The Legendary Master's Wife [မြန်မာဘာသာပြန်]

Chapter-539

//Unicode//

အပိုင်း(၅၃၉) မီးထဲသို့ခုန်ချခြင်း

ဗလာဖြစ်နေသောနေရာကိုကြည့်ရင်း ရွှမ်းဝေ
ထိတ်လန့်တုန်လှုပ်သွားမိသည်၊ သို့သော်
မကြာမီတွင်အသိပြန်ဝင်လာ၏။ သို့သော်လည်း
သူမည်မျှပင်တုံ့ပြန်တာမြန်ပါစေ
လင်းရှောင်အား မမီနိုင်။

(မနေ့ကတော့ရွှမ်းရှန်တဲ့ အခုကျရွှမ်းဝေဖြစ်နေ
ပါတယ် eng trans မှာကိုကအဲ့လိုဆိုတော့
ကျွန်တော်လည်းဒီတိုင်းပဲပြန်လိုက်ပါတယ်🤧)

"အဖိုးကြီး ဘယ်ကြည့်နေတာလဲ"
လင်းရှောင်၏အသံက အနောက်ဘက်ဆီမှ
ရုတ်တရက်ထွက်ပေါ် လာသည်၊ တစ္ဆေတစ်ကောင်
ကဲ့သို့ တိုးညင်းညင်းသာရှိသော်လည်း
ရက်စက်မည့်ပုံပင်။ နေ့ခင်းဘက်ကြီးတွင်ပင်
အတော်လေးခြောက်ခြားဖွယ်ကောင်း၏။

ရွှမ်းဝေမှာ ထိတ်လန့်သွားကာ ဆံပင်မွှေးများ
ထောင်သွား၏။ သူသရဲမကြောက်၊သို့ပေမယ့်
လင်းရှောင်သည် သူ့နောက်ဘက်၌
အသံတိတ်ပေါ်လာနိုင်သည့်အတွက် သူမည်ကဲ့သို့
မတုန်လှုပ်ပဲရှိမည်နည်း။

သူ အခြားသူ၏အစွမ်းအားလျော့တွက်မိသည်
ထင်သည်။

ရွှမ်းဝေခေါင်းထဲတွင် အတွေးများအစီအရီရှိနေ
သည့်တိုင် တစ်ချိန်နည်းမှာပင်တွေဝေခြင်းအလျဉ်း
မရှိဘဲ ပြန်တုံ့ပြန်ကာ အနောက်ဘက်သို့
တိုက်ခိုက်လိုက်၏။ သို့ပေမယ့် လွဲချော်သွားသည်။

သူ့ပုခုံးပေါ်၌ လက်တစ်ဖက် ရုတ်တရက်
ရောက်လာပြီး ထိုရက်စက်ပုံရှိသည့်အသံက
နားထဲသို့ရောက်လာပြန်သည်။

"heh...လေကိုတိုက်ခိုက်နေတာလား"

ရွှမ်းဝေ၏နှလုံးသားတွင် ကြောက်ရွံ့ခြင်းများ
ညိတွယ်လာ၏၊ ဒေါသနှင့်အတူဟိန်းဟောက်
လိုက်ကာ စိတ်ဝိဉာဉ်စွမ်းအားဖြင့်
ဘေးပတ်ပတ်လည်သို့ တစ်နေရာမကျန်
လွှမ်းခြုံပြီးတိုက်ခိုက်တော့သည်။

သူ့အတွင်းဘက်၌ကျူးကျော်
ဝင်ရောက်ထားသည့်စွမ်းအားတစ်မျိုးသည်
ထိုအချိန်မှပင်ပေါ်လာ၏။

သူ့မျက်နှာတစ်ခုလုံး ထိတ်လန့်မှုကြောင့်တွန့်လိမ်
နေစဉ်မှာ ပုခုံးပေါ် ရှိလက်သည်သူ့အား
အောက်သို့အားဖြင့်ဖိချလိုက်သည်။
နိမ့်သထက်နိမ့်သွားသည်နှင့် ထိုအမျိုးသားက
သူ့ဆီသို့ လက်ဝါးချက်တစ်ချက်ရိုက်ထုတ်လိုက်
သည်ကို ရွှမ်းဝေ့မြင်လိုက်ရ၏။ သူ့မျက်လုံးများ
ပြူးကျယ်သွားသည်။ အတွင်းစွမ်းအားကို
အသုံးပြုချင်သော်လည်း ၎င်းကတုံ့ပြန်မှု
မရှိပေ။