The Legendary Master's Wife [မြန်မာဘာသာပြန်]

Chapter-536

//Unicode//

အပိုင်း(၅၃၆) မီးဖိုခန်းတွင်ကမောက်ကမဖြစ်ခြင်း

ညစာစားချိန်ရောက်သည့်အခါ စားဖိုမှူးဝမ်နှင့်
သူ့လက်ထောက်လေး၏ ယူရှောင်းမို
မီးဖိုခန်းလာငှားမလားဆိုသောမျှော်လင့်ချက်လေး
ကွဲကြေသွားရသည်။ သူ့မှာအိပ်ယာပေါ်မှ
မထနိုင်၍မဟုတ်ဘဲ လင်းရှောင်ကစားတာခံရ
ပြီးတော့ ချက်ချင်ပြုတ်ချင်စိတ်မရှိတော့တာ
ဖြစ်သည်။

ဒုတိယနေ့မနက်ခင်းမှာ အသားဆန်ပြုတ်တစ်ပွဲ
ချက်ရာ များလွန်းသွားတာ
ကြောင့် နောက်ဆုံးတော့စာဖိုမှူးဝမ်နဲ့
လက်ထောက်လေးတို့မှာ သူတို့တောင့်တနေသော
လက်ရာအား မြည်းစမ်းခွင့်ရလေသည်။

နေ့လည်ရောက်သောအခါ ယူရှောင်းမို
မီးဖိုခန်းဆီတစ်ခါပြန်ရောက်လာ၏။
ထိုသို့ရောက်သော် စာဖိုမှူးဝမ်နှင့်
သူ့လက်ထောက်လေးတို့သည် သူ့အား
ပါပီမျက်လုံးလေးများနှင့်နှုတ်ဆက်လာ၏။

မြစ်မြို့ကလူများက အစားကြေးမများကြချေ၊
ဗိုက်ပြည့်သရွေ့ လုံလောက်ပြီဖြစ်သည်။
စားဖိုမှူးဝမ်သည် မြစ်မြို့ကစာဖိုမှူးတစ်ယောက်
ဖြစ်ပြီး တစ်နှစ်ပတ်လုံးလူအုပ်ကြီးတစ်အုပ်
အတွက်ချက်ပြုတ်ပေးရသည်။ သို့ဖြစ်ရာ
သူ့ဟင်းများက တစ်ချိန်တည်းမှာအသေးစိတ်
ကျပြီးကောင်းမနေနိုင်ပေ။

ထို့ကြောင့် စာဖိုမှူးဝမ်၏အချက်ပြုတ်စွမ်းရည်က
သာမာန်အိမ်ချက်လက်ရာမျှသာ ရှိသည်။
မနေ့ကသူတို့စားခဲ့သည့် ကြက်ချဉ်စပ်ဆိုရင်
တစ်ခါမှတောင်မကြားဖူးခဲ့၊ အရသာ
ဘယ်လိုလဲဆိုတာသိဖို့က ဝေလာဝေး။

နှစ်ယောက်သား ယူရှောင်းမို၏စေတနာ့ဝန်ထမ်း
လက်ထောက်လာလုပ်ကြသည်၊ ဒီတစ်ခါတော့
ပိုက်ဆံမတောင်းကြပေ၊ သူတို့လိုချင်တာက
ယူ​ရှောင်းမို သူတို့အတွက်နည်းနည်းပါးပါး
ချန်ထားပေးတာကိုဖြစ်သည်။

ယူရှောင်းမို အများကြီးတွေးမနေဘဲသဘောတူ
လိုက်၏။

သူ့ဘာသာသူချက်ပြုတ်ရတာက အတော်လေး 
အချိန်ပုပ်သည်၊ မတိုင်ခင်နေ့ကလိုပင်၊
မီးဖိုပေါ် ကအိုးကို ကြည့်နေရတုန်း
ကြက်ကိုင်ပြီး ဟင်းသီးဟင်းရွက်ဆေးရတာ
သူ့အတွက်သိပ်မလွယ်ကူပေ။ ဒါကြောင့်
ကူဖော်လောင်ဖက်ရှိတာက အနည်းဆုံး
အချိန်သုံးပုံတစ်ပုံခန့်တော့ သက်သာပေသည်။