The Legendary Master's Wife [မြန်မာဘာသာပြန်]

Chapter-585

//Unicode//

အပိုင်း(၅၈၅) အဖြူရောင်ဝတ်ရုံနှင့်အမျိုးသမီး

တိတ်ဆိတ်လှသောညခင်းတွင် သရဲမတစ်ကောင်
အော်ဟစ်သံလို တစ်စုံတစ်ရာသည် မကြာခဏ
ဆိုသလို ထွက်ပေါ်လာတတ်၏။ အသံက
အလွန်အမင်းစူးရှကျယ်လောင်လှပြီး
မြို့တစ်ဝက်လုံးနီးပါးပင် ကြားရလေသည်။

တစ်ခဏအတွင်းမှာပင် တည်းခိုခန်းများစွာထံမှ
ကျိန်ဆဲသံများ ထွက်လာကာ မီးအလင်းများ
တောက်ပကုန်၏။ သို့သော် ထူးဆန်းသည်မှာ
အသံလာရာတည်းခိုခန်းကို လူတိုင်း သိချင်နေကြ
စဉ်မှာပဲ အသံကပြန်လည်ပျောက်ကွယ်သွားခဲ့လေ
သည်။

ထိုညမှာ အိပ်မရသူ အများအပြားရှိခဲ့သည်။

သို့သော်လည်း ချွင်းချက်နှစ်ယောက်တော့ရှိ၏၊
ယူရှောင်းမိုနှင့်လင်းရှောင်ပင်။ အကာအရံ
အစီအရင်ကို ထုတ်ပြီးနောက် သရဲမအသံကို
မကြားရတော့ပေ။

ဒုတိယမြောက်နေ့၌ ဤတည်းခိုခန်းမှလူများမှာ
မျက်ကွင်းအမည်းဆုံးဟု ဆိုလို့ရသည်၊ ထို့ကြောင့်
လူအများမှာ ရှဲ့ကျွင်းကို မကျေနပ်ကြပေ။
သို့ပေမဲ့ ရှဲ့ကျွင်း၏ခွန်အားကို ထည့်တွက်ကြည့်ရ
သဖြင့် ဘာတစ်ခွန်းမှမဟရဲကြဘဲ
တိတ်တိတ်လေးသာ ဒေါသထွက်ကြရလေသည်။

မျက်နှာနှင့်လည်ချောင်းကို မီးလောင်ခံရခြင်း​သည်
လက်တစ်ဖက်နှင့် မယှဉ်နိုင်ပေ။ နာကျင်မှုက
လက်မောင်းတစ်ဖက်မှ နာကျင်မှုထက်
အဆပေါင်းများစွာပိုသည်။ ထို့အပြင် ကုတ်လျှင်
ပိုဆိုးမည်ဖြစ်၍ ကုတ်ခြစ်၍လည်းမရပေ၊
ထို့ကြောင့် မော့ရွှယ် တစ်ညလုံးနီးပါး
အော်ဟစ်နေသည်မှာ ပုံမှန်ပင်ဖြစ်သည်။

ကျန်ညတစ်ဝက်မှာတော့ ရှဲ့ကျွင်းက နာကျင်မှု
ပျောက်စေသည့် မှော်ဆေးလုံးတစ်မျိုးမျိုး
ကျွေးလိုက်ခြင်းဖြစ်နိုင်သည်။ သို့မဟုတ်
ယူရှောင်းမို၏ခန့်မှန်းချက်ကတော့ ရှဲ့ကျွင်းက
လူများစွာကို ရန်စမိမည်စိုး၍ မော့ရွှယ်ကို
သတိလစ်အောင် လုပ်လိုက်သည်။ ၎င်းက
ပိုရိုးရှင်းပြီး သူမ အော်ဟစ်ချင်လျှင်တောင်
အော်ဟစ်လို့မရတော့ပေ။