Unicode
အပိုင်း၄၀၉: တစ်ဦးနှင့်တစ်ဦးကြံစည်ခြင်း
သူကရုတ်တရက်ထွက်ပြေးသွားလိမ့်မည်ဟု
မည်သူကမျှထင်မထားခဲ့ချေ။ လူတိုင်းက
အချိန်မှီမတုံ့ပြန်နိုင်ခဲ့ကြပဲ သူကအပျက်အယွင်း
နယ်မြေမှ ထွက်ခွာသွားသည့်အချိန်မှသာလျှင်
သူတို့အာရုံပြန်ရတော့၏။ လူတိုင်းရဲ့အမြင်မှာတော့
သူ့အပြုအမူက ရင်မဆိုင်ရဲပုံပေါက်နေသည်။
ယူချင်ရှန်းစကားများကိုသံသယဝင်နေကြသည့်
လူများက စိတ်အားထက်သန်စွာ နောက်မှလိုက်သွား
ကြတော့သည်။
မှောင်မိုက်နေတဲ့ထောင့်တစ်နေရာမှာ ပုန်းနေခဲ့တဲ့
ရှဲ့ချုံးနဲ့ကျန်လေးယောက်က လင်းရှောင်ညွှန်ကြားခဲ့
သည့်အတိုင်း မြေအောက်နန်းတော်မှထွက်မသွားခဲ့
ကြချေ။ သူတို့ကတစ်ယောက်နဲ့တစ်ယောက်
အကြည့်ချင်းဖလှယ်လိုက်ပြီး လင်းရှောင်ကို
လိုက်ဖမ်းချင်နေတဲ့လူများကဲ့သို့ ဟန်ဆောင်ကာ
လူအုပ်ထဲသို့ ရောနှောလိုက်တော့သည်။
ငှက်ပေါက်လေးအပါအဝင် သူတို့ငါးယောက်လုံးက
ဧကရာဇ်အဆင့်နှင့်အထက်များ ဖြစ်ကြရာ
ရှာတွေ့ခံရမှာ ပူစရာမလိုပေ။
"အကြီးအကဲက ဘာလို့ထွက်သွားရတာလဲ?
ဟိုလူပြောလိုက်တဲ့ဟာကို မှန်ကြောင်းပြလိုက်သလို
ဖြစ်မသွားဘူးလား?" မောင်ချုံးက နားမလည်သော
အသံဖြင့်မေးလိုက်သည်။ သူမအမြင်မှာတော့
လှည့်ဖျားဖို့ခက်တဲ့လူလက်တစ်ဆုပ်စာလောက်က
လွဲလို့ ကျန်တဲ့သူတွေက ခိုင်မာတဲ့ရပ်တည်ချက်
မရှိကြချေ။ သတ္တုဒြပ်စင်အဆီအနှစ်နဲ့
သတ္တုစားသားရဲအကြောင်းကို တစ်ခြားတစ်ယောက်
ပေါ် အပြစ်လွှဲချလိုက်လျှင် ဤလူများ၏နှလုံးသား
က သေချာပေါက်ယိမ်းယိုင်သွားမည်ဖြစ်သည်။
"ငါလဲနားမလည်ဘူး။" အမူအရာကင်းမဲ့သောမျက်နှာ
နဲ့ ရှောင်ဟိန်က တော်ဝင်ဆန်သောလေသံနှင့်
ပြောလိုက်၏။
"Chirp?" ငှက်ပေါက်လေးက လန်ချုံးခေါင်းပေါ်မှ
ထွက်လာပြီး ဘယ်သူကမှသူ့ကိုအရေးမလုပ်သော်
လည်း နားမလည်သည့်အသံပြုလိုက်သည်၊
"နားမလည်စရာဘာရှိလို့လဲ? တစ်ခြားလူတွေ
သိသည်ဖြစ်စေ မသိသည်ဖြစ်စေ
အကြီးအကဲအတွက်တော့ ခြားနားချက်မရှိဘူး။
လန်ချုံး၊ မင်းရောဘယ်လိုထင်လဲ?"
ရှဲ့ချုံးက ရိုးရိုးရှင်းရှင်းပြောလိုက်သည်။
YOU ARE READING
The Legendary Master's Wife [မြန်မာဘာသာပြန်]
AdventureOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...
![The Legendary Master's Wife [မြန်မာဘာသာပြန်]](https://img.wattpad.com/cover/244421690-64-k987673.jpg)