The Legendary Master's Wife [မြန်မာဘာသာပြန်]

Chapter-454

Unicode
အပိုင်း၄၅၄- ပြည်နှင်ခံရခြင်း

မျိုးနွယ်စုခေါင်းဆောင်က သူ့ကိုတကယ်ပဲ
စတေးလိုက်မယ်လို့ လျောင်ယကမထင်ထားခဲ့ပေ။
ခေါင်းဆောင်မှာအလွန်သစ္စာမဲ့သောလူစားမျိုး
ဖြစ်တာကိုသိသော်လည်း သူကတော့
ချွင်းချက်တစ်ခုဖြစ်မယ်လို့ခံစားခဲ့ရသည်။
သို့ပေမယ့် သူ့ဘဝကမမျှော်လင့်စွာနဲ့
ဤပုံစံဖြင့်အဆုံးသတ်ခဲ့၏။
သူကခါးသီးနာကြည်းစွာဖြင့် မီးလျှံချီလင်၏
လောင်ကျွမ်းပြာချခြင်းခံလိုက်ရသည်။

နတ်ဒေဝါအဆင့်ရဲ့အထွတ်အထိပ်မှာရှိတဲ့
ကျင့်ကြံသူတစ်ယောက်ထွက်ပြေးချင်လျှင်
အဆင့်တူလူများစွာပေါင်းရင်တောင်မှ
တားဆီးနိုင်စွမ်းရှိမည်မဟုတ်ပေ။
သို့သော်လည်း လင်းရှောင်ကယခုကဲ့သို့သော
အခြေအနေအတွက် ပြင်ဆင်မှုများလုပ်ထားခဲ့သည်။

အရှေ့မှာ တစ်စုံတစ်ခုထူးဆန်းနေတာကို
ခံစားမိလိုက်တဲ့အခါ လင်းယုန်အိုကြီးက
အနောက်သို့မြန်မြန်ပြန်ဆုတ်လိုက်တော့သည်။
လင်းရှောင်က တွန့်ရှုံ့သွားတဲ့နေရာလပ်တစ်ခုဆီမှ
ထွက်လာပြီး လင်းယုန်အိုကြီးရဲ့အမူအရာကို
ဝမ်းမြောက်ပျော်ရွှင်နေသောမျက်နှာဖြင့်
ဇိမ်ပြေနပြေကြည့်လိုက်သည်။ ထိုအမူအရာမှာ
ယူရှောင်းမိုကိုကြည့်ခဲ့သည့်အတိုင်း
တစ်ထေရာတည်းဖြစ်၏။

" မင်းဘယ်ပြေးလို့ရမလဲကြည့်ကြတာပေါ့"

လင်းယုန်အိုကြီးရဲ့အမူအရာက
ကြောက်စရာကောင်းလောက်အောင်မှောင်မှိုင်း
နေသည်။ သူ့ကိုကမ္ဘာပေါ် တွင်နှိုင်းယှဉ်နိုင်သူမရှိ
ဟု ယူဆခဲ့သည်။ အခုတော့ သူက
ဘယ်ကမှန်းမသိပေါ် လာတဲ့လူငယ်ကြောင့်
အကြပ်အတည်းအတွင်းသို့ဖိအားပေးခံနေရသည်။
ဒီနေ့မတိုင်ခင်သာ တစ်ယောက်ယောက်က
ဒီလိုဖြစ်မှာလို့ပြောခဲ့ရင် အဲ့လူကိုသေချာပေါက်
သတ်မိမှာပဲ။
( ဒီနေ့မတိုင်ခင်ထိသူ့ကိုယ်သူပြိုင်ဖက်ကင်းတယ်
လို့ထင်ထားတာကြောင့် သူ့ကိုဒီလိုဖိအားပေးနိုင်သူ
ရှိတယ်လို့ပြောခဲ့ရင်သတ်ပစ်မိမှာကိုပြောတာပါ)

ဒီလူရဲ့အင်အားက အလွန်ကြီးလွန်းနေတယ်။
သူတို့နှစ်ယောက်စလုံးက အထွတ်အထိပ်အဆင့်
ကျင့်ကြံသူချင်းတူတူကိုတောင်မှ
သူ့မှာခုခံနိုင်တဲ့အားလုံးဝမရှိဘူး။
ချီလင်မျိုးနွယ်ကလူတိုင်းက တကယ်ကြီး
လွှမ်းမိုးလို့မရနိုင်တဲ့သူတွေကြည့်ပဲလား?