒီလိုပြောပြီးသည့်နောက် လင်းချင်းသည် ကိုယ်ဖျောက်လိုက်သည်။

တစ်ဖက်တွင်တော့ ဟိုတယ်တွင် တစ်ညအိပ်ပြီးသည့် လူတစ်စုသည် လင်းချင်းနှင့် တခြားဇွန်ဘီများ ရောက်လာသည်ကို မတွေ့ရသေးပေ။ သူတို့ရောက်သည်နှင့် အခန်းများကိုရွေးချယ်ပြီးနောက် ကြမ်းပြင်က ဇွန်ဘီများကို ရှင်းလင်းကာ ယွမ်ထန်ရှင်းအား ဖုန်ထူနေသည့် အိပ်ရာပေါ်သို့ တင်လိုက်သည်။ လင်းဝမ်ဝမ်နှင့် အခြားမိန်းကလေးအချို့ကတော့ အခန်းတစ်ခုတွင်နေသည်။ လင်းဟောင်နှင့် တူယွမ်ရှင်းတို့သည် အခြားသူများကို ဦးဆောင်ကာ ဟိုတယ်တွင် သိုလှောင်ခန်းလိုက်ရှာသည်။