//Unicode//
အပိုင်း(၅၅၀) မျက်စိမပါ (အမြင်မရှိ)
လဲလှယ်ရေးဌာနမှာ ကျောက်တုံးတွေကို
လဲလှယ်ခြင်းကသိပ်ခေတ်မရှိပေ။
စွမ်းအင်ကျောက်တုံးလဲလှယ်ရန် တောင်းဆိုထား
သောသူသည် အထပ်၇၀မှ ယန် ဟုအမည်ရသည့်
ဆရာတစ်ဦးဖြစ်၏။ သူ့ကို စွန့်ဦးအလုပ်တစ်ခု
စတင်သူဟု မှတ်ယူလို့ရသည်။ သူက အချိန်မှန်မှန်
ရောက်လာတတ်ကာ သူ့ကို စွမ်းအင်ကျောက်တုံး
လဲလှယ်ပေးသော ကြွယ်ဝချမ်းသာသည့်လူတစ်ချို့
ရံဖန်ရံခါရှိပေမယ့် များလှသည်တော့မဟုတ်ချေ။
သူ့အပြုအမူကအမြဲလိုလိုကြောင်တောင်တောင်နိုင်၍
ထူးဆန်းနေတတ်ကာ လူတိုင်းအတွက်အသစ်အဆန်း
ဖြစ်လို့နေသည်။ သို့သော်လည်း အချိန်တိုင်း
အဆင်ပြေချောမွေ့နေတာတော့မဟုတ်ပေ၊
အကြောင်းမှာ ဒီလ သူဆိုင်ဖွင့်တာသုံးရက်ကြာသည်
ထိတိုင်အောင် ဘယ်သူကမှသူနဲ့လဲလှယ်ခြင်း
မပြုကြသေးသောကြောင့်ပင်။
လူတိုင်းသိတဲ့အတိုင်းပဲ စွမ်းအင်ကျောက်တုံးကို
ထုံထျန်းတိုက်ကြီးပေါ်မှာ ငွေကြေးအဖြစ်သုံးစွဲ
နေကြပေမယ့်လို့ ၎င်းတန်ကြေးကလည်းမြင့်မားလှ
သည်။ ဒီလိုဖြစ်နေရခြင်းက ၎င်းကိုငွေကြေးအဖြစ်
သုံးစွဲနိုင်ရုံသာမက ကျင့်ကြံရာတွင် ကျောက်တုံး
အတွင်းရှိစွမ်းအင်ကိုစုပ်ယူ၍ကျင့်ကြံနိုင်သောကြောင့်
လည်းဖြစ်သည်။
ဒီဆရာယန်က စွမ်းအင်ကျောက်တုံးကစွမ်းအင်ကို
စုပ်ယူ၍ကျင့်ကြံရတာကို နှစ်သက်သည့်
တိုက်ခိုက်သူတစ်ဦးဖြစ်သည်။ သူကဒီနည်းဖြင့်
စွမ်းအင်ကျောက်တုံးများကို ဖောဖောသီသီသုံးစွဲရာ
ငမွဲဖြစ်သွားလေသည်။
ထိုနည်းမှကောင်းကျိုးများကို သိရှိပြီးနောက်
သူက အချိန်မှန်မှန်ရောက်လာတတ်တော့သည်။
ဒီဆရာ့အကြောင်းတွေကို ကျုံးယဲ့ကြားခဲ့ဖူးသည်။
ရှောင်ယောင်တက္ကသိုလ်က ကျောင်းသားတွေ
အကုန်လုံးက မှော်ဆရာတွေဖြစ်သည်။
မှော်ဆရာတွေက ငွေရှာရလွယ်ကူသည့်အပြင်
ငွေသုံးလည်းကြမ်းကြသည်။ စွမ်းရည်ရှိသူများနှင့်
ချမ်းသာတဲ့မိသားစုများမှသူများကလွဲ၍
လူအများစုမှာ စွမ်းအင်ကျောက်တုံးမကြွယ်ဝကြပေ။
ဒါ့အပြင် ဒီဆရာရဲ့ဈေးနှုန်းက အတော်လေး
မြင့်နေသည်။
YOU ARE READING
The Legendary Master's Wife [မြန်မာဘာသာပြန်]
AdventureOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...
![The Legendary Master's Wife [မြန်မာဘာသာပြန်]](https://img.wattpad.com/cover/244421690-64-k987673.jpg)