Unicode
အပိုင်း၄၀၁: လာဖားတဲ့ငှက်ပေါက်
Ling Xiao ကလက်ပိုက်ပြီးမျက်ခုံးပင့်ကာ You Xiao Mo ကိုကြည့်လိုက်တယ်။
"မင်းကိုယ်မင်းတောက်တဲ့ထင်နေတာလား?"
You Xiao Mo ကသူဟာသလုပ်နေတာကိုလျစ်လျူရှုလိုက်ပြီးသူ့ကို စကားပြောဖို့အချက်ပေးလိုက်သည်။
"ဘာမှမဖြစ်သလိုလမ်းဆက်လျှောက်နေ။ကျွန်တော်အရေးကြီးတာပြောစရာရှိတယ်။"
Ling Xiao ကသူပြောသလိုလုပ်လိုက်၏။ ဒါပေမယ့်ဘာမှမဖြစ်သလိုနေမယ့်အစားသူ့မှာရည်ရွယ်ချက်တစ်ခုခုရှိနေတဲ့ပုံနဲ့လျှောက်နေတယ်။
"ပြောလိုက်စမ်းပါ။ဘာတွေကစားနေတာလဲ?"
"ဒီမှာလျို့ဝှက်ယန္တရားတစ်ခုခုကျွန်တော်တွေ့တယ်။"You Xiao Mo က တိုးတိုးပြောသည်။
"တကယ်လား?ငါ့ကိုပြကြည့်။"Ling Xiao ကသူ မှီထားတဲ့နံရံကနေYou Xiao Moကို ကလော်ထုတ်လိုက်သည်။သေချာတာပေါ့၊အနံတစ်စင်တီမီတာနဲ့အလျားနှစ်ဆယ်စင်တီမီတာလောက်ပဲရှိတဲ့သေသေသပ်သပ်အက်ကြောင်းလေးတစ်ခုကိုနံရံပေါ်မှာတွေ့လိုက်ရတယ်။အဲ့ဒါကစတုရန်းပုံလေးထောင့်ကွက်ပုံစံဖြစ်ပေါ်နေသည်။
"ဒီဟာကစက်ယန္တရားတစ်ခုဖြစ်နိုင်တယ်လို့ကျွန်တော်ထင်တယ်။ဖိကြည့်လိုက်ရင်တံခါးတစ်ခုခု ပေါ်ရင်ပေါ်လာမှာပေါ့။"ဒီမတိုင်ခင်ကတည်းက ဒီလောက်ကြီးမားတဲ့နေရာကြီးအတွက် လျှို့ဝှက်စက်ယန္တရားတစ်ခုခုတော့ရှိမယ်လို့ You Xiao Mo ခံစားနေခဲ့ရတာဖြစ်သည်။ အဲ့လိုမှမဟုတ်ရင်မြေအောက်နန်းတော်လို့အမည်ခံနေစရာမလိုဘူး။ဒါ့ကြောင့်သူကပတ်ဝန်းကျင်ကိုလိုက်စမ်းကြည့်ခဲ့တာ။ယန္တရားတစ်ခုကိုသူတကယ်ပဲတွေ့ခဲ့တယ်။
"မင်းတစ်ခါလောက်စမ်းကြည့်လိုက်။"Ling Xiao ကပြောသည်။
သူ့လက်တွေကိုစိတ်အားထက်သန်စွာနဲ့ပွတ်သပ်နေရင်းYou Xiao Moကလုပ်ကြည့်ဖို့ လက်ယားနေတော့တယ်။
"ဒါဆိုကျွန်တော်နှိပ်လိုက်တော့မယ်။"သူ့လက်တွေကတော့လှမ်းပြီးနေပြီ။
Ling Xiao ကတစ်စုံတစ်ခုပြောတော့မလို့ပဲ၊ဒါပေမယ့်You Xiao Mo ကနှိပ်ပြ်ီးနေပြီ။
အဲ့ဒီ့နောက်တော့......ဘာမှမရှိတော့ဘူး။
ဒီခဏမှာပဲအမျိုးသမီးကျင့်ကြံသူတစ်ယောက်ကအနောက်ဘက်ကိုရုတ်တရက်လှည့်ကြည့်လိုက်တယ်။သူမနောက်ကဘာမှမရှိတဲ့နေရာကိုမြင်တော့ မရေမရာနဲ့အသံပြုလိုက်သည်။
YOU ARE READING
The Legendary Master's Wife [မြန်မာဘာသာပြန်]
AdventureOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...
![The Legendary Master's Wife [မြန်မာဘာသာပြန်]](https://img.wattpad.com/cover/244421690-64-k987673.jpg)