//Unicode//
အပိုင်း(၅၃၃) မြစ်မြို့
"ဟယ့်ရှုန်း...သခင်က သူ့ကိုယ်ရေးကိုယ်တာကို
ထုတ်မပြောဖို့မပြောခဲ့ဘူးလား...ဒါကို
မင်းက သူစိမ်းတွေကိုသာမာန်ကာလျှံကာပဲ
ပြောပြလိုက်တယ်ပေါ့... ကိုယ့်အပြစ်ကိုယ်
သိရဲ့လား"မျက်နှာစိမ်း၏အသံသည် ဒေါသပုန်ထနေသည့်နှယ်
ကြမ်းရှပြီးအက်ကွဲနေသည်။ ခန္ဓာကိုယ်
တစ်ခုလုံးသည် အနက်ရောင်ခြုံထည်အောက်
တွင်နစ်မြုပ်နေကာ အေးတိအေးစက်မျက်ဝန်း
များသာဖော်ထားသည်၊ သူကထိတ်လန့်
တုန်လှုပ်နေသည့်ဟယ့်ရှုန်းအား
အမူအရာကင်းမဲ့စွာကြည့်နေလေသည်။ဟယ့်ရှုန်းမှာ နောက်ဆုံးတော့တုန့်ပြန်လာပြီး
ကတိုက်ကရိုက် လက်နှစ်ဖက်ယှက်လိုက်၏။
သူက လေးလေးစားစားပြောလိုက်သည်၊
"အထောက်တော်ပါလား... အထောက်တော်က
သူ့ဆုံးဖြတ်မှုမှာ တခွန်းစနှစ်ခွန်းစဝင်ပြောလို့
ရနိုင်တယ်ဆိုရင် ဟယ့်ရှုန်းသိပ်တော့မသိပါဘူး၊
အဲ့ဒီ့လူတွေက သခင်နဲ့ဘာပတ်သက်မှုမှ
မရှိပါဘူး"အနက်ရောင်ဝတ်နှင့်လူက အေးတိအေးစက်
နှာမှုတ်လိုက်သည်၊ "မင်းမလုပ်ရဲဘူးလို့
ငါယုံတယ်၊ ဒီတစ်ခါလာတာက မင်းအတွက်
အထူးတာဝန်တစ်ခုရှိတယ်လို့ သတင်းလာပို့တာ""ကျေးဇူးပြုပြီးပြောပါ အထောက်တော်"
"ရှင်းချီရဲ့တာဝန်က ကျရှုံးသွားတယ်၊ပြီးတော့
ကျိရန်မြို့က ရေရှင်နယ်နိမိတ်ကိုသွားတဲ့
လမ်းမှာ ရှောင်လို့မရတဲ့နေရာတစ်ခုဖြစ်နေတယ်၊
ဒါ့ကြောင့် အခုကစလို့မြို့တံခါးတွေကို
အစောင့်တင်းတင်းကြပ်ကြပ်ချထားရမယ်၊
လိပ်မျိုးနွယ်စုက ဘယ်သူ့ကိုမှဖြတ်သန်းသွား
လာခွင့်မပြုရဘူး" အနက်ရောင်ဝတ်ရုံနှင့်
လူက မှောင်မှိုင်းစွာပြောလာသည်။ဟယ့်ရှုန်းမှာ တစ်စက္ကန့်ခန့်တွေဝေသွား၏။
"ဒါပေမယ့် ကျုပ်တို့ လိပ်မျိုးနွယ်စုကလူတွေကို
ရှာဖွေနေတယ်လို့သာ လူတွေသိသွားရင်
လိပ်နက်မျိုးနွယ်ကို ရန်စမိသလိုဖြစ်မသွား
ဘူးလား"ကျိရန်မြို့သည် လောကလိပ်နက်မျိုးနွယ်စု၏
ပိုင်နက်တစ်စိတ်တစ်ပိုင်းမဟုတ်သော်ငြား
လိပ်နက်မျိုးနွယ်စုကဲ့သို့ပင် မြောက်အရပ်မှာ
တည်ရှိတာဖြစ်သည်။ သူတို့တွေ ဒါကြောင့်သာ
ဒေါသပုန်ထသွားရင် သူ့အတွက်ကျိရန်မြို့အား
ဆက်လက်ပြီး အုပ်ချုပ်မင်းလုပ်နိုင်ရန်
မဖြစ်နိုင်တော့ပေ။
YOU ARE READING
The Legendary Master's Wife [မြန်မာဘာသာပြန်]
AdventureOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...