Unicode
အပိုင်း၅၀၄- ကျုံထျန်းဈေးရောင်းပွဲတော်
တောင်ပိုင်းတိုက်မကြီး ၊ သွေးစွေးနီကလန်၌.....
ကျန်းလျှို့နဲ့စကားပြောပြီးခဲ့ကတည်းက
ယူကျန်ထျန်းက အခြေအနေကိုစုံစမ်းလေ့လာရန်
လူများစေလွှတ်ခဲ့သည်။ မျိုးနွယ်စုထဲမှာ
ဖြစ်ပျက်ခဲ့တာနဲ့ပြန်ပေါင်းထုပ်လိုက်သည့်အခါ
ကျန်းလျှို့ပြောခဲ့တဲ့ထဲက ကိုးဆယ်ရာခိုင်နှုန်းခန့်က
တော့ မှန်တယ်လို့ သူယုံသွားသည်။ထိုနှစ်ယောက်က ပထမဦးစွာ ပင်မအိမ်တော်ကို
ဖောက်ဝင်ခဲ့ပြီး တားမြစ်နယ်မြေကိုဖျက်စီး ၊
အကျဉ်းသားတွေကိုလွှတ်ပေး ၊ ပင်မအိမ်တော်ကို
ပျက်စီးမှုကြီးကြီးမားမားဖြစ်စေခဲ့ပြီးနောက်
အကြောင်းအရင်းမရှိကယ်သွားခံခဲ့ရတဲ့ ဖုန်းချီယွင်၊
ပြီးတော့ ယွီရှန်းမြို့နဲ့ရှင်းလော့မြို့.........တစ်ချက်ကြည့်ရင်တော့ တိုက်ရိုက်ဆက်စပ်မှု
အများကြီးမရှိဘူး ၊ ဒါပေမယ့် သေသေချာချာ
တွေးကြည့်ရင် ဒီအဖြစ်အပျက်တွေအားလုံးဟာ
နတ်ဘုရားဆင့်ကျင့်ကြံသူတစ်ယောက်နဲ့
ပတ်သက်နေပြီး အမြဲတမ်းလူနှစ်ယောက်
ပါနေတယ်ဆိုတာ သဘောပေါက်နိုင်ပေသည်။ယူထျန်းနန်ဆီကနေရခဲ့တဲ့ လုံရှန်းတိုက်မကြီးက
အချက်အလက်ကို ယူကျန်ထျန်းအမှတ်ရသွားတယ်။ယူရှောင်းမိုနဲ့လင်းရှောင် ၊ တကယ်ပဲသူတို့
ဆိုရင် နတ်ဘုရားဆင့်တိုက်ခိုက်သူက
နောက်တစ်ယောက်ဖြစ်မယ်။ သူ့အဆင့်တွေက
သတိထားစရာကောင်းတဲ့အမြန်နှုန်းနဲ့
တိုးလာခဲ့တာပဲ ၊ အကယ်၍ သူတို့ကို
လွတ်လွတ်လပ်လပ်ကြီးထွားခွင့်ပေးလိုက်ရင်
သိပ်မကြာတဲ့အနာဂတ်မှာ သွေးစွေးနီကလန်
အတွက် ဆူးငြှောင့်ခလုတ်တစ်ခုဖြစ်လာမှာ
အသေအချာပဲ။သုတ်သင်ပစ်ရမယ်။
"ယောက်ျား" တည်ငြိမ်အေးဆေးတဲ့အသံတစ်ခု
ရုတ်တရက်ထွက်ပေါ် လာကာ ယူကျန်ထျန်းရဲ့
အတွေးစကိုပြတ်သွားစေသည်။ယူကျန်ထျန်းလည်း သူ့ဘေးက ယင်ကတော်ကို
လှမ်းကြည့်လိုက်တယ်။ ယင်ကတော်ရော
ယင်ကောရောမှာ လှပတဲ့ငွေရောင်ဆံပင်ရှည်တွေ
ရှိတာတူပေမယ့် ယင်ကောရဲ့ဆံပင်က
ပိုမိုတောက်ပလေသည်။
(ကတော်က အမျိုးသမီး၊ မယားဖြစ်သူကို
ဆိုလိုတာပါနော်)
YOU ARE READING
The Legendary Master's Wife [မြန်မာဘာသာပြန်]
AdventureOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...