The Legendary Master's Wife [မြန်မာဘာသာပြန်]

Chapter-450

Unicode
အပိုင်း၄၅၀- တစ်ကိုယ်တော်တိုက်ခိုက်ခြင်း

မျက်လုံးတစ်ဖက်အမာရွတ်၏ လူသိများသော
လက်နက်မှာ ဗျက်ကျယ်ဓားရှည်ဖြစ်သည်။
သူကယခင်က ဓားရှည်ကျင့်စဉ်များကိုသုတေသနပြု
ခြင်းကို အထူးပြုခဲ့သည်။ နောက်ပိုင်းတွင်
ဗျက်ကျယ်ဓားရှည်များအားပြန်လည်တိုက်ခိုက်ခြင်း
ကျင့်စဉ်များကို သင်ယူလေ့လာခဲ့သည်၊
သို့သော် ၎င်းကအလွန်ငြီးငွေ့ဖွယ်ကောင်းကာ
သူကလည်းစိတ်မရှည်တတ်သည့်လူတစ်ယောက်
ဖြစ်သည်မို့ အဆင့်များစွာကိုဖယ်ထုတ်ပစ်ခဲ့၏။
နောက်ဆုံးတွင်တော့ သူက ဖြတ်ခြင်းနှင့်
ခုတ်ပိုင်းခြင်းနှစ်ခုကိုသာ သင်ခဲ့သည်။

ထိုလှုပ်ရှားမှုများက ရိုးရှင်းသော်ငြား
သူ့ရဲ့စွမ်းအားကရှိန်လောက်စရာဖြစ်၏။
သူ့ဓားချက်နှစ်ခုအောက်တွင်
စွမ်းအားကြီးကျင့်ကြံသူများစွာရှုံးနိမ့်ခဲ့ရပြီး
မရေမတွက်နိုင်သောကျွမ်းကျင်သူများမှာ
နှစ်ပိုင်းဖြတ်တာဖြစ်ဖြစ်
တစ်ဝက်ပိုင်းတာဖြစ်ဖြစ် ခံခဲ့ရသည်။

ယူရှောင်းမိုက အေးစက်စက်နှာခေါင်းရှုံ့လိုက်သည်။
ဧကရာဇ်အဆင့်ကျင့်ကြံသူတစ်ယောက်နှင့်
ထိပ်တိုက်ရင်ဆိုင်ရတာ ဒါကပထမဆုံးအကြိမ်
ဖြစ်ပေမယ့် သူမကြောက်ပေ။ အမှန်တွင်
သူက ဒီလိုကျွမ်းကျင်သူမျိုးနဲ့ ဖလှယ်ရန်
မျှော်လင့်နေတာကြာပြီဖြစ်၏။

ယူရှောင်းမိုက လက်စည်းချိပ်တစ်ခုကို
လျင်မြန်စွာဖော်လိုက်သည်။ စိတ်နှလုံးကို
တုန်လှုပ်စေနိုင်သည့်အော်ရာတစ်ခုပါဝင်သော
အဖြူရောင်အလင်းတန်းစုလေးတစ်ခုက
မျက်လုံးတစ်ဖက်အမာရွတ်၏ဓားအော်ရာနှင့်
တိုက်သွား၏။ တစ်ခဏချင်းမှာပဲ
တည်းခိုခန်းအတွင်းတွင် လေမုန်တိုင်းတစ်ခု
ဝှေ့ဝိုက်တိုက်ခတ်လာပြီး စားပွဲထိုင်ခုံတွေက
လေထဲသို့မြှောက်တက်သွားတော့သည်။
အားနည်းသည့်တိုက်ခိုက်သူများမှာ
မြေကြီးပေါ် လဲကျကုန်ကြပြီး နေရာအနှံ့တွင်
သနားစဖွယ်အော်သံများထွက်လာတော့သည်။

လူတိုင်းရဲ့အကြည့်တွေကွယ်နေတဲ့အချိန်ကို
အခွင့်ကောင်းယူလိုက်ကာ ရှောင်ဟိန်က
ယူရှောင်းမိုလက်မောင်းကိုဆွဲလိုက်သည်
" အရင်သွားရအောင်"