The Legendary Master's Wife [မြန်မာဘာသာပြန်]
Table of contents

    YOU ARE READING

    The Legendary Master's Wife [မြန်မာဘာသာပြန်]

    Adventure

    Original Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...

    #comedy #cultivation #fantasy #lingxiao #translation #weaktostrong #yinya #youxiaomo

    Chapter-576

    6K 1.2K 34 
                                        
    
                                              
    //Unicode// 
    
                          
    (၅၇၆) မတော်တဆဖြင့်
    
                          
    သူ စကားတစ်ခွန်းတောင်မဟရသေးခင် 
    ကျန်လူနှစ်ယောက်က သူ့ဆီကို ဓားရှည်များဖြင့် 
    ပြေးတက်လာကြသည်။ အပြင်ဘက်မှ နေရောင်က
    သူတို့မျက်နှာပေါ် သို့ ကျရောက်လာသည့်အခါ
    ရက်စက်ကြမ်းကြုတ်သောမျက်နှာသွင်ပြင်များနှင့်
    အမာရွတ်များကို မြင်လိုက်ရသည်။
    
                          
    ယူရှောင်းမိုမှာ နှလုံးရပ်တော့မလိုပင်။ သူတို့
    အသက်ရှိနေကြောင်း သိ၍သာမဟုတ်လျှင်
    သရဲမြင်ရသည်ဟု ထင်မိလောက်ပေသည်။ 
    ထိုလူနှစ်ဦးက အတော်လေးသန်မာသော်လည်း
    ဒဏ်ရာရထားပုံရကာ လျှင်မြန်သယောင်ထင်ရသော
    လှုပ်ရှားမှုများက အနည်းငယ်လေးကန်နေသည်။
    
                          
    ယူရှောင်းမို သူတို့ကိုကိုင်တွယ်ဖို့ သိပ်မကြာပေ။
    
                          
    ထိုအချိန်တွင် လင်းရှောင်ကလျှောက်ဝင်လာသည်။
    
                          
    စိတ်ပျံ့လွင့်သွားမှုကြောင့် ယူရှောင်းမို၏လှုပ်ရှားမှုက
    ခေတ္တရပ်တန့်သွားပြီး ထိုအချိန်တွင် ထိုသူသုံးဦးက
    ရုတ်တရက်အသံထွက်လာသည်။ သူတို့အားလုံး
    ကိုယ့်ကိုယ်ကိုသတ်သေသွားကြပြီး သွေးနံ့က
    ယခင်ကထက်ပင် ပိုပြင်းလာတော့သည်။
    
                          
    "သူတို့သုံးယောက်ကိုမြင်ဖူးလား"
    
                          
    ယူရှောင်းမို အံ့အားသင့်စွာမေးလိုက်သည်။
    
                          
    သူတို့ ဤနေရာကို သတ်သေဖို့ရောက်နေခြင်းလား၊
    သို့တည်းမဟုတ် ယူရှောင်းမိုကို မနိုင်မှန်းသိ၍
    သတ်သေသွားကြခြင်းပေလား။ 
    
                          
    "ဘယ်သိမလဲ" လင်းရှောင်သည် 
    အလောင်းနှစ်လောင်းကို ပစ်ထုတ်ရင်း မနှစ်မြို့စွာ
    ပြန်ဖြေသည်။ ကြမ်းပေါ်ရှိသွေးကွက်တို့က
    ခြောက်တစ်ဝက်စိုတစ်ဝက်ဖြစ်နေပေရာ သူတို့
    ပုန်းအောင်းနေသည်မှာ အချိန်အတော်လေး
    ကြာပြီဖြစ်ကြောင်း ဖော်ပြနေသည်။ 
    
                          
    ယူရှောင်းမိုလည်း ကျန်သုံးယောက်မြောက်
    အလောင်းကိုပစ်ထုတ်လိုက်ရင်း၊
    "ဟေး... သူတို့က လူသတ်သမားလက်က
    ပုန်းနေတာများလား၊ ဒါပေမဲ့ ကျွန်တော်တို့ကို
    မြင်လိုက်ရတော့ နှိပ်စက်ခံရမှာစိုးပြီး သတ်သေ
    သွားတာများလား"
    The Legendary Master's Wife [မြန်မာဘာသာပြန်] Where stories live. Discover now