The Legendary Master's Wife [မြန်မာဘာသာပြန်]
Table of contents

    YOU ARE READING

    The Legendary Master's Wife [မြန်မာဘာသာပြန်]

    Adventure

    Original Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...

    #comedy #cultivation #fantasy #lingxiao #translation #weaktostrong #yinya #youxiaomo

    Chapter-516

    5.7K 1.1K 25 
                                        
    
                                              
    //Unicode// 
    
                          
    အပိုင်း ၅၁၆- လိပ်ပေါက်လေး
    
                          
    ရှင်းချီရဲ့ရယ်မောသံမှာ ချက်ချင်းရပ်တန့်သွားပြီး
    အသံလာရာဘက်သို့စိုးရိမ်တကြီး
    လှည့်ကြည့်လိုက်သည်။ ဒီနေရာမှာ 
    လေးယောက်မြောက်လူရှိနေခဲ့လျှင် 
    သူသတိမပြုမိဘဲနေမှာမဟုတ်ပေ။
    
                          
    သို့သော် မော့ကျင်းကတော့ကျေနပ်သွားမိသည်။
    တကယ်ပဲ လူတစ်ယောက်ယောက်ရှိနေမယ်လို့
    သူမထင်ထားခဲ့ပေ။ အမှန်တော့
    သူအော်လိုက်တုန်းက လွတ်မြောက်ရန်အခွင့်ကောင်း 
    တစ်ခုရဖို့အတွက် ရှင်းချီနဲ့သူ့မိတ်ဆွေကို
    အာရုံလွှဲနိုင်ရန် မျှော်လင့်ထားခဲ့ခြင်းဖြစ်သည်။
    ပြန်ဖြေဖို့တော့ သူမမျှော်လင့်ထားခဲ့သော်လည်း
    အမှန်ပင်တစ်စုံတစ်ယောက်ရှိနေလေသည်။
    
                          
    "မိတ်ဆွေတို့ ကျုပ်ကလောကလိပ်နက်မျိုးနွယ်ရဲ့
    ဘေးအခွဲမျိုးနွယ်ကပါ၊ အကူအညီပေးနိုင်ခဲ့မယ်
    ဆိုရင် လောကလိပ်နက်မျိုးနွယ်စုကလည်း
    ကျေးဇူးတင်ကြမှာပါ"
    သူတို့က ရန်သူလားမိတ်ဆွေလားကို
    မော့ကျင်းမသိပေမယ့် ယခုလောလောဆယ်တွင်
    သူတို့ကိုပဲမှီခိုရနိုင်မည်ဖြစ်၏။
    
                          
    သူစကားပြောပြီးသွားတဲ့အချိန် အနည်းငယ်
    သွယ်လျပြီးသေးငယ်တဲ့ပုံရိပ်တစ်ခုသည်
    လေထဲမှာပေါ် လာသည်။ ထို့နောက်
    သူ့မျက်နှာကိုမြင်လိုက်ရ၏။
    
                          
    သူတို့သုံးယောက်လုံး ကြောင်အသွားတော့သည်။
    
                          
    သူတို့ရှေ့ပေါ် လာတာက 
    ကြင်နာတတ်တဲ့အငွေ့အသက်နဲ့ နူးညံ့ပြီးလှပတဲ့
    လူငယ်လေးဖြစ်နေတယ်။ သူကပြုံးလည်းပြုံး
    နေသေးတယ်။
    
                          
    သူတို့သုံးယောက်လုံးက စိတ်စွမ်းအားအာရုံခံနိုင်စွမ်း
    မြင့်တဲ့ကျင့်ကြံသူတွေဖြစ်တာကြောင့်
    လူငယ်လေးရဲ့အဆင့်ကို တစ်ချက်ကြည့်ရုံနှင့်
    ပြောနိုင်ပေသည်။
    
                          
    လူငယ်လေးက လူသားဖြစ်ပြီးအဆင့်၁၀
    မှော်ဆရာလေးဖြစ်သည်၊ သိပ်မမြင့်သလို
    သိပ်လည်းမနိမ့်ပေ။ သူတို့အားလုံးက
    အဆင့်၁၁တိုက်ခိုက်သူတွေဖြစ်တာကြောင့် 
    သူ့ကိုလက်တစ်ဖက်တည်းနှင့် သတ်ပစ်နိုင်လေသည်။
    
                          
    ရှင်းချီမှာ ထိတ်လန့်တုန်လှုပ်နေရာကနေ
    ရုတ်တရက်အော်ရယ်လိုက်မိ၏၊
    "မော့ကျင်း.... မင်းရဲ့ 'မျှော်လင့်ချက်' က
    မှော်ဆရာပေါက်စလေးပဲ၊ လူသားတောင်
    ဖြစ်နေသေးတယ်၊ ငါက စွမ်းအားကြီး
    နတ်ဆိုးသားရဲတို့ဘာတို့ထင်နေတာ၊
    သူကမင်းကိုကယ်လောက်မယ်ဆိုပြီး
    မင်းက သိပ်ကိုစိတ်လှုပ်ရှားနေခဲ့တာဆိုတော့
    သူ့ကိုမင်းရှေ့မှာသတ်ရလိမ့်မယ်"
    The Legendary Master's Wife [မြန်မာဘာသာပြန်] Where stories live. Discover now