The Legendary Master's Wife [မြန်မာဘာသာပြန်]
Table of contents

    YOU ARE READING

    The Legendary Master's Wife [မြန်မာဘာသာပြန်]

    Adventure

    Original Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...

    #comedy #cultivation #fantasy #lingxiao #translation #weaktostrong #yinya #youxiaomo

    Chapter-487

    6.2K 1.2K 74 
                                        
    
                                              
    Unicode 
    
                          
    အပိုင်း၄၈၇- မဖြစ်နိုင်သည့်တည်ရှိမှု 
    
                          
    ရှင်းလော့မြို့သို့ ယူရှောင်းမိုဒုတိယအခေါက်
    ရောက်လာခြင်းဖြစ်သည်၊ အစောင့်အကြပ်က
    ပထမအခေါက်ထက် ပိုထူထပ်နေ၏။
    အကြောင်းအရင်းကတော့ ယွီရှန်းမြို့မှာ
    လင်း​ရှောင်ပတ်မွှေထားခြင်းကြောင့်ပင်။
    
                          
    အထဲမဝင်နိုင်သေးခင် ယူရှောင်းမိုမှာ
    အကြာကြီးစစ်မေးခံလိုက်ရသည်။
    
                          
    ရှင်းယွင်ရိပ်သာလမ်းက ရှင်းလော့မြို့ရှိ
    အစည်ကားဆုံးလမ်းသွယ်နှစ်ခုတွင်
    တစ်ခုအပါအဝင်ဖြစ်လေသည်။
    ဟိုတယ်များ၊ စားသောက်ဆိုင်များ၊
    ကုန်စုံဆိုင်များ၊ အစာသွတ်မုန့်ဆိုင်များ
    စသည်ဖြင့် လမ်းဘေးတစ်ဖက်တစ်ချက်စီတွင်
    ဖွင့်ထားကြသည်။ ဈေး​ရောင်းသူများအားလုံးက
    သာမာန်လူများဖြစ်ကြသော်ငြား
    ရှင်းလော့မြို့မှာမူ ထင်ထားသည်ထက်ပို
    ရောင်းဝယ်ရေးကောင်းလေသည်။
    
                          
    ဆူညံနေသည့်လူအုပ်ကြီးကြား
    တိုးဝင်သွားလိုက်ရင်း ဈေးဆိုင်များကို
    ကြည့်ရုံနှင့်တင် ယူရှောင်းမို ခေါင်းမူးလာသည်။
    အဆုံးမှာတော့ တော်တော်လေးမျက်စိထဲထင်းတဲ့
    ဟိုတယ်တစ်ခုဆီ သွားလိုက်တော့တယ်။
    
                          
    သူ့စရိုက်နဲ့ဆိုရင် နေလို့ထိုင်လို့ရသရွေ့
    ဘယ်နေရာဖြစ်ဖြစ်အဆင်ပြေတယ်။
    သို့ပေမယ့် လင်းရှောင်ကတော့မတူပေ။
    ထိုအကောင်က စံနှုန်းမြင့်ပြီး
    သူ့စံနှုန်းတွေနဲ့မကိုက်တဲ့ ဘယ်အရာမဆို
    ဒေဝါလီခံသွားရနိုင်လောက်တဲ့အထိ  အထင်သေး
    စက်ဆုပ်ခံရလေသည်။
    
                          
    ဟိုတယ်ထဲဝင်သွားတဲ့ ယူရှောင်းမိုမှာ
    လင်းရှောင်ဆီမှာ စွမ်းအင်ကျောက်တုံး
    လုံလုံလောက်လောက်ရှိရဲ့လားဆိုတာ
    အရမ်းအရေးကြီးတဲ့ပြဿနာဖြစ်နေတာကို 
    မေ့သွားလေ၏။
    
                          
    အခန်းတစ်ခန်းရပြီးနောက် ယူရှောင်းမို
    အခန်းပိတ်နေလိုက်တော့သည်။
    အခုတော့ လင်း​ရှောင် ရှင်းလော့မြို့ဆီ
    လာဖို့စောင့်နေရုံပင်။ မဟုတ်ရင် သူ
    ယွီရှန်းမြို့ကိုရောက်တဲ့အချိန် လင်းရှောင်က
    ထွက်သွားရင်သွားလောက်ပြီ။ ထို့ပြင်
    ရွှေတောင်ပံပိုးကောင်တွေက ရေငွေ့မှော်ဆေးပင်
    တွေပဲစားသည်မို့ သူတို့အတွက်အစာ
    အထောက်အပံ့က ဖြေရှင်းရလွယ်ကူသည်။
    သို့သော်ငြား သတ္တုစားသားရဲလေးကမူ
    အစာကြေးများသည်ဖြစ်ရာ နည်းနည်းလေး
    ခက်သည်။
    The Legendary Master's Wife [မြန်မာဘာသာပြန်] Where stories live. Discover now