Unicode
အပိုင်း၄၉၂- မြို့အရှင်အိမ်တော်တွင်
ဖောက်ထွင်းခံရခြင်း
ကျန်းလျှို့၏သရုပ်သကန်က ထူးခြားသည်
ဖြစ်ရာ သူ့ကိုမြို့အရှင်အိမ်တော်သို့
တိုက်ရိုက်ခေါ် သွားလိုက်ကြသည်။
မြို့အရှင်က သူ့ဒဏ်ရာများကိုစမ်းသပ်ကြည့်ရှုဖို့
သမားတော်မခေါ် ခဲ့ဘဲ သူ့အိမ်တော်မှ
အစွမ်းထက်ဆုံးမှော်ဆရာကို ခေါ် ခဲ့သည်။
ပြင်းထန်လှသောနာကျင်မှုကြောင့်
ကျန်းလျှို့မှာ အသံတစ်သံပင်မထွက်နိုင်တော့ချေ၊
သူ့ဒဏ်ရာကို မြင်လိုက်ရသူအားလုံးမှာ
သတိကပ်လိုက်ရကြ၏။ ၎င်းမှာ ဝမ်းနည်းစရာပင်၊
မျက်နှာတစ်ခုလုံးသွေးများရွှဲနေကာ
သူမျက်လုံးနှစ်လုံးက အနက်ရောင်တွင်းကြီး
နှစ်ခုဖြစ်သွားပြီး လူတိုင်းကိုကျောရိုး
တစ်လျှောက်စိမ့်တက်သွားစေသည်။
"ကော်-လောင် ၊ ဒဏ်ရာကဘယ်လိုနေလဲ ၊
သူ့ကိုကုသပေးနိုင်လား"
ကျန်းလျှို့မျက်လုံးကို စမ်းကြည့်ပေးနေတဲ့
စီနီယာက အခန်းထဲမှထွက်လာပြီး
ဧည့်ခန်းကိုရောက်ရောက်ချင်းမှာပဲ
ရှင်းလော့မြို့အရှင်က ထမေးလိုက်သည်။
သူ့နောက်တွင် ထန်ဟယ့်နှင့်ထန်ကျုံးဟွာတို့
ရှိနေ၏။
ထန်ကျုံးဟွာသည်လည်း ဒဏ်ရာပြင်းပြင်းထန်ထန်
ရခဲ့သည်၊ သူ့လက်ရှိအရိုးများမှာ
ကွဲကြေသွားလုပင် ၊ သို့သော်ငြား
ကျန်းလျှို့နှင့်ယှဉ်လျှင်တော့ သူ့ဒဏ်ရာက
ပိုသက်သာသေးသည်။ ဖြစ်ကောင်းဖြစ်နိုင်တာက
သူ့စိတ်ထဲမှာ လက်ပဲဖြစ်သွားလို့စိတ်သက်သာရာ
ရစွာ သက်ပြင်းချနေနိုင်သည်။
ကော်-လောင် ခေါင်းယမ်းလိုက်တယ်၊
"သခင်လေးကျန်းရဲ့အခြေအနေနဲ့ပတ်သက်ပြီး
ဒီအဖိုးကြီးလည်း ဘာမှမလုပ်ပေးနိုင်ပါဘူး၊
အရမ်းပြင်းထန်လွန်းတယ်။ ဒါတင်မဟုတ်သေးဘူး၊
သူ့ကိုရှို့ခဲ့တဲ့မီးတောက်ကလည်း
သာမာန်ဟုတ်ပုံမရဘူး ၊ သူ့မျက်လုံးထဲက
သွေးကြောတွေအားလုံးနီးပါး
ပြောင်သလင်းခါသွားတယ်။ ခင်ဗျားဘယ်လောက်ထိ
ကောင်းတဲ့မှော်ဆေးလုံးရှာတွေ့ပါစေ ၊
မပျောက်ကင်းနိုင်ဖို့ ပိုများတယ်"
YOU ARE READING
The Legendary Master's Wife [မြန်မာဘာသာပြန်]
AdventureOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...
![The Legendary Master's Wife [မြန်မာဘာသာပြန်]](https://img.wattpad.com/cover/244421690-64-k987673.jpg)