Unicode
အပိုင်း၅၀၅- စွမ်းအင်ကျောက်တုံးတစ်ရာ
အကြီးအကဲဖန်း သူတို့နဲ့ပြန်တွေ့တဲ့အချိန်
ယူရှောင်းမိုက လူငယ်လေးနဲ့အရောင်းအဝယ်
ကိစ္စလုပ်ပြီးနှင့်နေပြီဖြစ်သည်။
အဆင့်ဆယ့်တစ်ရှိသည့်အသက်သလင်းတစ်ခု
လဲလှယ်ခြင်းအပြင် သူ့ဆိုင်ကထိပ်ဆုံးသုံးခု
ဖြစ်သည့် အဆင့်တစ်ဆယ်အသက်သလင်း
များကို အဆင့်တစ်ဆယ်မှော်ဆေးလုံးသုံးလုံးနှင့်
လဲခဲ့သေးသည်။ သူသုံးခဲ့တာ
တစ်ကြိမ်တည်းနဲ့ မှော်ဆေးလုံး
ရှစ်လုံးရှိနေပြီဖြစ်၏။
လူငယ်လေးရောင်းနေတဲ့
အသက်သလင်းကျောက်တွေရဲ့အဆင့်နဲ့ဆို
ဒုတိယထပ်ကိုသွားလို့ရနေပြီဖြစ်သည်၊
ဒါပေမယ့် သွားလိုတဲ့ဆန္ဒမရှိတာကြောင့်
ပထမထပ်မှာဆိုင်ခင်းထားခြင်းဖြစ်လေသည်။
ယူရှောင်းမိုမလာခင်တုန်းက သူ့ဆိုင်ကို
မျက်စိကျသူအများအပြားရှိခဲ့ပေမယ့်
အများစုမှာ သူ့ဆက်ဆံပုံနဲ့မြင့်မားလှတဲ့
ဈေးနှုန်းကြောင့် လန့်ပြီးပြေးသွားကြခြင်း
ဖြစ်သည်။
ယူရှောင်းမိုလည်း အဆင့်တစ်ဆယ်အထက်ရှိတဲ့
သလင်းကျောက်တွေများ ရှိခဲ့လို့ရှိရင်
သူ့ဆီရောင်းပေးဖို့စဉ်းစားပေးလို့ရတယ်ဟု
ထွက်မလာခင်ပြောခဲ့သည်။
အဲ့ဒီ့နောက် သူ့လိပ်စာနဲ့နာမည်
ပေးခဲ့လိုက်ပြီး လျှောက်ထွက်လာခဲ့တော့သည်။
လူငယ်လေး သူ့နေရာမှာရပ်ကျန်နေခဲ့တယ်။
ဖောဖောသီသီဈေးဝယ်တဲ့လူမျိုးကို
သူကြုံဖူးတာ ဒါပထမဆုံးပဲ ၊ နောက်ပြီး
ဝယ်တဲ့ဟာက ရှားပါးတဲ့အဆင့်မြင့်မှော်ဆေးလုံး
တွေ။ သူ့ဆီကရတဲ့ခံစားချက်က
သူ့မှာမှော်ဆေးလုံးမပြတ်သလိုမျိုး ၊
သူ့ကိုယ်ပိုင်မှော်ဆေးလုံးတွေလိုမျိုး ဒါမှမဟုတ်
နောက်တစ်ခါ သူနဲ့ထပ်ပြီးအရောင်းအဝယ်
လုပ်လို့ရသေးတဲ့ပုံမျိုးပဲ။
ကျုံထျန်းဈေးရောင်းပွဲတော်ရဲ့ ဒုတိယအထပ်ဟာ
ပိတ်ထားတဲ့နေရာတစ်ခုဖြစ်သည်။
ဝင်ပေါက်ထွက်ပေါက်ကို လျှို့ဝှက်နေရာတစ်ခုမှာ
တပ်ဆင်ထားပြီး အကြီးအကဲဖန်းက
လမ်းပြပေးလို့သာမဟုတ်ရင် ဒီအပေါက်တွေကို
ရှာနေရတာကိုက အချိန်ကုန်လူပင်ပန်းဖြစ်
စေမည်ပင်။
YOU ARE READING
The Legendary Master's Wife [မြန်မာဘာသာပြန်]
AdventureOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...
![The Legendary Master's Wife [မြန်မာဘာသာပြန်]](https://img.wattpad.com/cover/244421690-64-k987673.jpg)