Unicode
အပိုင်း၄၁၉: ဒုတိယမြောက်အဆင့်
ဟုတ်တာပေါ့၊ ဘယ်သူကမှ တရားခံဖြစ်ဖို့
ထွက်မလာကြပေ။ အရူးတစ်ယောက်ကပဲ
ထွက်ရပ်ဖို့ကြိုးစားလိမ့်မယ်။ ရှောင်ယောင်တက္ကသိုလ်
က မင်းပြဿနာရှာလို့ရတဲ့နေရာတစ်ခု
မဟုတ်ဘူး၊ နောက်ပြီးဒီလူငယ်လေးက
သဘောကောင်းတဲ့စရိုက်ရှိသူ မဟုတ်ဘူးဆိုတာ
ထင်ရှားနေတာပဲ။ တစ်ယောက်ယောက်က ဒါကို
တာဝန်ယူလိုက်မယ်ဆိုရင် အရှုပ်အထွေးတစ်ခုလုံးက
ပိုဆိုးလာဖို့ပဲရှိတယ်။
ယူရှောင်းမိုက ကိုယ့်အတွေးနဲ့ကိုယ်မသိလိုက်
မသိဘာသာပဲ၊ သူကစမ်းသပ်မှုကိုဖြေဆိုပြီး
မြန်မြန်ထွက်သွားချင်တာပဲရှိတယ်။ လင်းရှောင်က
ယင်းကောနဲ့ကျန်းယွီအကြောင်း သတင်းနဲ့ သူ့ကို
အပြင်မှာစောင့်နေတုန်းပဲ။ ဒီလောက်ကြာပြီးတဲ့နောက်
မှာ ရှုန်းရှောင်မှာသူတို့အတွက် သတင်းအချို့
ရှိနေလောက်ပြီ။
"အဲ့ဒါမင်းလား?" လူငယ်ရဲ့အသံကျယ်ကျယ်က
သူ့အတွေးများကိုဖြတ်တောက်လိုက်တော့သည်။
ယူရှောင်းမိုက လက်ရှိကိုပြန်ရောက်လာပြီးတော့
'အဲ့ဒါကိုလုပ်ခဲ့တာ မင်းပဲဆိုတာငါသိနေတယ်'
လို့ပြောနေတဲ့ပုံနဲ့ လူငယ်ကသူ့ကို စိန်းစိန်းဝါးဝါး
ကြည့်နေတာကိုတွေ့လိုက်ရတယ်။ ထိုအခါမှသာလျှင်
သူ့ဘေးကလူတိုင်းက ပျောက်ကွယ်သွားပြီဖြစ်မှန်း
သူသိလိုက်ရ၏၊ သူတို့အားလုံးက သူနဲ့ဝေးရာကို
ဆုတ်ခွာနေကြသည်။ သူ့ဘေးပတ်လည်မှာ
နေရာလပ်အကျယ်ကြီးရှိနေ၏။ သူက သူ့အတွေး
များနဲ့ အလွန်ပင်စိတ်ပျံ့လွင့်နေခဲ့မိသည်။
"ငါကဘာလဲ?" ယူရှောင်းမိုက ဇဝေဇဝါဖြစ်ပုံပေါ်ရန်
အကောင်းဆုံးကြိုးစားလိုက်၏။
အန်းချောင်ကမေးပင့်လိုက်ပြီး
"ခုနတုန်းက အဲ့တာပြောလိုက်တဲ့သူကမင်းလား?"
"ဘာကိုပြောတာလဲ?"
" 'အရှက်မရှိဘူး' ဆိုတဲ့စကား"
"အိုး၊ မဟုတ်ဘူး!"
"မင်းမဟုတ်ရင် ဘယ်သူလဲ?"
ယူရှောင်းမိုနှုတ်ခမ်းများတွန့်သွား၏၊ ပြောခဲ့တဲ့သူ
က သေချာပေါက်ကိုယူရှောင်းမိုဖြစ်နေသလိုမျိုး
သူကပြောနေတာပဲ။ ဒီစကားဝိုင်းမှာ
သူတို့နှစ်ယောက်ကြား စိတ်အသက်အရွယ်
ကွားခြားမှုကြီးရှိနေတယ်။ သူကအိုနေပြီလို့
ခံစားလိုက်ရတယ်။
"မင်းငါ့ကိုမေးရင်တောင် ငါသိမှာမဟုတ်ဘူး"
YOU ARE READING
The Legendary Master's Wife [မြန်မာဘာသာပြန်]
AdventureOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...
![The Legendary Master's Wife [မြန်မာဘာသာပြန်]](https://img.wattpad.com/cover/244421690-64-k987673.jpg)